Guidar_2/HEB.9.txt

1:Wən minan na Maŋgəlva an dabəŋ tay dədawka aka wənna zuli sən Maŋgəlva. Təki maɓɓan tay salala məs ɗii aɗɗaŋ.
2:Armanənək gəla na gabaga nalma* sula. An dabəŋ məyani na təki salala, adəvən bo, təki tay naw ɗi pitirleɗ də tabəl də memteke məɗiyən akan aba Maŋgəlva.
3:Gədəvən mətawan maɓɓan bo, məs adawyaŋ na təki salala məs dəday pakə.
4:Adəvən bo təki nawzla tursan nan də meleŋge də akoti na wən minani məsərət kiyən də meleŋge. Adəv akoti van bo, tasaw na meleŋge tayadak də manu adəvən, gəm zleŋge məndəfən na Aron, gəm kalaɓɗe sula məs məver wən minan aketi.
5:Aka akoti van bo, fotoɗe net kerubanɗe tay va wərban wəsuwa na Maŋgəlva. Atiŋginik persleket aka təki nawtaw wəlla zəga, vi kaviyan mambray net ɗiiyi. Amma kakaŋ na məɓapna wərban zəgas pak ɓa.
6:Adan zəga pak azaɓək gərak vaska, məs dəlveŋge tahəŋ wətoŋgoŋ adəv gəla an dabəŋ pay pakə, vi kaɗɗa wəza neti.
7:Amma gədəvən mətawan masula'ən, say daya net məs dəlveŋge dədawtoŋ adak kaaka'ə. Nan bo say təl taka kaaka adəv wəsva taka. Tay toŋ dit mbeli kawɗi sən Maŋgəlva vi ki zəknani gəm vi mambray məs ɗii adaɗɗaŋ məza də wəŋgla net ɓa.
8:Əmpəs Salala tay ərban səm wənnan dit zigeɗiŋki. Daga gəla na gabaga nalma* an mətawan dabəŋ adawsan tagay, tive nawtoŋ adəv gədəvən ma sula'ən tay tagay ɓa.
9:Gəla madabəŋ tayərban səm an dəgəɗ kakaŋka. Zəga nan aŋgəl wənah na: Wətaw wəlla zəga sən Maŋgəlva də wəpsən zəga aɓapna kaw zaɓan makra ɗəf məzu zuli dəsan gən təstəs ɓa.
10:Say wənna zəga nawzəma də zəga naw saa, də wəzaɓan dəsan gən salala də tive temtemi. Aspak zəga nappakayi, atərək wəray ha gap pay məs Maŋgəlva akpaŋgan zəga pakə.
11:Amma kakaŋka na Krestu adeke. Ndəni daya net məs dəlveŋge aka zəga mogon məs dəde səm kakaŋka. Tayəɗɗa wəza adəv gəla na gabaga nalma* an dədayki an lahəŋ də metiŋgin də mogoni. Də vet ɗii məɗɗa gəla nan ɓa, va anah na, səka dəlvəŋki ɓa.
12:Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.
13:Mbel net məsgileɗ net gilew dit məsgileɗ net wazliɗe mogeti, dit bəleteɗe məkso mbel net aket ɗii mbrayti, ndəni askoɓe aviyanək mbrayen neti.
14:An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.
15:Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.
16:Atəki məs məver ɗerewel na wən minani, say ɗəf dəsən gən na ɗəffan dəver wənəŋ amtəka.
17:Vi wən minan atərna wəray an ɗəf məs dinan tayagge tagay ɓa, say katər wəray dərɓaga wəmta nani.
18:Vaski bo wən minan an məsvan tay ɓəlɓəl ɓa, say an mbel anzoŋguk kana asna wasan ɓəlɓələ.
19:Dabəŋ nani Moyis arbanək dawka pakə, va məverin adəv ɗerewel na ma henziŋ. Yaŋ agim mbel na wazli megeɗge sap git dit iŋkile, yaŋ aksu aka ɗerewel na ma henziŋ dit ɗii pakə də gaslamba na isop gəm dit uliɗ peppreŋɗe.
20:Amna mbeliŋki, ndəɗaŋ dəɓəlanən wən məs Maŋgəlva aynan ka kəsbanən gəni.
21:Vaski bo, Moyis aksu mbel aka gəla na gabaga də aka zəga na wəza pakə, nasban wənna Maŋgəlva.
22:Kla za ma henziŋ na, zəga pak an wasan salala na, say an mbel aziyaŋka, vaski bo mambray avi na ɓa say an mbel aziyaŋka.
23:Zəgas pak fotoyi aza zəga na disiŋ, dewle say dəsan gən salala*. Amma zigeɗ na disiŋ wəray tay na sazlaga dayki ana duniya.
24:Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.
25:Daya net məs dəlveŋge net Yahudiyenɗe, tay toŋ atəki salala adəv wəsva pak təl taka də mbel na zəga mamaya. Amma Krestu atoŋ na ɗayɗay vi kəpsən zeŋgillen təl ɓəɓɓay ɓa.
26:Va wagəɗ vasna, daga wətəŋ na dəlva wazəm saha təl diiɗa. Də goŋga nan na adeke arbanək zən dərɓe dərɓe kan təl taka kaaka məki ha faɗə, vi koskoɓ mambray net ɗii səka dəlva də wəpsən zeŋgilleni.
27:Ko naway pak wamtə təl taka, dərɓagan na Maŋgəlva wataw kita akani.
28:Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.