Upload Guidar_2/2CO.10.txt with huggingface_hub
Browse files- Guidar_2/2CO.10.txt +18 -0
Guidar_2/2CO.10.txt
ADDED
|
@@ -0,0 +1,18 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.
|
| 2 |
+
2:An nədək annokumda na, kədaɗɗaŋ suwən dewle nərban gən sembe naw ɓa. Net na, aɓɗaŋ na: Mənam tatəɗɗa wəza nan va məs duniya adaɗɗa. Nəsənka nəgapək narban sembe nawa.
|
| 3 |
+
3:Gesiŋ nam bo ɗii mənani, amma məgay na vanet ɗii ɓa.
|
| 4 |
+
4:Adəv əgay nam na, məgay na də zəga naw gay na duniya ɓa, say də zəga naw gay na Maŋgəlva məs də sembe. Dəndəni mədabzlu an mərkani. Mədabzlu əɗum na tepelke məs ɗii adaw ziweŋ akani.
|
| 5 |
+
5:Mənam tatəbzlu an məs ɗii ada gakdakanən zit dəndən mba gən əsən ana Maŋgəlva. Mənam tatə kpaŋgan əɗum net də əsgan a daŋgay, vi dəsbanən gən Krestu.
|
| 6 |
+
6:Məzaɓanək zəmə kasge sit ɗii məs apprəmaŋ ma ɓa pakə, vi munokum pak kəpprəmaŋ gən ma pak grakə.
|
| 7 |
+
7:Mula zəga pak va adarban zən ama horokum. An ɗəf aɗiyək zən azet ɗii na Krestu, say dəɗum kana, vi nam bo ɗii na Krestu mənani.
|
| 8 |
+
8:Wən tay wil adawdanən akan ɓa, ko an əntatə ɗi ki zu də sembe məs Ɗəfdaya apsəmə. Amma mərah sembe nan vi kawray gukum ɓa, vi kaw zoɓokumi.
|
| 9 |
+
9:Kəda ɗumoŋ na, əntatə kay tive ka geslne'ekum də letərɗe naw ɓa.
|
| 10 |
+
10:Vi ɗii meɓɓet tahəŋ ənəhaŋ na letərɗe na Pol gədakəŋ, də sembeŋ. Amma an ɗəf nan tay matak də mənam na mədakni, əpel nan pak bo ɗari.
|
| 11 |
+
11:Ko naway dəɗum vaska, dəpprəm an məs nədawzlan səni: Va letərɗe nam kədewlenin veskis na vi məsam faraɗa də munokumi, pay mədaw sam awaloŋkum bo, wəza nan vaski.
|
| 12 |
+
12:Gesiŋ məɓapna kasla zəm dit ɗii məzuɗi kizit ɓa. Net tahəŋ əslanən zit də zəga məs adaw slanən zit dəndən, tahəŋ əɗiyən zit veneti. Midi dərweŋgeŋ!
|
| 13 |
+
13:Nam na məɗina ki zəm vas ɓa. Mətoŋ ki meŋge məs Maŋgəlva aɗi səm ɓa. Agap gəmək də labara nenek na Krestu annokumda. Ndəni meŋge nam məs aɗi səmə.
|
| 14 |
+
14:An məkaɓka, asna mətoŋguk ki meŋge, gesiŋ bo məgapək annokumda də labara nenek na Krestu.
|
| 15 |
+
15:Məkaɓ na də wəza net ɗii meɓɓet ɗar ɓa, amma azam na, an ətaf nokum anzlərka, asn daya nam bo wanzlər awaloŋkum, də as pak mərah ətoŋ ki meŋge məs Maŋgəlva aɗi səm ɓa.
|
| 16 |
+
16:Kuzuŋ abe suɗike na a mərah tive narban labara nenek aka dələv bal sukuməŋka. Wəray nam tay naw kaɓ də wəza na ɗəf maɓɓan məs dəgəɗ wəza dabəŋ aguli ananda ɓa.
|
| 17 |
+
17:Ɗerewel amna: An ɗəf aŋgələk əkaɓ na, say dəkaɓ gən wəza na Ɗəfdaya.
|
| 18 |
+
18:Ɗəf wasan ɗəf təstəssə an Ɗəfdaya akaɓ gənəka, tay na say an akaɓ ka ɓa.
|