Datasets:

flagship-ai
/

cameroon_bibles

+1:Vaski bo, va Krestu azəm saha də gəɓa zən va ɗəffa, məsok zukum kəzəmaŋ gən saha vanani, ɗəf məs dədaw zəm saha də gəɓa zəni, awɗakək də mambraya.
+2:Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.
+3:Wəsuwa məs kəsoŋ lahəŋka vanet ɗii məs Yahudiyenɗeŋ ɓa, adaɗɗaŋ va wəŋgla neti mekki. Kəsuwaŋgək adəv mambray də wəsim zəga də wəhala, də mbazla əboykum də wəsmay mbrayen, də wəsaa mbazla diiɗa də wəzaɓ tuya.
+4:Kakaŋ kana, ɗii məs dəsənən Maŋgəlva ɓa, tahəŋ wəgətaŋ vi kaɗɗanən zəga nan dənɗaŋ ɓa, wədaw net mbrayen də wəsmay net mbrayen, ndəni adaw rokumən vi wənnani.
+5:Amma waŋɗanən an məs adaɗɗaŋ pak aba Maŋgəlva məs dədaw zaɓan zən nawtaw kita, aket ɗii maderet dit mimtiti.
+6:Vini Krestu apel Wən Nenek azet ɗii mimtiti, vi kawtaw kita aket va ɗii də gəɓa ziti, vanet ɗii pakə. Apel sit na, vi əmpəs dəpsit gən sembe nasuwa zam va Maŋgəlva asani.
+7:Amma wəgrak na zəga pak go'oy, vi wənnani məzi zukum, məga də wəzuliya.
+8:Amma an məs dəday pak na, məŋglu zukum, də wəŋgla ana makrokum, vi wəŋgla aviyan mambray diiɗa.
+9:Mətaf zukum eŋgil annokumda va melekeɗi, məza də wərwər amban ɓa.
+10:Ko naway dəzi zən aza əvəl məs Maŋgəlva apsəni, də baah sit gin ɗii meɓɓet dəndən, də wəɗɗan vaski kədaw ganən əvəl məs Maŋgəlva apsukum temtemi.
+11:An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.
+12:Bayneŋgiɗwa, kəda gətaŋ aka saha məs kədaw zəmaŋ ɓa, kədawlanən va zəga nagət akan ɓa.
+13:Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.
+14:An məzəm gukumi saha vi iya na Krestu, Maŋgəlva wagəɗ sukum zəzaya, vi əmpəs tay də gakdaka, Əmpəs na Maŋgəlva aprikik gən azokum.
+15:Ɗəf səmbokum adaw zəm saha aka wəbay gəbay ɓa, aka wəhal ɓa, walla wəɗɗa mambray ɓa, ko va wətoŋ wənnet ɗii ɓa,
+16:amma an azəmək saha, vi asan kretiyen wil adawdanən ɓa, say məgəɗ sən soko sən Maŋgəlva vi kərmanənək iya na Krestu.
+17:Vi pay agapka, Maŋgəlva wataw kita aket ɗii nan dabəŋ. Adan atəŋgək akam dabəŋ, mbari adaw san dit ɗii məs dətafən Wən Nenek na Maŋgəlva ɓa di?
+18:Va ɗerewel anah na: An ɗii salala akohoŋguk tuwãhə, mbarmbari adawsan dit ɗii mbreyit gəm məɗɗaŋ mambray di?
+19:Vaski, məzəmaŋ saha aka an Maŋgəlva aŋgələ, dəsəbanən əɗɗa mogon nan pay pakə dəpanən kiyit ava Maŋgəlva məzəɗɗa zəga, appet na ɓa.