Datasets:

flagship-ai
/

cameroon_bibles

+1:Aŋki məs nərban sukum dabəŋ munokum ɗii na Maŋgəlva, Məzuliyə də wəkkama də soko viyit ɗii pakə.
+2:Məzuli viyit məlĩyeŋge dit məs sembe ko ɗii awedi pakə, vi məsam gən də zamə, məza wən ɗarɗar ɓa, say də geslne na Maŋgəlva, də wədaw mogoni.
+3:As bo mogoni, lewi aza Maŋgəlva, məzukohgəmə.
+4:Aŋgəl na ɗii pak dəkohoŋ gəni, dərəhaŋ gən wəsən an də goŋga.
+5:Vi Maŋgəlva takayi, ɗəf maɓɓan tayaka walaŋgəm də Maŋgəlva, ɗəf takayi, ndəni Zezu Krestu.
+6:Apanək ki zəni vi kawgil git ɗii səka balam pakə. Vaski aɗɗa saydawa aka an Maŋgəlva aŋgələ də pay məs Maŋgəlva aɗiyə aŋgəl ɗii pak dəkohoŋ gəni.
+7:Vini Maŋgəlva aɗiyu masləŋ na wənnani, də narban wənnan azet ɗii məza Yahudiyenɗeŋ ɓa, vi nəwiɗen gən labara nan də wətafa də goŋga. An məs nənah na, goŋgay tepelke nəwə ɓa.
+8:Nəŋgəl na ɗii mazeŋgilleket dəzuliyaŋ gən adəv gəla nakkal ko aŋga pakə, də wəslan vet a disiŋ də makret an də goŋga, məza də wəda gədəv ɓa, məza də wəgay ɓa.
+9:Gil bo, say də guloŋ lukut məs dəslə azeti, də maɗuleti, dit wili. Adawzaɓanən zit də wətroɗ kiya na sləma walla də meleŋge azani, walla dit averzleɗ na sləma, walla lukut na sləma ɓa.
+10:Amma də wəza mogon məs dəslə azet gil məza geslne'eŋ sənən Maŋgəlva.
+11:Say gil də yaganən zəga də ɓatɓatə də wəpprəm ma pakə.
+12:Nəpsit tive sit gil dəpeleŋ gən wənna Maŋgəlva abet ɗii ɓa, walla dəsoŋ gən də wəzəm məlĩ aket zel ɓa.
+13:Vi Adamuyi məzəməɗən dabəŋ kiyit Hawwa.
+14:Amma Adamu dəsban wərak ɓa, amma guluk nat təsbanək ha mba gən an məs Maŋgəlva aŋgələ.
+15:Gil wakohoŋ də uwa kirni, amma say dəsoŋ də sembe aza wətafa, də wəŋgla, də wəsuwa an təstəssə, say dəsoŋ də wili.