Upload Guidar_2/1TH.1.txt with huggingface_hub
Browse files- Guidar_2/1TH.1.txt +10 -0
Guidar_2/1TH.1.txt
ADDED
|
@@ -0,0 +1,10 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Letərəŋka səza Pol də Silas gəm Timote ade, əkan azet kretiyenɗe na Tesaloniki, ɗii na Maŋgəlva, də Affən Ɗəfdaya nam Zezu Krestu, dəpsukum mbəlembəle nan də zam nani.
|
| 2 |
+
2:Pay mədakaman Maŋgəlva pak mazgət kikum ɓa, mənam tatəɗum akokum pay na zuli nam pakə.
|
| 3 |
+
3:Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.
|
| 4 |
+
4:Milmiŋgiɗwa, məsənək na Maŋgəlva aŋglukumko, awel kumko kəsoŋ gən ka ɗii nani.
|
| 5 |
+
5:Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.
|
| 6 |
+
6:Kəsbanənək wədaw namə də na Ɗəfdaya. Ko kəzəmaŋgək saha diiɗa də aspak kərmanənək wənnan də wənnek məs Əmpəs Salala apsukum.
|
| 7 |
+
7:Ha kəkpaŋgaŋgək va zəga narban wədaw sit ɗii na Maŋgəlva a Makedoniya də Akaya pakə.
|
| 8 |
+
8:Vi səzokumi wəpel na Ɗəfdaya appasə a Makedoniya də Akayayi kaaka ɓa, amma ambatək bal sən dəlvəŋ pakə, labara na wətaf nokum məs kətafən Maŋgəlva atrayək atəki pakə ha wəray tay məpel gən əmpa ɓa.
|
| 9 |
+
9:Vi ndəɗaŋ sən kiti apelinik wənnam va kətaf mən annokumda, va kəkpaŋgaŋ aza Maŋgəlva də wəppan tuya, yaŋ kədasbanən Maŋgəlva an madaran gesiŋ gesiŋ.
|
| 10 |
+
10:Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.
|