Upload Guidar_2/REV.12.txt with huggingface_hub
Browse files- Guidar_2/REV.12.txt +18 -0
Guidar_2/REV.12.txt
ADDED
|
@@ -0,0 +1,18 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Sokene metiŋgin wagəɗ a disiŋ: Guluk tatə, mətər zət də pay va lukutu, təla bo tayamba təlta, ngərzleɗ klaw kiyit sula ka mətər kiya akata.
|
| 2 |
+
2:Guluk vat bo gu'otə aza uwa wina, tattuwãh də wəsiya nawa aki sətək gəslne də wənzla vamvəlla.
|
| 3 |
+
3:Sokene maɓɓan agəɗək a disiŋ əmpa. Zəga darawən metiŋgin peppreŋge, kiyən buhul, mohon klaw, mətər kiya aka kiyən nak taka taka pakə.
|
| 4 |
+
4:Yaŋ adaptu ngərzleɗ zlaŋgaytaka sə disiŋ, wəsget afuŋ də kuturni, yaŋ ade ziw abat guluk məs tədaŋgla ədawa nakə, vi kasɗək wətət məs tədawa naka.
|
| 5 |
+
5:Guluk nak tuwək wiyən mizilin, məs dəda taɗ ɗii naka dələv pak də sulegere na təbəssa. Amma wətət vani, məslani məkani amaŋgava Maŋgəlva aka mazaŋga na məlĩ nani.
|
| 6 |
+
6:Guluk nak tənzatək awra, atəki məs Maŋgəlva azaɓan səta, kawzəm gət adak wəvoŋ uzinere də səkat sula də kaklaw slire.
|
| 7 |
+
7:Yaŋ wəgay agəɗ a disiŋ. Misel dit maslayɗe nan tahəŋ wəgayaŋ də Zəga darawən, zəga darawən bo tay gay dənɗaŋ dit maslayɗe nani.
|
| 8 |
+
8:Amma ndəni kan zəga darawən dərah wətak wəlet ɓa, yaŋ ndən dit maslayɗe nan dərəhaŋ təki nasuwa a disiŋ əmpa ɓa.
|
| 9 |
+
9:Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.
|
| 10 |
+
10:Yaŋ nəpprəm wəla ɗəf sə disiŋ dayadaya na, amna: Kakaŋ na wəkoh adek səza Maŋgəlva! Kakaŋ na Maŋgəlva arbanək sembe na məlĩ nani! Kakaŋ bo Messiya* arbanək gakdak nan appaka! Yaŋ kan məzu wəlyi milmiŋgiɗəm tay ziwe aba Maŋgəlva namə, vi ka wəlyit ɗəfəɗ dəkapay pakə, məsgani sə disiŋ appaka.
|
| 11 |
+
11:Milmiŋgiɗəm atakənək wəlan də sembe net mbel na Botol, gəm vi goŋga məs adarbaŋ. Vi atafənək wəppan zit ha atəki əmta.
|
| 12 |
+
12:Vi vaski məneken zukum, disiŋ dit ɗii məzusuwaŋ adəvən. Aw dəlva fuŋ də pe'e wəzəm saha nokum tayi, Ibilisa aprikik azokum də gədəvən nawda diiɗa, vi asənək na pay nan suɗike dəpəl kaaka'ə.
|
| 13 |
+
13:Adan zəga darawən awla na, məsgani aka dəlva fuŋ, yaŋ adasbat guluk məs tuwə wiyən mizilin nakə.
|
| 14 |
+
14:Amma yaŋ guluk nak tərah persleket sula gən pak vana zalha metiŋgini, vi təveŋ gən səba doho nak ha agəlat awra atəki məs tədawsat wəsva hoku də meŋgeslin, atəki məs tədaɗam sən doho.
|
| 15 |
+
15:Doho nak aporuk iŋkile sə baran va məlpa, vi dəkətən gən guluk nakə.
|
| 16 |
+
16:Dəlva fuŋ abaah sətək guluk nakə, dələv akoluk mani, asɗəkək məlpa naka, məs zəga darawən apor sə baran naka.
|
| 17 |
+
17:Gədəv zəga darawən adək akat gulku, yaŋ ambat wədaw gay də əlfa nat məs dəmbərə, məzu ganən ma henziŋ na Maŋgəlva, dit məzəsbanən goŋga məs Zezu arbə.
|
| 18 |
+
18:Yaŋ zəga darawənnak ade aziw aka hoyoŋko na ma busgum na pe'e.
|