Upload Guidar_2/REV.5.txt with huggingface_hub
Browse files- Guidar_2/REV.5.txt +14 -0
Guidar_2/REV.5.txt
ADDED
|
@@ -0,0 +1,14 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Nəwələk ɗerewel məktəmən taka aka van dəzəŋ, tay ɗewe aka mazaŋga na məlĩya, ɗerewel nak məverini adəvən də gəɓan pakə, yaŋ məɗɗa tampoŋ akan temtem buhul.
|
| 2 |
+
2:Yaŋ bo nulak maslay daw təl ma də wəlan dayadaya: Naway dəgap nawkol ɗerewel nan di, də wəhok tampoŋ nan di?
|
| 3 |
+
3:Ɗəf nan tay ɓa, ko a disiŋ ko aka dəlva, ɗəf tay dədawɓap wəkol ɗerewel nan ɓa, walla ula adəvən ɓa.
|
| 4 |
+
4:Nəhəmək diiɗa vi ɗəf tay dəgap nawkol ɗerewel nan ɓa, walla nawla gədəvən ɓa.
|
| 5 |
+
5:Yaŋ ɗəf taka suweleŋgit ɗii gugiriɗ nek anah su na: Kədawhəm ɓa, awla ɓolu əlfən Zuda, dəhən Davit nan adayək ki zəga vani, waɓap wəhok tampoŋ buhul də wəkol ɗerewel vani.
|
| 6 |
+
6:Yaŋ nula Botol aziwik aweleŋgit mazaŋgeɗ na məlĩya, kiyən tuwəɗ dit zigeɗ maderet poɗo gəm aweleŋgit ɗii gugiriɗe. Time van bo agilik va mətaw wəlani. Mohon bo tay buhul, haran bo buhul, ndəɗaŋgəŋ Əmpəs na Maŋgəlva buhul məs aslən aka dələv pakə.
|
| 7 |
+
7:Yaŋ botol nak ade taf ɗerewel səva ɗəf nak məs dəsan aka mazaŋga na məlĩ nak səka van dəzəŋ naka.
|
| 8 |
+
8:Adan ataf ɗerewel naka, yaŋ zigeɗ maderet poɗo dit ɗii gugiriɗ kaklaw sula kiyit poɗo asbraŋ aba botol naka, ko naway tay də gazamvəl avani, gəm makasli na meleŋge məknahən paah də tursan, ndəni wəzuli net ɗii salala na Maŋgəlva.
|
| 9 |
+
9:Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.
|
| 10 |
+
10:Yaŋ kəɗɗe dəsoŋ gən məlĩyeŋge də məs dəlveŋge na Maŋgəlva, wazəmaŋ məlĩ aka dəlva.
|
| 11 |
+
11:Nulak əmpa, nəpprəmək wəllet maslayɗe diiɗa tuwəɗ ki mazaŋga na məlĩ naka, dit zigeɗ maderet neki, gəm ɗii gugiriɗ neki, wəŋɗa net bo tahəŋ va dubu dubuɗe.
|
| 12 |
+
12:Yaŋ adawyaŋ gəlya də wəllet dayadaya: Botol məs məbayən naka, agapək narəh sembe, də arya də wəsənna, də gurom, də wəɗi kini, də gakdaka, də zəga.
|
| 13 |
+
13:Zigeɗ məs məzəmiɗit a disiŋ pakə, dit zigeɗ məs məzəmiɗit aka dəlva məs namba dəlva fuŋ, dit məs na pe'e gəm dit məs məzəmiɗit atəki pakə: Yaŋ adawyaŋ gəlya, vi ɗəf məs dəsan aka mazaŋga na məlĩya, gəm vi botol, də wəɗi kiyən də gakdak pak də sembe pak nani pay pakə ha faɗə.
|
| 14 |
+
14:Zigeɗ maderet poɗo nek aɓɗaŋ na: Amin. Ɗii gugiriɗ akdukoŋguk afuŋ, azuliyaŋ sənənka.
|