Upload Guidar_2/1JN.5.txt with huggingface_hub
Browse files- Guidar_2/1JN.5.txt +21 -0
Guidar_2/1JN.5.txt
ADDED
|
@@ -0,0 +1,21 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Ko naway dətaf na Messiyayi Krestu, nan wətən Maŋgəlvayi. Ko naway dəŋglu affən waŋglu wətəni.
|
| 2 |
+
2:Mbarmbari mədaw sənən na məŋliwik kirtin Maŋgəlva di? Say də wəŋglu Maŋgəlva də wəsban dawka nani.
|
| 3 |
+
3:Mi əŋglu Maŋgəlva di? An Məsbanək an anah səm məɗɗa gəni, an məs anah səm naɗɗa van bo tay tuwãh azam ɓa.
|
| 4 |
+
4:Vi wətən Maŋgəlva pak waɓap wətak wəlla wənziya egge. Də wətaf nami mədawtak wəla wənziya egge.
|
| 5 |
+
5:Naway naw tak wəla wənziya egge di? Say ɗəf dətaf na Zezuwi Wətən Maŋgəlva*.
|
| 6 |
+
6:Zezu Krestu adek dit iŋkile na baptem nani, gəm dit mbel na əmta nani. Dəde dit iŋkile kaaka ɓa, amma dit iŋkile gəm dit mbel pakə. Vi əmpəs sən kiyən asɓanək na.
|
| 7 |
+
7:Vi məɗɗaŋ saydawa tahəŋ hoku.
|
| 8 |
+
8:Əmpəsa dit iŋkile, gəm mbeli, ndəɗaŋ hoku pak məs takaŋ.
|
| 9 |
+
9:Mənam tatə taf saydawa net ɗiiyi, ya saydawa na Maŋgəlva daykiti. Vi ndəni saydawa an Maŋgəlva agəɗ aka Wətəni.
|
| 10 |
+
10:Ko naway dətaf Wətən Maŋgəlva*, nan tay də saydawa van amkrani. Amma ɗəf məs dətaf Maŋgəlva ɓa, nan akpaŋganək Maŋgəlva məs tepelke, vi dətaf saydawa an məs Maŋgəlva adaɗɗa aka Wətən ɓa.
|
| 11 |
+
11:Apprəm saydawa na Maŋgəlva kana: Apsəmək zeŋgille nasuwa ha faɗə, zeŋgille van səza Wətən ade.
|
| 12 |
+
12:Ɗəf məs dətaf Wətən Maŋgəlva*, nan warah zeŋgille, ɗəf məs dətaf Wətən Maŋgəlva ɓa, nan arah nan zeŋgille ɓa.
|
| 13 |
+
13:Nəver sukum wənnəs na, vi kəsənən gən na munokum tat də zeŋgille nasuwa ha faɗə, munokum məs kətafən Wətən Maŋgəlva*.
|
| 14 |
+
14:Aŋki mənam tatə sən Maŋgəlva, an mənam tatəɗɗa an məs aŋgələ: Asna an mənam tatə soh zəga avanna, wapprəm səmə.
|
| 15 |
+
15:Adan məsənək na, an məs məkaman pak na tay əpprəmən, məsənka wamərah zəga an məssoh avani.
|
| 16 |
+
16:An ɗəf awlak məlmən tayəɗɗa mambraya, amma nawkan atəki əmtay ɓa, say dəkam gən vini. Maŋgəlva bo wapsən zeŋgille, vasna ɗii meɓɓet mambray net nawket atəki əmtay ɓa, mambray maɓɓan tay nawka ɗəf atəki əmta, vini nənah sukum na məkamə ɓa.
|
| 17 |
+
17:Wəza mogoni ɓa pak mambrayi, amma mambray maɓɓan awka ɗəf atəki namta ɓa.
|
| 18 |
+
18:Məsənka an wətən Maŋgəlva kənani, kəsbana wəɗɗa mambray ɓa, amma Wətən Maŋgəlva* tay gani, ɗəf mbrayen aɓapna wəgəɗ sən zəga ɓa.
|
| 19 |
+
19:Məsənka nam na Maŋgəlva menani, ɗiiyen dəpaŋ egge pak net ava Satan nəŋ.
|
| 20 |
+
20:Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.
|
| 21 |
+
21:Kirin nawa, məga zukum səzet maŋgəlveɗi.
|