Datasets:

Nash-pAnDiTa

/

Moamn-32V-zIlj2g4

like 0

ساعات بنحتاج Break من العاب الـAAA اللي بتستهلك 100 في الـ100 من قوة الجهاز وتاخد مننا وقت ومجهود علشان نخلصها وبنحب نريح شوية ونلعب العاب خفيفة ما تاخدش وقت كتير علشان تخلص وفي نفس الوقت تخلينا نقضي وقت حلو في الـVideo ده هنتكلم عن 10 العاب خفيفة ممكن تلعبها اللعبة

رقم 10 وهي Limbo وهي واحدة من انجح الالعاب المستقلة ومن نجاحها اتعمل منها نسخ علي الـPlayStation وحتى الموبايل كمان بتلعب فيها بولد صغير مجهول بيدور علي اخته وبيدور عليها في بيئه مش مناسبه للاطفال بتاتا فيها افخاخ والغاز وكائنات غربية وبتبقي محتاج تشغل دماغك علشان تعرف تعديها اللعبه جوها كئيب ومحبط وصنّاع اللعبة سابوا كل حاجه مبهمه علشان يسيبوا الناس يتكلموا عنها ويفسروها بطريقتهم اللعبة رقم 9 معانا هي Inside اللعبة ديه اتعملت من نفس الناس اللي عملوا Limbo وتاني انت

بتلعب بولد صغير مجهول ما نعرفش اسمه بس المره ديه محطوط جوا عالم ديستوبي بيتحكموا فيه في الناس وبيخلوهم كأنهم Zombies مسلوبين الارادة وبتعرف تتحرك في العالم ده عن طريق انك تحل الالغاز وتعدي منها من غير ما تموت وصراحه الـAnimations فيها حلوة سواء الجري بتاع الولد او النط وزي Limbo القصة برضه مبهمه ومش واضحه وده بيدي فرصة للناس انهم يفسروها بمزاجهم ويفهموها علي حسب دماغهم اللعبة رقم 8 هي Little Nightmares واللعبه ديه بتلعب فيها ببنت صغيرة اسمها 6 لابسه جاكيت اصفر وبتصحى في مكان اسمه The

Maw مليان وحوش مختلفه عايزة تموتها وزي Limbo وInside بتقابلك ألغاز وبتحاول تحلها وتهرب من الوحوش باقل الخسايراللعبة هيبقي ليها جزء تاني هينزل في 2020 وهيبقي في شخصية تانيه اسمها Mono وليها Prequel اسمه Very Little Nightmares علي الموبايل بتحكي ايه الاحداث اللي حصلت قبل الجزء الاول اللعبة رقم 7 هي Undertale واللعبة ديه طورها شخص 1 بس علي مدار 4 سنين بتتكلم عن طفل صغير وقع في حرفة وديته للعالم السفلي في مكان مستخبي في اعماق كوكب الارض اللي عايش فيها وحوش من زمان جدا وانت بتتحكم بالطفل ده

وبتقابل وحوش مختلفة وتضطر تحاربهم واللعبة RPG فبيبقي عندك الاختيار انك تقتل الوحوش ديه او تسيبهم عايشين وعلي حسب اختيارك نهاية اللعبة هتختلف فكل مره هتلعب فيها اللعبة هتلاقي نهاية مختلفة لان فيها حوالي 12 نهاية واحده حلوة وواحده وحشة ونهايات ما بين البينين اللعبة رقم 6 هي Brothers A Tale of Two Sons وديه بتلعب فيها بطفلين اللي للاسف ابوهم بيعية جامد فبيتضطروا يبتدوا مغامرة في عالم مليان Fantasia علشان يلاقوا دوا يعالجوا بيه بباهم اللعبة تبان انها

Co-Op بس في الحقيقة هي Single-Player وانت بتتحكم في الاخين واحد بالـAnalog اليمين والتاني بالشمال وطبعا التحكم فيهم في نفس الوقت صعب بس مع الوقت بتتعود وبتلاقي قدامك ألغاز محتاج ان الاخين لازم يشتغلوا سوا علشان يعرفوا يعدوها وبالمناسبة اللي عمل اللعبة ديه عمل بعد كده لعبة اسمها A Way Out اللي بتتحكم فيها بشخصيتين برضه اللعبة رقم 5 هي Shank واللعبة ديه Action 2D وBeat 'em Up زي العاب الـSega Genesis بتاعت زمان ديه بس الفرق ان ستايلها احسن وكارتوني زي Style مسلسل Samurai Jack بتلعب فيها بـShank اللي حبيبته

بتقتلها عصابة وبالتالي بيتعصب جدا وبيبتدي رحلة الانتقام العنيفة وهتلاحظ قد ايه هي عنيفة لان اللعبة دموية جدا اللعبة فيها Single-Player وكمان Co-Op وده بيبقي مع Shank واحد تاني بيساعده في رحلة انتقامه وبعدها بسنتين نزل جزء تاني باسم Shank 2 طوّروا فيه الـGraphics وعدّلوا شوية في طريقة اللعب اللعبة رقم 4 هي Mark of The Ninja وديه من نفس المطور اللي عمل لعبة Shank هي زيها 2D برضه بنفس طريقة الرسم بس الفرق انها المره ديه بتركز علي الـStealth وانك تقتل

الـEnemies من غير ما تتشاف او تتكشف منهم او من اجهزة الانذار والـNinja اللي بتلعب بيه بيعرف يتسلق الحيطان ويرمي سكاكين ممكن يستخدمها علشان يفتح حاجات عن بعد او كسلاح لما يجي يواجه الـEnemies والميزة فيه انه سريع والتحكم فيه سهل وسلس فبالتالي مش هتواجه مشكلة وانت بتتسلل اللعبة رقم 3 هي Untitled Goose Game واللعبة ديه انت بتلعب فيها بوزة مجرد وزة بتتحكم فيها وبتحاول تصعّب الامور علي الناس وتبقي رخم باكتر شكل ممكن اي حد يتخيله حاجه كده زي

لعبة ازاي تخنق جارك بس بدل ما تخنق جارك بس لا ده انت هتخنق العالم كله فلو انت تعبت من الدم والعنف ودرامة القصص المعقدة والطويلة فاظن لعبة الوزة ديه هتبقي مناسبة جدا تقضي بقي وقتك اللعبة رقم 2 هي Unravel وديه اول ما تفتحها هتقول ايه الجمال ده اللعبة Side-Scroller وشكلها حلو جدا ومبهج بتلعب ببكرة خيط صغيرة والعالم اللي حواليك كبير وطول ما انت ماشي بتسيب وراك خيط اللي بتستخدمه علشان تحل بيه الألغاز بانك تنط من عليه او

تتسلقه ولازم برضه تاخد بالك انت ماشي ازاي علشان ممكن الخيط يخلص وما تعرفش تكمل اللعبة شبه Limbo وInside بس الفرق انها مبهجه وهتلاقي نفسك فرحان وانت بتلعبها وليها جزء تاني اسمه Unravel 2 اللعبة رقم 1 هي Max Curse of The Brotherhood وديه قصة انت بتبتدي بماكس اللي مخنوق من اخوه لدرجة انه بيعمل Search علي Giggle ازاي يتخلص منه فبيلاقي تعويذه علي النت ولما يجي يقولها فعلا امنيته بتتحقق وبوابة من عالم تاني بتتفتح وبتطلع منها ايد وحش

بتخطف اخوه بس ماكس اللي ندم في لحظتها علي اللي عمله نط وراه علي طول وبيروح عالم تاني وبعد كده اللعبة بتبتدي في الاول بتبقي Platformer عادي ويا دوبك بتمشي وبتنط وبتهرب من الوحوش بس بعد كده بتاخد قلم سحري بيخليك تعدّل علي البيئة اللي حواليك ويخليك تعمل صخور تتسلق عليها او حبال تتشعلق فيها وغيره وطول ما انت بتلعب اللعبة هتحس انك بتترفج علي فيلم لـPixar وديه كانت 10 العاب خفيفة تسلي وقتك بيها وانت بتاكل Snacks والترقيم كان لمجرد التنظيم مش اكتر لو

في لعبة خفيفة بتحبها اكتبها تحت في التعليقات وما تنساش الـLike والـSubscribe مع تفعيل الجرس علشان يوصلك كل جديد وتحت في الـDescription هتلاقي رابط الموقع الرسمي لـGames 2 Egypt واللي فيه الـStore وكمان روابط لصفحاتنا علي مواقع التواصل الاجتماعي