Datasets:

Nash-pAnDiTa

/

Moamn-QCxd0C7zzak

like 0

كتير مننا بيحب ألعاب الرعب وألعاب الرعب نقدر نصنفها بأنها الألعاب اللي بتخليك حاسس إنك مش مرتاح ومش على بعضك واللعبة بتقدر تخليك كده لو قدرت إنها تخليك تنغمس في العالم بتاعها وفي الـVideo ده جمّعنا أحسن 10 ألعاب رعب ممكن تلعبها نبتدي

باللعبة رقم 10 وهي The Walking Dead Saints and Sinners ألعاب The Walking Dead سمعتها مش قد كده كان ليها جزء متواضع باسم Survival Instinct بس للأسف كان مليان مشاكل وجزء اتعمل من شركة Overkill اللي عملت ألعاب Payday والجزء ده فشل تماما النجاح اللي شافته السلسلة دي كان عن طريق ألعاب The Walking Dead بتاعت Telltale بس دي كانت Drama أكتر ما هي كانت مرعبة بس تعال نشوف أجدد أجزاء The Walking Dead وهي Saints and Sinners ودي أول لعبة من السلسلة اللي تبقى في الواقع الافتراضي وإنك تلبس نظارت الـVR فده معناه إنك هتنغمس في عالم اللعبة وتتحط مكان البطل اللي بتلعب بيه وتبقى جزء من

اللعبة ولو أنت ما اخدتش بالك كويس وراقبت الدنيا حواليك ممكن تبص جنبك وتلاقي Zombie في وشكك وفكرة إنك تشوف Zombie جنبك في الواقع الافتراضي مرعبة 100 مرة أكتر من إنك تشوفه على شاشة مسطحة ولو مش مصدقني ممكن تشوف الـJump Scares بتاعتها عملت ايه في الناس هي اه اللعبة بتعتمد على عنصر البقاء وإنك تنجو بس فكرة إنها لعبة واقع افتراضي ده بيزود من قوة الـJump Scares اللي فيها نيجي بقى للعبة رقم 9 وهي Dead Space ودي واحدة من كلاسيكيات ألعاب الرعب الحديثة بتتحكم فيها

بواحد اسمه Isaac Clarke اللي في سفينة فضاء حصل فيها حاجة غريبة خلّت الناس تتحول تبقى وحوش عنيفة وعصبية وعلى عكس معظم أبطال الأفلام اللي بيبقى معهم كل الأسلحة اللي انت ممكن تتخيلها وبيبقوا متدربين تدريبات عسكرية عنيفة تنفعهم في أي موقف بطل اللعبة المره دي مؤنس غلبان وأسلحته هي أدواته اللي بيستخدمها في شغله عادي زي الـPlasma Gun والـPulse Rifle وطبعا الطلقات بتاعتهم مش كتير فبالتالي انت بتحاول انك تحافظ عليها وبدل ما تخلص خزنة على وحش عشان يموت ممكن تضرب أطرافه وتعطّل حركته

وتصعّب عليه الأمور الـAtmosphere بتاع اللعبة كئيب ومحبط ومعظم الوقت هتلاقي نفسك لوحدك غير لما حد يكلمك من فترة لفترة وعشان تبقى مندمج مع عالم اللعبة أكتر اللعبة ما فيهاش الـUI اللي موجودة على الشاشة زي الـHealth Bar وعدد الـAmmo وكده إنما كل حاجة موجودة جوا عالم اللعبة الـHealth Bar عبارة عن أنبوبه على ظهر Isaac وبتقل كل لما يتضرب وعدد الطلقات بيبقى موجود على ظهر السلاح لما تيجي تستخدمه ولو جربت تفتح الـBench مثلا هتلاقي الـMenu طلعت جوا اللعبة على شكل شاشة Hologram وبدل ما تقعد

تقلب في الـMenus كل شوية الحاجات كلها هتبقى قدامك جزء من عالم اللعبة وده بيزود من اندماجك وبالتالي بيكتر من احتمالية خوفك اللعبة ليها جزئين كمان بس الجزء الثالث كان قالب على اكشن اكتر ما كان رعب اللعبة رقم 8 هي Amnesia The Dark Descent مين مننا ما يعرفش لعبة Amnesia اللي كانت سبب في ان PewDiePie يتعرف اكتر وياكل عيش من Youtube تقدر تقول ان اللعبة دي حددت الشكل الحالي لألعاب الرعب وهي انك تتحط في مكان كبير فيه وحوش

بتتحرك فيه وانت ما عندكش اي وسيلة عشان تدافع بيها عن نفسك كل اللي تقدر تعمله لو اي وحش طلعلك انك تجري وتستخبى وتدعي ربنا انه ما يشوفكش بس لو فضلت في الضلمة كتير الشخصية اللي بتلعب بيها ممكن تتجنن وتشوفها هلاوس وحركتها تبطئ وده بيأثر عليك لو الوحش طلعلك وحبيت تجري منه فلما تيجي تلعبها هتحاول تولع الانوار حواليك وتمسك الكشاف عشان ما تفضلش في الضلمة كتير وتتجنن نوع الرعب اللي في اللعبة اسمه Lovecraftian Horror المقتبس من قصص الكاتب H.P. Lovecraft اللي عمل

قصص رعب مبنية على الخوف من المجهول وده كويس لانك لو شفت وحش من الوحوش هتلاقيه مش مخيف اوي ويكاد يكون شكله عبيط بس طريقة تصميم اللعبة هتخليك تخاف من غير ما تشوفوه اصلا اللعبة رقم 7 هي Slender The 8 Pages شخصية Slender Man ابتدت من شوية قصص مرعبة على النت في المنتديات الشخصية شكلها اتميز بالوش اللي من غير ملامح والجسم الطويل والبدلة السوداء ونالت شعبية كبيرة لدرجة ان اتعملها لعبة باسم Slender The 8 Pages فكرتها انك بتنزل في غابة لوحدك وتقعد تدور على

8 ورقات بس طبعا الموضوع مش سهل لان عم Slender Man قاعد بيراقبك من بعيد وانت لازم تتجنبه عشان لو شفته هتخسر اللعبة في ساعتها اللعبة رقم 6 هي Outlast لعبة Outlast خدت اللي عملته لعبة Amnesia وطورت عليه في اللعبة دي انت بتلعب بصحفي محطوط في مصحة نفسية بتعمل اختبارات وتجارب على المرضى بتوعها ما فيش حاجة معاك غير الـCamera بتاعتك اللي فيها Night Vision او الرؤية الليلية ودي هتحتاجها عشان معظم

المصحة نورها قاطع وضلمة وطبعا الـCamera هتحتاج بطاريات كل شوية ياما هتفصل منك خالص وما تعرفش تشوف حاجة بالليل وما فيش طريقة تحمي بيها نفسك فهتعتمد على الـStealth والتسلل وتستخبى في الدواليب عشان تعرف تتحرك وتهرب من القتالين المجانين ولو شافوك بيبقى عندك فرصة انك تجري منهم وتستخبى تاني اللعبة ليها محتوى اضافي باسم Whistleblower ودي احداثها بتحصل في نفس المصحة بس من وجهة نظر شخص تاني وفي جزء تاني من اللعبة باسم Outlast 2 بس ما ابهرتش الناس زي الجزء الاول رقم 5 معانا هي PT

سلسلة Silent Hill من كلاسيكيات الرعب في عالم الالعاب ومن اشهر الالعاب المرعبة وفي 2014 نزل عرض تفاعلي ممكن الناس تلعبه باسم PT واللي هو اختصار لـPlayable Teaser وده كان اعلان للعبة جديدة من السلسلة هتنزل اسمها Silent Hills اللعبة اتلغت بعد كده وعمرها ما شافت النور بس PT علّق مع الناس وبرغم انه كان Demo صغير الا انه عمّر معاهم لو كنت لحقت تلعب الـDemo فكنت هتلاقي نفسك جوا بيت صغير فيه ترقة مريبة وهتقعد تدور على ادلة وتحل الغاز وتحاول تعرف ايه السر ورا البيت

المخيف ده وبعد كده هتقابل شبح ست اسمها Lisa وكل لما بتقابلها بتمشي في الترقة من اول وجديد تاني مع اختلاف شويه تفاصيل بسيطة للأسف الـDemo كان قصير جدا وكان لازم التجربة الكاملة في لعبة Silent Hills بس المشاكل الداخلية جوا شركة Konami منعت صدور لعبة كانت ممكن تكون من أحسن ألعاب الرعب رقم أربعة هي Alien Isolation أحداث اللعبة بتحصل بعد 15 سنة من أحداث أول فيلم خالص وبتلعب بـAmanda Ripley اللي بتدور على مامتها Ellen وطول اللعبة بتبقى في سفينة فضاء

وعليك أنك تفتح أجهزة وتجيب أدوات وتوصل لمناطق معينة في السفينة وفيه Enemies ممكن تقابلهم زي بشر عاديين أو آليين ودول ممكن تحاربهم عادي وتدافع عن نفسك بأسلحتك وأدواتك بس الأحسن هنا أنك تتسلل لأن الذخيرية مش كتير والـEnemy بتاع اللعبة الرئيسي هو الـAlien وده عمرك ما هتعرف تهزمه وعشان كده كل اما تشوفه لازم تستخبى وبيبقى معاك Motion Tracker بيكشف حركة الـAlien لو قريب منك بس الجهاز برضه بيطلّع صوت ممكن الـAlien يسمعه ويجيلك ومع الوقت هيبقى معاك أسلحة متطورة أكتر زي الـFlamethrower وده ممكن تواجه بيه الـAlien وتخليه يجري منك بس طبعا

مش هتعرف تقتله ومن الحاجات الحلوة اللي في اللعبة أنهم اهتموا بالتفاصيل اللي في الفيلم جدا وترجموها في العالم بتاعها رقم 3 هي Until Dawn كم مرة شفت فيلم رعب وقعدت تزعق على غباء الأبطال وهم رايحين للخطر برجليهم في لعبة Until Dawn أنت بتتحكم في 8 شخصيات وعلى حسب اختياراتك ممكن تنقذهم كلهم أو ممكن كلهم يموتوا واللعبة بتحطك مكان الشخصيات وجوا مواقفهم الصعبة وبتحاول بقدر الإمكان أنك ما تروحش للخطر برجليك وطبعا قراراتك بتأثر على القصة ولو اخترت قرار مش عاجبك

وحبيت تعمل ناصح وترجع لـSave قديم الـAutosave بتاع اللعبة هيمنعك تعمل ده فأحسنلك تخلص القصة وتبتدي Game جديد لأن النهايات كتيرة جدا في اللعبة دي اللعبة رقم 2 هي Moons of Madness ودي لعبة تانية مبنية على Lovecraftian Horror والخوف من الحاجات اللي مش بنفهمها المرة دي بتتحكم في رائد فضاء في محطة في كوكب المريخ وبتعمل شغلك عادي جدا ما فيش أي مشاكل اللعبة بتستخدم تكنولوجيا موجودة حاليا في الحقيقة وده عشان تخليك تندمج في عالم اللعبة بقدر الإمكان وبتحل الغاز عن طريق

استخدام الـComputer أو الـRover أو الألواح الشمسية بس مع الوقت بتحصل حاجات غريبة وأعطال مش مفهومة لحد لما واحدة واحدة تقابل الوحش اللي انت مش فاهم هو ايه وتهرب منه وبعد كده بتشوف حاجات خارجة عن المألوف وصعب تتفهم أو تتشرح وبتحاول بقدر الإمكان انك تنجو من وسط كل ده ورقم 1 معانا هي Resident Evil 7 سلسلة Resident Evil من أشهر سلاسل الرعب في مجال الألعاب بس في الجزء الخامس والسادس السلسلة ركزت بشكل كبير على المغامرة والـAction لدرجة انها

فقدت هوياتها والناس اللي بيحبوها كانوا زعلانين جدا عشان ما بقتش مرعبة زي زمان بس لحسن الحظ رجعت للرعب تاني في Resident Evil 7 وأول تغيير عملوه هو تغيير المنظور من Third Person لـFirst Person وده زود من عنصر الاندماج جوا عالم اللعبة وعملوا الحركة دي عشان يخلوا اللعبة ينفع تتلعب على الـVR واللي هيخليك تخاف أكتر واكتر اللعبة أحداثها بتحصل في بيت مريب وطبعا على عكس Resident Evil 5 و 6 الجزء ده بيشجعك تتجول وتتسلل وتحل الغاز بناء على اللي لقيته وليه 2

DLC واحد اسمه End of Zoe والتاني اسمه Nara Hero ده بتلعب بيه بـChris Redfield وهو بيروح البيت الغريب ده عشان يعمل مهمة لشركة Umbrella ودي كانت 10 ألعاب رعب من اختيارنا هل لعبتك المفضلة وسطهم لو بتحب ألعاب رعب تانية اكتبها تحت في التعليقات وما تنساش الـLike و الـSubscribe مع تفعيل الجرس عشان يوصلك كل جديد وتحت في الـDescription هتلاقي رابط الموقع الرسمي لـGames 2 Egypt واللي فيه الـStore وكمان روابط لصفحاتنا على مواقع التواصل الاجتماعي