Upload Guidar_2/COL.4.txt with huggingface_hub
Browse files- Guidar_2/COL.4.txt +18 -0
Guidar_2/COL.4.txt
ADDED
|
@@ -0,0 +1,18 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Munokum dayeɗe mərme balemɗe nokum də goŋga va an dəslə. Məɗumoni, nokum bo munokum tat də ɗəfdaya nokum a disiŋ.
|
| 2 |
+
2:Məsok zukum wəzuliya, kədawyaŋ də wəɗɗa soko sən Maŋgəlva ɓa.
|
| 3 |
+
3:An munokum tatə zuliyaŋ na, məzuli viyəm tamə, vi Maŋgəlva də zaɓan su gən tive narban labara nani, nərban gən wən məɗama na Krestu. Vi wənna wən məɗama nan vani nəsaw a daŋgay.
|
| 4 |
+
4:Məkkaman Maŋgəlva dəbaah su gən nərban gən wənnan kotakə, va an dəslə.
|
| 5 |
+
5:Məzi zukum aza wədaw nokum aweleŋgit ɗii məs dətafən Maŋgəlva ɓa. Ko dewɗe kərəhaŋ va pak mərban wətaf nokum, məɗɗa vaska.
|
| 6 |
+
6:Say wəpel nokum dəsan neki, də wətər wəraya. Məsən an va kədawzlan sənən ko naway pak va an dəslə.
|
| 7 |
+
7:Vasna Tikikus wa nah sukum labara naw pakə. Nəŋgluwək sawɓa, vi tayəɗɗa wəza sən Ɗəfdaya sap də ina, də goŋgay aza wəza nani.
|
| 8 |
+
8:Intatə slənən azokum də neken gən zukum də zam nawa. Wasɓan makrokum.
|
| 9 |
+
9:Wambat də Onesimus, məlməm an nəŋgələ an də goŋga, ɗəf naka dələv nokumi. Wanah sukum wən annahəŋ pakə.
|
| 10 |
+
10:Aristarkus, məs na daŋgay də ina, asɗokumko. Gəm Markus məlmən Barnabas. (Ndəni nənah sukum an agapək na, mətaf anokum da lewlewi.)
|
| 11 |
+
11:Zezu məs adawyaŋ na Zustus asɗokumko, aweleŋgit Yahudiyenɗe məs ɗii na Maŋgəlva, say ɗii hokiŋ dədaɗɗaŋ wəza na məlĩ na Maŋgəlva də ina. Abaahaŋ suwənək diiɗa.
|
| 12 |
+
12:Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.
|
| 13 |
+
13:In sən kiwa wanəɗɗa saydawa akani, də wəza məs ayə vikum, də viyit ɗii na Lawdikiya gəm viyit ɗii na Hiyerapolis.
|
| 14 |
+
14:Luka zloktor məs məŋgələ asɗokumko. Gəm Demas bo asɗokumko.
|
| 15 |
+
15:Məsɗet milmiŋgiɗəm na Lawdikiya, məsɗan Nimfa dit ɗii na Maŋgəlva məzəkkalaŋ eŋgil ananda.
|
| 16 |
+
16:An kəgrakənək wəŋɗan ɗerewel nan tamə, say kəpsitin gin ɗii na Maŋgəlva na Lawdikiya bo dəŋɗanən gən ɗerewel nani, nokum bo məŋɗan ɗerewel məs ɗii na Maŋgəlva na Lawdikiya aslənaŋ sukuməni.
|
| 17 |
+
17:Mənah sən Arkippas dəsok zən wəɗɗa wəza məs Ɗəfdaya apsəni.
|
| 18 |
+
18:Əntə nəver wənnəŋ də vawa. Nəsɗokumko, kədasgətaŋ kiyu ɓa a daŋgay nani! Mbəlembəle na Maŋgəlva dəsan də munokum.
|