Upload Guidar_2/2TH.2.txt with huggingface_hub
Browse files- Guidar_2/2TH.2.txt +17 -0
Guidar_2/2TH.2.txt
ADDED
|
@@ -0,0 +1,17 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Milmiŋgiɗmə, munokum tatə ganən Ɗəfdaya nam Zezu Krestu pay adazani waməkkal azani, amma mənam tatə kamokum.
|
| 2 |
+
2:Maɗulokum adazlaɓ gu' vas ɓa, kədaw geslne'eŋ an ɗəf annah sukumək na pay na Ɗəfdaya nazan agapka ɓa, kuzuŋ ɗəf wagəɗ kleŋ vaska, walla wapel sukum vaska, walla wanah na mənam məver adəv ɗerewel namə.
|
| 3 |
+
3:Kəda panən zukum ko naway dəmbəɗokum gən ko də midi ɓa, pay nan ade na vas ɓa, say wənna wəppan wəsban Maŋgəlva dəde gən dabəŋ, ɗəf mambray bo wade, an məs məɗiyən nawza,
|
| 4 |
+
4:wazelen an məs ɗii adasbanən pakə, wazelen an məs ɗii adawlaŋ na Salali pakə, wasok zən vi kawray gən wənnəs pakə, wambat ha adəv gəla metiŋ naw zuliya* kawsan adak də wəɗi zən va Maŋgəlva.
|
| 5 |
+
5:Kəɗumonən ɓa sa? Nənah sukumək wənnan pak daga nədawsaw də munokum.
|
| 6 |
+
6:Kəsənənək məs dədaw takən daɗɗa kakaŋka. Amma an pay məs dəslə agapka, ɗəf mbrayen warban zəni.
|
| 7 |
+
7:Sembe naw ɓoŋgo də wən məɗama pakə, tayəɗɗaŋ wəza ko kakaŋka. Amma zəga məs dədaɗɗa, agəɗ na ɓa, say an məzutakən daɗɗa azarka, asna wagəɗə.
|
| 8 |
+
8:Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.
|
| 9 |
+
9:Ɗəf mbrayen nak wade də sembe na Satan, wagəɗ wəza diiɗa dit sokeneɗ net tepelkeɗi.
|
| 10 |
+
10:Wambəɗet ɗii məzet pakə də sokeneɗ nan mbreyitiŋki. Ɗii wazaŋgə vi dətafən goŋga məs nawkoh git ɓa.
|
| 11 |
+
11:Vini Maŋgəlva aslən sit sembe naw mbəɗeti, vi dətafən gən tepelke.
|
| 12 |
+
12:Amma ɗii məs dətafən goŋga ɓa, wanekenən zit də mambraya, kawtawi kita aketi.
|
| 13 |
+
13:Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.
|
| 14 |
+
14:Məpel sukumək labara neneke. Dəni Maŋgəlva ayukum ka kərəhaŋ gən haran nokum adəv gakdak na Ɗəfdaya nam Zezu Krestu.
|
| 15 |
+
15:Vi wənnəski kana, munokum milmiŋgiɗwa, məmpa tulkum adəvən, məɗi wən məs mərban sukum də letərəŋ akokum.
|
| 16 |
+
16:Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu
|
| 17 |
+
17:dəzɓanən makrokum, də wapsukum sembe nawpelin də wəɗɗa an mogoni.
|