Upload Guidar_2/2TH.3.txt with huggingface_hub

Guidar_2/2TH.3.txt

@@ -0,0 +1,18 @@
+1:Milmiŋgiɗwa an dəmbər naw nah sukum na: Məzuli vimə vi labara na Ɗəfdaya dətray gən gu'u, vi ɗii diiɗa də gakdakanən gəni va agəɗ annokumda.
+2:Məkaman Maŋgəlva, vi dəkohgəmə gən səva kuket net ɗii mbreyit dit məɗɗaŋ mambraya. Vi ɗii pak dədawtafən labara Nenek ɓa.
+3:Amma Ɗəfdaya də goŋgayi. Waɓəlokum wagukum vi Satan adasbər gukum ɓa.
+4:Vi wənna Ɗəfdayayi məsənək Goŋga nokum, məsənka munokum tatəɗɗanən an mənah sukum, ko abe bo wakəɗɗanəni.
+5:Ɗəfdaya nam Zezu Krestu dəkpaŋgan makrokum, vi kəsbanən gən wəŋgla na Maŋgəlva də an məs aŋgələ.
+6:Milmiŋgiɗwa mənam tatəɗi sukum wənnan də iya na Ɗəfdaya Zezu Krestu, kədawsapaŋ dit milmiŋgiɗkum mətampəlɗe ɓa, məs asbanən wən məs məɗi sukuməŋ ɓaɓa.
+7:Kəsənənək lewlewi, va məsam annokumda, məsban an va məgəɗə, vi nam mətampəlɗe mənan ɓa.
+8:Məzəm ɗaah way na ɗəf na mekeleŋ ɓa, say an məfaɗ akani. Məzəmək saha məyəka, məgəɗ wəza kapayək dəfəɗ pak na, vi mədaw sam dorgoŋgol sən ɗəf səmbokum ɓa.
+9:Gesiŋ, ɗii nawrəh zəga nawzəm səvokum mənan kəta. Amma məɗɗa zəm vasna, vi wərban sukum na kəgəmən gən təlmə.
+10:Daga mədaw sam də munokum, mənah sukumək na: An ɗəf aɓoŋguk daɗɗa wəza, adawzəm ɓa bo.
+11:Vi məpprəmək na ɗii meɓɓet tahəŋ suwalaŋkum mətampəlɗe. Aɗɗaŋ wəza ɓa samə, amma tahəŋ wətoŋgoŋ aka wən məza wənneti ɓa.
+12:Zemvit ɗii neti, mənam tatəsəɓ siti də wənah siti, də iya na Ɗəfdaya nam Zezu Krestu, say dəsokun ziti, dəɗɗaŋ wəza nawzəm neti.
+13:Annokum nədawnah sukum milmiŋgiɗwa, kədawyaŋ daɗɗa mogon ɓa.
+14:Ɗəf məs dəɓoŋ dasban an məs mənah sukum də letər namaŋka, məsəŋlani, kədawsapaŋ dəndən ɓa, say wil dədanən gəni.
+15:Amma kədawlanən va məzuzel nokum ɓa, say məsəɓ sən va məlmukum.
+16:Ɗəfdaya Affən zamə dəpsukum zam nan pay pakə, də tive temtem pakə. Ɗəfdaya dəsan də munokum pakə.
+17:Aŋki wəsɗa naw azokum məs nəver də vawa: Əntə Pol, vaski nəvere ndəni saydawa net letərɗe naw pakə.
+18:Ɗəfdaya nam Zezu Krestu dəgəɗ sukum mbəlembəle nani.