Upload Guidar_2/1TI.1.txt with huggingface_hub
Browse files- Guidar_2/1TI.1.txt +20 -0
Guidar_2/1TI.1.txt
ADDED
|
@@ -0,0 +1,20 @@
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| 1 |
+
1:Letərəŋka, əntə nəvere in Pol masləŋ na Zezu Krestu də Wəŋgla Maŋgəlva, məzukoh gəmə, gəm Zezu Krestu məs dəsan zəga nawga namə.
|
| 2 |
+
2:Sən Timote wətu məs də goŋga adəv wətaf nəver səni. Maŋgəlva Affən də Ɗəfdaya nam Zezu Krestu dəpsukumən mbəlembəle də ula saha də zamə.
|
| 3 |
+
3:Daga nədawmbat a Makedoniya, nəkomokuko, kəsok gən a Efesus. Ɗii meɓɓet sədak tahəŋ wərbanən zəga temtemi. Say anah sit dəppanən gən wənnani.
|
| 4 |
+
4:Say dəppanən wəɗɗa wənnet ɗii laŋka də məɗama nani də zev ɗerewelɗe nawyan zit ɗar mekeleŋ. Vi wənnan wəbay ma adawki ɗarə, wənnan atərna wəray aza wəza na Maŋgəlva məs məsən də wətaf ɓa.
|
| 5 |
+
5:Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.
|
| 6 |
+
6:Ɗii məɓɓet amzləhaŋgək ki tive mogoni, tahəŋ wəsbanən wənna tepelke.
|
| 7 |
+
7:Tahəŋ ulanən zit va məzərbanən dawka na Maŋgəlva, amma awsənən gabba an məs adawpeleŋ ɓa, awsənsn zəga məs adawziweŋ akan də sembe ɓa.
|
| 8 |
+
8:Nam kam məsənək ma henziŋ na Maŋgəlva mogoni, an ɗəf tayəsban va an dəslə,
|
| 9 |
+
9:an dəsgət kiyən ɓa: Məɗɗani dawka viyit ɗii məzəɗɗaŋ an məs dəslə ɓa, say viyit məɗɗaŋ wəza mambray dit ɗii məɓoŋti, məs darawɗe, dit ɗii mbrayti, gəm ɗii məs apprəmən ma Maŋgəlva ɓa də zəga an salala* pakə, gəm ɗii məzu bayin affiŋgiti walla maymeti, dit məbayaŋ gəbaya.
|
| 10 |
+
10:Viyit məɗɗaŋ mana'a, dit məvunoŋ dit zel tusso, viyit məvəlaŋ balemɗe, dit məwaŋ tepelke, dit məsuwayaŋ də tepelke, dit məɗɗaŋ ko mi məs dəsap də goŋga ɓa.
|
| 11 |
+
11:Wəsən məs dəde səza labara neneke məs məvaya, ndəni məs dədarban gakdak na Maŋgəlva, də mogon nan pakə.
|
| 12 |
+
12:Nəgəɗək soko sən Ɗəfdaya nam Zezu Krestu, məs dəpsu sembe naɗɗa wəza nawa. Nəgəɗ sənək soko vi awləwək va ɗəffa, aɗiwək aka wəza nani.
|
| 13 |
+
13:Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.
|
| 14 |
+
14:Amma Ɗəfdaya nam agul suwək mbəlembəle nan diiɗa sawɓa, avay suwək wətafa də wəŋgla məs dəde də wəsap nam də Zezu Krestu.
|
| 15 |
+
15:Wən aŋka goŋgay, mogoni vi ko naway pak dətafə gəni məza də kuzuŋ ɓa, Zezu Krestu adek aka dəlva, vi kakoh git ɗii məɗɗaŋ mambraya. Əntə daya neti,
|
| 16 |
+
16:amma vi wənnani Maŋgəlva awəl saha akawa, vi Zezu Krestu dərban gən əŋgla nan diiɗa də ina, əntə daya net məɗɗaŋ mambraya, vi nəsaw gən dabəŋ aweleŋgit ɗii məs dətafəni, məs dədawrəhaŋ zeŋgille nasuwa ha faɗə.
|
| 17 |
+
17:Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.
|
| 18 |
+
18:Timote nawa, wənnəs nəppanək azoko. Aɗumon an məs kleŋɗe apeleŋ akok laŋka. Wəpel neti zəga nawgay noko, dəndən kadawziw ama wəgay nok məs kədawgaya.
|
| 19 |
+
19:Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.
|
| 20 |
+
20:Himeneyus də Aleksandər tahəŋ arteti, nəppetik ava Satan vi dəziyən gən ziti dəppanən gən wəpel mbrayen aka Maŋgəlva.
|