text
stringlengths 25
17.4k
|
|---|
Title,Content,Date,source |
Mamit-ah India Zalenna Champha ropui tak a lawm a ni,"1602/2024-2025 Dated: Mamit the 15th of August: Vawiin khan India Independence Day vawi 78-na chu India hmun dangte rualin Mamit GSA Playground-ah ropui tak a lawm a ni. He hunah hian Pu Lalthansanga, EF&CC Minister chu khuallian niin zing dar 10 khan India Hnam Puanzar pawtpharhin parade contingent 14 te hnam puanzar chibai buk a chhang let. Khuallian chuan Mizoram Sawrkar hmasawnna hna kal mek leh Mamit District Sawrkar Department 29 atanga hmasawnna hnathawhte tarlangin Mamit District Aspirational District Programme (ADP) kaltlangin hmasawnna hna lian tak tak Health & Nutrition, Education, Agriculture & Water Resources, Basic Infrastructure leh Financial Inclusion & Skill Development hnuaia hna thawh that avangin vaibelchhe sawm leh pakua (19 Crore) man hu dawn a ni. Mamit DC Office kaltlangin State Disaster Relief Fund 97,17,297/- lakh chu chhiatna tuartu chhungkaw hrang hrang 386 ah sem a ni. Zirna kawngah pawh nasa taka hmalakna chuan rahtha a chhuah mek thu a tarlang a, kawng, tui leh Power Supply-a hmasawnna hmel hmu turin hna thawh mek zel a ni a, Greater Water Mamit Supply Scheme leh tuihna humhalh nan Rs. 1.82 crore hman a ni tawh a. PWD Mamit Division hnuaiah kawng 273.80 kms a thui enkawl mek a ni a, Power & Electricity Department, Mamit Division hnuaiah Bairabi to W. Phaileng via Mamit 132kV line siam hna chu 95℅ thawh zawh tawh niin sub-station thar siam mek pawh zawh fel tep a ni bawk. Mamit Forest Division hnuaiah Natural Gas Pipeline (Panisagar to Aizawl) Sectionalizing Valve ( SV- 5) phum hnathawh nan Indradhanush Gas Grib Limited ( IGGL) hnenah Final Approved pek a ni a, chumi hnuaiah chak taka hna kalpui mek a ni. Leilung hausakna hmang tangkai turin Agriculture Department hnuaiah kumtluana thlai chin theih nan thlai thar ti pung turin tui dahkhawlna tanky 32 loneitute pek an ni a.Oil Palm ching duhte tan a tiak a thlawna pekchhuah niin Nalzawl, Tuidam leh Bawngva khua-ah Oil Palm phurchhuahna kawng siam a ni bawk.Horticulture Department kaltlangin huan nei tha mi 19 hnenah Drip Irrigation System fit sak an ni a, tui dahkhawlna mi 18 hnenah pek niin Mamit Bazar vengah thlai thar dahthatna tur Cold Storage buatsaih mek a ni. Land Resources, Soil & Water Conservation Department hnuaiah NABARD sum atangin hna hrang hrang thawh a ni bawk. Mamit District Jail-ah kum 2023-2024 chhungin tang tlan chhuak, thi leh insual buaina thleng a awm lo a, lungawi lohna lantirna engmah thil thleng a awm lo a ni. India Independence Day Mamit- a hmanah hian Parade Contigents 14 awmin Armed Contingents 1, un-armed 2 leh Schools contingents 11 awmin parade commander hi Inspr. Vanlalvena 4th IR Bn. niin 2nd Commander hi Inspr. Laltleipuia, 4th IR Bn. a ni bawk. School Contingents-ah pakhatna Gov't Higher Secondary NSS an ni a, pahnihna Presbyterian English School ( Girls) niin pathumna hi JNV school (Girls) an ni. Khuallian hian Jeevan Raksha Padak Award dawngtu Melody Lalremruati, W.Phaileng Dinthar leh Inspr. F.Lalhmingliana, 4th IR Governor Silver Medal Award hlanna a nei a. Mamit District Hospital, Mamit khawpui chhunga Home hrang hrang Observation, Buannel, Children's leh District Jail-te khuallian hian a tlawh nghal a, sawmbikte pualin DC Bungalow-ah chawhnu dar 1 ah At Home buatsaih a ni bawk. India Independence Day - 2024 pual hian Football, Volleyball, Badminton, Table Tennis ah te Tournament buatsaih niin Football Final hi vawiin hian Mamit Bazar veng FC leh Hmarveng FC te'n an khel ang. Minister hian vawiin vek hian a department chan thenkhat te Sericulture, Fisheries, Land Resources, Soil & Water Conservation Department- te a tlawh nghal bawk a ni. Attachment Loading attachment...",Dated: 15 th Aug 24 2:49 PM,https://dipr.mizoram.gov.in/post/mamit-ah-india-zalenna-champha-ropui-tak-a-lawm-a-ni |
Hnahthial District Bawrhsap-in Independence day 2024 pualin At Home buatsaih,"1601/2024-2025 Dated Hnahthial, the 15th August, 2024: Hnahthial District Bawrhsap Pi Rita Lalnunmawii Pachuau chuan vawiin khan India Independence Day vawi 78-na pualin DC Bangla ah At Home a buatsaih. Khuallian, Minister Dr Vanlalthlana leh bialtu MLA Pu Jeje Lalpekhlua bakah Hnahthial District Head of Office te leh special invitees te he hunah hian an tel a ni. Khuallian hian he hunah hian thu sawiin department hrang hrang inkara thawhhonna tha, convergence pawimawh thu a sawi a. Hemi atan hian he huna kal khawm officials hrang hrangte chu an theihna ang ang a intanpui tawn theuh turin a chah a ni. Hemi zawh hian minister hian a department chan hrang hrangte chu a tlawh kual nghal a ni. Attachment Loading attachment...",Dated: 15 th Aug 24 2:32 PM,https://dipr.mizoram.gov.in/post/hnahthial-district-bawrhsap-in-independence-day-2024-pualin-at-home-buatsaih |
HNAHTHIALAH INDEPENDENCE DAY ROPUI TAKA HMAN A NI,"1600/2024-2025 Dated Hnahthial the 15th August, 2024: India Independence Day vawi 78-na chu Hnahthial HDFA Turf Ground-ah vawiin khan India ram hmun dangte rualin ropui taka lawm a ni a. Khuallian Dr Vanlalthlana, School Education Minister chuan India Hnam Puanzar pawt pharhin Parade Contingent 11 te chibai a chhang let. Hnahthial bialtu MLA Pu Jeje Lalpekhluan he hunah hian a tawiawm a ni. Khuallian Dr. Vanlalthlana chuan Independence day puala thuchah sawiin India-in zalenna kan neih aṭanga a champha vawi 77-na leh Independence vawi 78-na Hnahthial District khawpuia hman theih a ni chu lawmawm a tih thu sawi a. Tun kum India zalenna champha muanawm taka kan thleng leh thei hi vanneihthlak a tiin a lawmawm tak zet thu a sawi. Kumin Independence Day atana sawrkarin a tum ber chu ‘Viksit Bharat’ (Developed India) a ni tih sawiin chumi tum ber chu kum 2047-a India Independence Day vawi 100-na tlin kuma ‘Ram Intodelh India’ a siam a ni a ti a. Independence Day, India-in min awptu laka zalenna kan neih kan hriat chhuah rualin, chu zalennain khawtlang leh mi mala zalenna min pek tel chu hre reng chung a hmasawnna kawng zawh nan hmang ṭangkai zel tura a duh thu a sawi a. Chu zalenna kan neih theih nana kan ram hruaitu mi ropui tak takte chu hre reng a, zahna chibai buk thar leh ṭurin mipui te chu a sawm a ni. Kum 20 dawn Hnathiala hotuten District nei tura an hun leh tha an lo sen ṭhin avangin June ni 3, 2019 khan Hnahthial pawh district puitlingah hlan kai a lo ni ta chu lawmawm a tih thu a sawi a. Hnahthial chu district puitlinga hlan kai a nih aṭangin kum 5 lai a lo kal leh ta leh Independence Day pawh ṭum 6 hman a lo ni ta chu a lawmawmin hmasawnna ropui tak a nih thu a sawi. Hnahthial chu District puitlinga hlan kai a nih hma pawhin khaw entawntlak leh Mizorama khaw langsar pawl tak a nih sa reng thu sawiin Hnahthial District huam chhungah pawh khua leh hmun pawimawh leh lar tak tak a awm thu a sawi a. Mizo thu leh hla lama hming lian ber pawl, Thingsai khua leh tui Saikuti bakah Lalsangzuali Sailo te lo seilenna hmun niin lalnu ropui berte zinga mi Denlung lalnu Ropuiliani leh Darzo lalnu Darbilhi te rorelna ṭhin a ni a. Hengte avang hian Hnahthial District hian a hmingthan phahin Hnahthial District hi Zofate hmunpui atana awhawm tak mai a nih thu a sawi. Vai Len vawi hnihna lai pawh Darzoa Fort Tregear te han ngaihtuah hian Hnahthial District awmna lai hi Mizoram tan strategic takin a pawimawh tih a lan chian thu a sawi a. Myanmar nena inri an nih avangin security thilah te, dan lova thil tawlh ruk danna kawngah te Hnahthial chu a pawimawh hle a ni a ti bawk. Hnahthiala thil tih chhinchhiahthlak tak mai pakhat chu Tuipui D lui an humhalh chu a nih thu sawiin tunlai khawvelah chuan khuarel humhalh hi a pawimawh thu a sawi a. Mihringte hi khuarel ‘tichereutu’ ni lova ‘enkawltu’ tura Pathianin kan chunga mawhphurhna a dah kan nih ang takin Hnahthial mipuiten heimi kawngah ṭha tak maia an kalpui hi a lawmawm thu a sawi. Hemi anih rual hian Hnahthial District chuan hmasawnna tur tam tam an la neih thu a sawi a. HSLC exam-ah Mizoram puma top 10-a lang pawh mi 10 an awm tawh chu lawmawm a tih thu sawiin hemi rual hian tunlai mamawh thiamna, kum zabi 21-na thiamna (21st century skills) hawi zawnga zirna kan kalpui a, thiam thil bik neia eizawn nana kan hman thiam zel a ngaih tur thu a sawi a. Infiamna lamah pawh theihna nasa tak an nei a a hriat thu sawiin bialtu MLA pawh junior leh senior level-a Indian football team captain ni thei a ni a. Ama hnung zuiin, a hmalakna azarah infiamna kawng hrang hrangah state level aia sang an thlen zel theih a beisei thu a sawi bawk. Hanhthial chu Tourism-ah potential an neih that thu sawiin heritage tourism atan Darzo leh Denlung a awm a. Heng hi hlut thiam a tih lar thiam zel a ngaih thu sawiin chu mai bakah hmunhma nuam tak tak, ecotourism atan Tuipui D te, Purun Tlang te, South Vanlaiphai te, South Chawngtui te a awm a. Heng hmang hian kualzin hip thiam tura chahin chu chuan revenue tam tak Hnahthial tan a hai luh theih tur thu a sawi bawk a ni. Hnahthial chu district hlun zawk a lo nih zel theih nan district thar nihna rilru pu lovin, Mizoram District zinga entawntlak leh kawng hrang hranga hmahruaitu ni tura ṭang rual zel turin kalkhawm zawng zawngte chu a fuih a ni. Khuallian chuan Hnahthial district-a department hrang hrangte hmasawnna leh hmachhawpte chu tarlangin heng hmasawnnate hian Hnahthial District changtlun tawhzia a tarlan chian thu a sawi a ni. Khuallian thusawi kimchang: dipr.mizoram.gov.in/post/hnahthial-independence-day-2024-lawmna-a-khuallian-school-education-minister-dr-vanlalthlana-thusawi Khuallian chuan hnam dang te ruala hma kan sawn chhoh zel theih nan zalenna, intluktlanna leh inlungrualna chu chawikang zel turin mipuite chu a chah a. Zirna leh ram humhalhin kan thlah lo kal zel turte tan a hnutchhiahtlak ram siam ngei thei turin mipuite chu a sawm a. Mipuite tawiawmna avanga lawmthu sawiin kan ram leh state-in hma a lo sawn chhoh zel theih nan leh India ram tha zawk din turin kalkhawm zawng zawng te chu a sawm a ni. Hnahthial Independence Day, 2024 lawmnaah hian contingent 11 awmin armed contingent 1 leh school contingent 10 an awm a. He hunah hian lawmman semna neih nghal a ni bawk a. I. Kangmei laka invenna (Fire Prevention) award lawmna semna neih niin lawmawm la tute chu : 1st prize : Darzo VC. Cheng sing nga (Rs. 50,000) leh citation an dawng a ni. 2nd prize: Pangzawl joint VC. Cheng sing thum (Rs. 30,000) leh citation an dawng a ni. 3rd prize : Khawhri VC. Cheng sing hnih (Rs 20,000) leh citation an dawng a ni. II. MLA award sem bawk niin Lalramluahpuii d/o C. Lalduhawma chu HSLC, 2024 a Mizoram pum a pali na a nih avangin Rs. 50,000 chu hlan a ni. III. Armed contingent parade lawmman chu Govt. Hnahthial College NCC chuan dawngin School contingent parade lawmman chu tiang hian sem a ni: 1st prize : Govt. Southern High school 2nd prize: Govt. Higher Secondary School (Girls) 3rd prize: FD Higher Secondary School Lawmman semna neih zawh anih hnu hian hnam puanzar chibai bukna neih niin lawmna hun hi khar a ni. Attachment Loading attachment...",Dated: 15 th Aug 24 2:27 PM,https://dipr.mizoram.gov.in/post/hnahthialah-independence-day-ropui-taka-hman-a-ni1723712237 |
HEALTH AND FAMILY WELFARE MINISTER HOVIN LAWNGTLAIAH INDEPENDENCE DAY VAWI 78-NA ROPUI LEH URHSUN TAKA HMAN A NI,"1599/2024-2025 Dated Lawngtlai, 15th August, 2024: Tukin zing dar 8 khan Central Young Lai Association (CYLA) Play ground, Chandmary-ah India Independence Day vawi 78 -na ropui taka lawm a ni a, Pi Lalrinpuii, Minister, Health & Family Welfare chuan khuallian niin a hmanpui. Khuallian Pi Lalrinpuii chuan ‘Independence Day’ lawmna hmun a thlen veleh hian India hnam puanzar pawt pharhin Parade Contingent-22 in zahna chibai an hlan a chhanglet a, Independence Day thuchah a sawi chhunzawm nghal a ni. Pi Lalrinpuii chuan India ramin zalênna kan neihna tûrin mi tam takin an nunna hlu tak an hlan a, an finna, thiamna leh theihna zawng zawngte hlanin, an that lai hunte tân inahte an hmang a ni, a ti a. Thangtharte hian zalênna sualtute inpumpêknate, mahni hmasial lova an beihna zawng zawngte zah ila; vawiin hun hi anmahni avânga thleng thei kan ni tih i hre thar leh ang u a ti. Health Minister chuan India ramin zalênna a hmuh theihnâna thisen leh thlantui tam tak nêna lo beitu tam tak zîngah, India Hnam Pa Mahatma Gandhi te, Subhas Chandra Bose te leh Pasaltha dang tam tak te zahna Chibai bûk i la; ram leh hnam tâna an inpumpêkna leh hmangaihna thinlung chhuanawm tak an neihte kha i entawn leh theuh ang u tiin a sawm a. Zalênna hi hmasâwnna rahbi pawimawh tak a ni a, he zalenna hian mawhphurna a keng tel ani tih kan hriat a tul hle tiin, kan ram Democracy lungphum veng him tur te, kan sakhaw zalenna venghim tur leh thil dang tam taka khua leh tui tha kan nih theihna tur atana kan mawhphurhna hlen chhuah i tum theuh ang u a ti . British sawrkâr awpna atanga kan chhuah hnu chuan India ram chuan chak takin hmasâwnna a kalpui a. Mizoram sawrkâr pawhin kawng hrang hrangin hmasâwnna tûr hna tam tak a thawk mêk zêl a ni. Hetiang kârah hian Lawngtlai District-ah pawh sawrkârin hmasâwnna a kalpui mêk zêl a ni tih sawiin, sawrkar tha taka thawhpui tur leh ram leh hnam tana theitawp chhuah zel turin Lawngtlai mipuite a sawm nghal a ni. Vawiin Independence Day vawi 78- na lawmna ah hian Parade Contingent 22 - Armed Contingent -1, Unarmed Contingent- 7 leh School Contingent -14 awm in, Parade Commander hi Sub-Inspector (AB) Lalrinkima, (AB) 3rd IR Battalion, Thingkah a ni a, 2nd Commander hi Sub-Inspector (AB) R. Dawngliana 3rd IR Battalion, Thingkah niin, Don Bisco School- ten National Anthem an sa bawk a. Parade Contingent-te lawmman lak dan chu hetiang hi a ni: Unarmed Contingent Pakhatna - NCC Don Bosco School Pahnihna - Ngurnunsangi High School Guides Pathumna- Don Bosco School Scouts and Guides School Contingent Pakhatna -Ngurnunsangi High School Girls Pahnihna - Vista English School Pathumna -Govt. Southern Public High School Vawiin Independence Day lawmnaah hian Lawngtlai District atanga HSSLC Examination -a ti tha - Suchismita Ghosh (5th Rank), F. Lalneihpuii (6th Rank) leh Elizabeth Laltuanpuii (9th Rank) te hnenah lawmman pek niin, Independence Day puala Badminton Tournament lawmman sem a ni bawk a. Lawngtlai khawpui chhunga damdawi in pathum – District Hospital Lawngtlai, Lairam Christian Medical Centre & Hospital leh Christian Hospital Lawngtlai bakah chhawmdawlna in – Lairam Motherless Home, District Jail, Lairam Rescue Centre leh Gilead Drop-In Centre-ah te Independence Day pual ṭanpuina thilpek hlan a ni bawk. Khuallian thusawi kimchang hi a hnuaia link-ah hian chhiar theih a ni e. https://dipr.mizoram.gov.in/post/speech-of-pi-lalrinpuii-ministerhealth-family-welfare-etc-on-the-78th-indian-independence-day-celebration-at-lawngtlai-15th-august-2024 Attachment Loading attachment...",Dated: 15 th Aug 24 1:37 PM,https://dipr.mizoram.gov.in/post/health-and-family-welfare-minister-hovin-lawngtlaiah-independence-day-vawi-78-na-ropui-leh-urhsun-taka-hman-a-ni |
78th INDEPENDENCE DAY AIZAWLAH TLUANG TAKA LAWM A NI,"1598/2024-2025 Dated Aizawl, the 15th August, 2024: India ramin zalenna a hmuh champha 78th Independence Day chu Aizawl AR Lammualah ropui taka lawm a ni a. Chief Minister Pu Lalduhoma chu khuallian a ni. Khuallian hian hnam puanzar pawt pharhin parade contingent 27 te chibai bukna a chhanglet. Hemi zawh hian thusawiin, zalenna champha lawmnaa kal khawm mipuite, Mizoram leh khawvel hmun danga cheng Zofa zawng zawng te duhsakna chibai bukin, Mizoramin hmasawnna hmel thar a hmuh theih nana thawhpuiah a sawm a. India ramin zalenna a hmuh theih nana beitute zahna chibai a buk bawk. A kaihhruai sawrkarah rinna an nghah avangin mipuite chungah lawmthu a sawi a. Mipuite beisei ang ngeiin ""A hmasa berah Mizoram"" tih rilru pu chungin hna kan thawk dawn a, thla riat vel chauh sawrkar kan kaihhruai chhung hian thil inthlakthleng tam tak a awm tawh a ni, a ti. Mizoram sum leh pai dinhmun sawh ngheta siam tha turin hma kan la nghal a, chutihrualin a nghet lova kum tam tak sawrkara lo thawk tawh te dahnghehna tur ruahmanna pawh siam a ni. Ni za chhunga kan tihtur kan tarlan Chief Minister's 100 Days Programme chu tha takin kan hlen a, thlai thar leina tur budget-ah kan dah a, a lei dan ngaihtuaha bawh zuitu tur Agricultural Market Assurance Fund Management Board kan din a. Sum leh pai daihzai taka hmang tur leh inrenchemna fel taka kan kalpui theih nan Resource Mobilization Committee kan din a, sawrkar policy tha taka a kal theih nan leh hnathawktute inkara inthlunzawmna tha siamtu tur Mizoram State Policy Coordination Committee kan din a, hnathawh tinreng endika hnai taka vil tlattu tur Project Monitoring Committee kan din bawk. Heng board leh committee te hian hna pawh an thawk nasa tawh hle. Hun rei tak atanga lo tling khawm tawh Power leina bill ba Rs. 448 Crore kan pe a, a hun taka bill kan pek zui tak avangin, pek tlai vanga chawi belh tur (surcharge) Rs. 58 lakh kan hum a, hamthatna (rebate) Rs. 35.25 lakh kan hmu let ta zawk hial. Hun engemawchen sawrkarin a lo bat sak tawh Health Care Bill tang Rs. 50 crore chu kan pe chhuak a, hun rei tak atanga lo tling khawm tawh pension sum ba Rs. 256.75 crore kan pe chhuak a, GPF tang vanga harsatna tawk sawrkar hnathawkte harsatna hriatpuiin kumin June thla thleng khan Rs. 359.89 Crore kan pe chhuak tawh a ni. K-deposit a hun rei tak sum lo tang tawh Rs. 425.49 crore kan pe chhuak a, MLA Fund atan first instalment Rs. 40 Crore kan pe chhuak bawk. Sawrkar hnathawk hlawh atan hian thla tin Rs. 330 crore vel leh pension atan Rs. 82 crore vel pek chhuah thin a ni. Mizoramin investor te a hip luh tam theih nan The Mizoram Sustainable Investment Policy, 2024 kan siam a, kumin February atangin kan hmang tan a. Department ten mipuite tana service an pek chhuah thin te chu tam lehzual an pek chhuah theih nan Mizoram Right to Public Services Act 2015 hnuaia service pek theih zat chu 140 atangin 192 ah tihpun a ni. Mipuiten he dan hi hmang tangkai se kan duh hle. Bana Kaih Policy hi sector hrang hrang te tihchak nan kan hmang dawn a, kan thalaite tan eizawnna bul tanna tur kawngka zau takin kan hawng ang. Hemi kaihhnawihah hian thlai thar te hlawk zawka kan hralh theih nan Chhingchhipa MIFCO Plant chu tharthawh leh a ni. MSME hmalakna lian tak MSME Elevate Mizoram scheme thar kan tlangzarh tawh a, bultanna tur sum puk mamawhtuten awlsam zawka an puk theih nan Mizoram Credit Guarantee Scheme kan duang fel a. Bana Kaih policy nena inhne rem turin Mizoram Ceiling on Government Guarantees Act 2011 pawh kan siam danglam ang. Loan Rs. 50 lakh chin puk tur te tan sawrkar chu guarantor ah a tang dawn a, interest pawh sawrkarin a tumsak dawn a ni. Kumin chhungin Rs. 66.82 crore man hu ruihhlo man a ni tawh a. Ruihhlo do hna hi chak zawka kan kalpui theih nan State Level Ruihhlo Do Core Committee chu din tharleh a ni. Thlai thar atanga hlawkna tam zawk kan hmuh theih nan Mizoram Liquor (Prohibition) Act 2019 leh a kaihhnawih dan te pawh siam danglam hret tum a ni. Ration card kalpui dan thar avang hian sawrkar chuan thlatin Rs. 300 lakh vel a hum thei dawn a. He hmalakna hian chhungkaw harsa zawk te a hrut tel dawn lo, a ti bawk. Heng bakah hian leilung chhiatna tuartute tana sawrkar hmalakna te, police tichak tura hmalakna te, khawvel hmun hrang hranga cheng Zofate a tul anga huikhawma ngaihtuahtu tur Zo Diaspora Cell din a nih thu te, tun hnaia sawrkarin ram pawna hnathawk harsatna tawk a chhanchhuah thu te, State Institute for Transformation din a nih thu te, CSR Cell chak tak din a nih thu te, year of consolidation a ral hnua kalpui tan tura sawrkar hnathawkte DA tihpun a nih thu te, Universal Health Care Scheme sawrkarin a ngaihtuah mek thu te a tarlang bawk. Chief Minister thusawi kimchang : https://dipr.mizoram.gov.in/post/independence-day-2024-lawmna-aizawl-sipai-lammual-a-chief-minister-pu-lalduhoma-thusawi-15th-august-2024 Khuallian hian parade contingent lawmman dawngtute hnenah lawmman a hlan a, lawmman dawngtute chu: Parade Commander Pu R. Lalnunpuia, Dy. SP, CID (Crime), 2nd Commander Pu Jeremia Vanlalhmachhuana, Dy. SP, CID (Crime) Armed contingent-ah pakhatna 2nd Assam Rifles, pahnihna 10th Bn. Tripura Rifles leh pathumna 3rd Bn. MAP te an ni. Unarmed contingent-ah pakhatna Sainik School, Chhingchhip, pahnihna 20 Mizo Bn. NCC (Govt. Hrangbana College), pathumna Mary Mount School Girls te an ni. School Contingent-ah pakhatna St. Pauls H/S, pahnihna Assam Rifle M/S, pathumna Govt. Mizo H/S te an ni. Khuallian hian zirtirtu tha chawimawina dawngtute leh police thawk tha lawmman te a hlan bawk a. Lawmman dawngtute list hi PR ah hian attached a ni. POLICE LEH ZIRTIRTU HNA THAWK THA LAWMMAN DAWNGTUTE.pdf AR Lammuala a lawmna pui ber neih a nih hnu hian Governor Dr. Hari Babu Kambhampati chuan Raj Bhavan ah dignitaries leh sawm bik te tan At Home Function a buatsaih a. Central sawrkarin scheme hrang hrang a neihte Mizoram mipuiten tangkai taka an hman theih nana thahnemngai taka hmala thintu Governor hian central scheme beneficiary thenkhatte he At Home Programme ah hian a sawm a. Mizoram mipuite chu Central Scheme nasa zawka ngaihven turin a sawm a ni. At Home a beneficiary a sawm bik te chu: 1. Ramdinsangi Chhinga Veng leh Lalruatkimi Aizawl Venglai, - Pradhan Mantri MUDRA Yojana Beneficiary 2. Denghmingmawia Tuikual South leh Lalchhuanmawii Chhinga Veng, - Pradhan Mantri Awas Yojana Beneficiary 3. Pi Zothankimi Sairang Dawr Veng leh Pi Lallawmkimi Sairang Dawr Veng, - Pradhan Mantri Ujjwala Yojana Beneficiary 4. Lalhmangaihthangi Bawngkawn Aizawl leh Lallawmawmi Bawngkawn Aizawl, - Pradhan Mantri Jeevan Jyoti Bima Yojana Beneficiary 5. Laltanpuii Hunthar leh Lalhmangaihthangi Bawngkawn - Pradhan Mantri Suraksha Bima Yojana Beneficiary 6. Agnes Vanlalkawltiri Bawngkawn leh Lalnunziri Bawngkawn, - Atal Pension Yojana Beneficiary Attachment Loading attachment...",Dated: 15 th Aug 24 12:25 PM,https://dipr.mizoram.gov.in/post/78-th-independence-day-aizawlah-tluang-taka-lawm-a-ni |
Serchhipah India Independence Day vawi 78-na ropui taka lawm a ni,"1597/2024-2025 Dated Serchhip, the 15 th August, 2024 : Vawiin khan Serchhip District chhung hmun hrang hrangah India zalenna ni vawi 78 na lawm a ni a. A lawmna pui ber chu Serchhip Sports Complex ah neih niin khuallian LAD Minister Pu C. Lalsawivunga chuan zing dar 10 khan hnam puanzar a pawt pharh a ni. Pu C.Lalsawivunga chuan Serchhip District mipui zawng zawngte chibai bukin, India Independence Day lawmtute duhsakna a hlan a. India ram khua leh tui ten zalenna kan lo neih theihna tura an theihna zawng zawng hlantute kan hre reng a, zahna chibai kan buk a ni, a ti. Khuallian chuan Serchhip chu District changkang leh entawntlak, India ram pumah za zela teha District zawng zawng zinga ziak leh chhiar thiam tamna ber, ramlai malsawmna dawngtu in ni a, hmasawnna pawh chak takin a kal mek zel a, hmachhawp tam tak a la awm chho zel dawn, a ti a. Chutih mek laiin kan ram leh hnam hmasawnna turin mawhphurhna lian tak mi tinte koah a innghat tih hre reng tur leh kan ram tana tih theih kan neih apiang thahnemngai taka hlenchhuak tura inhlan thar turin mipui te a sawm a ni. India rama nurse chawimawina sang Florence Nightingale Award 2024 dawng tura Pi H.Mankimi, Serchhip IOC Veng thlan chhuah a ni chu chhuanawm a tih thu Minister Pu C.Lalsawivunga chuan a sawi a, Mizoram Khawpui Fai Inelna-2023 ah Serchhip chuan Lawmman pa 1- na an dawng thei chu District dang te tan pawha entawntlak a tih thu khuallian chuan a sawi a ni. Serchhip District leh Mizoram chhung khaw hrang hrangah August ni 13-15 chhungin Art and Culture Department bul tumin 'Hnam Puanzar zar beihpui thlakna' Har Ghar Tiranga campaign neih a nih thu Minister chuan a sawi a. He campaign hnuaiah hian in tina hnam puanzar zar te, Tiranga Yatra (kawng zawh) te, Tiranga Concert te, Tiranga thutiam (Pledge) chhamrualna te, hnam puanzar nena selfie emaw thlalak te tih tur niin heng ruahmanna te inlungrual taka mipuiten an tihlawhtling chu lawmawm a tih thu Pu C.Lalsawivunga chuan a sawi a ni. AH&Vety Department hnuaia hmalakna sawiin Minister chuan artui, ar leh sa a ram intodelh turin Department chuan hma an la thar mek a, ran chaw a intodelh tura hmalakna thar neiin Thenzawl Vety ramah Fodder Plant chin mekna bakah kumin chhungin tin 72 a zauah hma thar lak a ni a, vaimim leh bekang a intodelh turin hmalakna kalpui tum mek a ni bawk, tih a sawi a. “ASF avangin vawk vulh tuten an tuar nasa hle tih sawrkarin a hria a, kan Chief Minister zahawm tak hmalaknain Central lamah Rehabilitation dil mek a ni a, State of Calamity a puang tura hmalak mek a ni”, a ti. Pu C.Lalsawivunga chuan 1953 Village Council Act Amendment-na tur buaipui niin, Consultation Meeting neih a ni tawh, a ti a. VC dan thar tha tak kan neih theih nan Consultation Meeting pawh koh leh thuai tum a ni a, Village Council tinah Panchayat Bhavan sa vek tura ruahmanna siam niin RGSA Scheme hnuaiah Village Council te hman tur computer set 86 chu tun August thla chhung hian VC 86 te hnenah pek an nih thu leh 15th Finance Commision Grant pawh chak taka kalpui mek a ni, tih a sawi a ni. Khuallian Pu C.Lalsawivunga chuan Serchhip District mipuite mamawhna hriaa sawrkarin Serchhip District Hospital khum 100 awm theihna tur, a tira duan aia changtlung zawka sak dan tur ruahmanna a siam te leh building thiah zawh fel a ni ta te chu lawmawm a tih thu a sawi a. Hriselna kawngah District-in hma a sawn theih nan Medical Officer leh Health Worker te dah belh an ni a, Paediatric ICU hawn a ni ta te chu hriselna kawnga District hmasawnna lawmawm tak a nih thu a sawi a ni. Minister chuan sawrkar department hrang hrang ten Serchhip District hmasawnna atana hna an thawh dan te leh an hmachhawp te a tarlang a. Kut hnathawktuten hmasawnna rahbi thar an kai theihna tura sawrkar hmalakna pawimawh tak Bana Kaih – Hand Holding Policy hnuaia sawrkar ruahmanna te a sawi a. Serchhip District chhungah Mizoram Chief Minister, Serchhip bialtu MLA ni bawk kaihhruainain hmasawnna hna hrang hrang thawh mek a ni, a ti. Serchhipa Republic Day lawmna programme-ah hian parade contingent 15 an awm a, unarmed contingent 4, school contingent 10 leh band party pakhat an awm a ni. Unarmed Contingent ti tha ber lawmman dawngtu chu Little Flower Convent School Scouts and Guides an ni a, Govt Higher Secondary School NCC ten lawmman pahnihna an dawng a, lawmman pathumna dawngtu chu Marian High School NCC Air Force Wing te an ni. School Contingent te zingah pakhatna lawmman dawngtu chu Goodwill English Academy an ni a, pahnihna Brilliant Higher Secondary School niin Government Higher Secondary School ten lawmman pathumna an dawng a ni. Vawiin hian hna thawh that vanga chawimawina sang Governor’s Silver Medal chu Havildar H.Zomuanthanga, Police Training School, Thenzawl chuan a dawng a. Independence Day pual Tennis Tournament lawmman sem a ni bawk a. Heng medal leh lawmman te hi khuallian Pu C Lalsawivunga’n a sem a ni. Vawiin Independence Day lawmna ah hian Serchhip Sub Headquarters YMA Cultural troupe te chuan hnam lam hmuhnawm tak chi nga- Khuallam, Sarlamkai, Khuai Lam, Chai leh Chheih lam te an entir bawk a ni. Attachment Loading attachment...",Dated: 15 th Aug 24 12:22 PM,https://dipr.mizoram.gov.in/post/serchhipah-india-independence-day-vawi-78-na-ropui-taka-lawm-a-ni |
Lungleiah India ram zalenna ni vawi 78-na lawm a ni,"1596/2024-2025 2024 Thlazing ni 15: India ramin zalenna a hmuh ni, Independence Day vawi 78-na chu ram chhung hmun dang rualin vawiin khan Lungleiah pawh urhsun takin lawm a ni a. A lawmna pui ber C. Ṭhuamluaia Muala buatsaihah Public Works Department, Transport Department leh Parliamentary Affairs Department Minister Pu Vanlalhlana chu Khuallian a ni a, Mizoram Legislative Assembly Deputy Speaker Pu Lalfamkima chu khual zahawm a ni. Sawrkar Laipui ruahmannaa August ni 13 aṭanga ni 15 chhunga in tina Ram Puanzar (National Flag) zar tur tih a nih angin Lunglei District chhunga sawrkar pisa, hmun pawimawh dang leh mimal inah te India Ram Puanzar zar a ni a. Independence Day ni bikah hian zing dar 9:00-ah C. Ṭhuamluaia Mualah Khuallianin Ram Puanzar pawt pharhin, Ram Puanzar chibai buktu parade contingent 31 te chibai buk a chhang let a. Independence Day thuchah a sawi nghal a ni. Khuallian Pu Vanlalhlana chuan Lunglei District mipuite chu zalenna chibai bukin, India ram zalenna atana beitu ram hruaitute hre renga zahna chibai buk thar a, ram tana an hmathlir leh duhthusamte a hlawhtlin theih nan leh an thisen leh thlantui hmanga an valh sa India ram ropui nan leh hmasawn zel nan theih tawp chhuah turin a sawm a. District hmasawnna atana sawrkar, tlawmngai pawl, kohhran leh mipui ṭan rualna chuan rah ṭha a chhuah tih sawiin, Myanmar, Bangladesh leh Manipur aṭanga an sahimna zawnga lo tlan lut kan unaute tuamhlawm leh chhawmdawl kawngah sawrkarin theih tawp a chhuah bakah, NGO, kohhran, pawl hrang hrang leh mipuite'n hmangaihna an lo lantir chu ropui a tih thu sawiin, hnam inunauna leh inpumkhatna vawng nung zeltu, Zofate ram leh hnam ropui zawka din chhuaktu a nih a beisei thu a sawi a ni. Khuallian chuan Lunglei High Powered Committee (HPC)-in kum 2023-2024 chhunga Lunglei District-a hmasawnna hna thawh nana Mizoram sawrkar aṭanga ₹ nuai 500 a dawn hmangin District chhungah sawrkar department/agency paruk kal tlangin hmasawnna hna chi hrang hrang 120 thawh a nih thu sawiin, Lunglei Municipal Council (LMC) hnuaiah Lunglei khawpui inrelbawlna leh inenkawlna felfai tak a awm theih nan hma lak a nih thu leh LMC-in Lunglei khawpui huam chhunga parking fee khawn, trade licence pek chhuah, property tax assessment lak, sanitation leh hoarding & advertisement phalna pek te a kalpui mek thu a sawi a. Urban Development & Poverty Alleviation (UD&PA) Department hnuaiah khawpui chhung bawlhhlawhte awmze nei zawka sawngbawlna hmun tur - Lunglei Solid Waste Management Centre (near Riangvai Thlanmual) chu ₹ nuai 600 senga sak mek a nih thu leh kumin chhunga peih fel beisei a nih thu te, Lunglei Solid Waste Management Centre Phase-II tur pawh Pukpui ram, Tlawng road-ah a hmun tifela hma lak mek a nih thu te, Serkawn Ramzotlang Community Hall ₹ nuai 100 senga sak zawh a nih thu te a sawi a. ₹ nuai 919 senga sak, Lunglei District Museum thar, Sazaikawna mi chu July ni 19, 2024 khan hawn a nih thu a sawi. Khuallian chuan Chief Minister Hand Holding Scheme, ‘Bana Kaih’ hnuaiah horticulture lama hmasawnna turin Lunglei District chhunga zau (cluster) 20-a hma lakna tur project proposal siam a nih thu sawiin, Agriculture leh a kaihhnawih department hrang hrang hnuaiah kut hna thawktute leh ran vulhtute tan sum fai leh hmanruaa ṭanpuina bakah, thiam thil kawhhmuh leh kaihhruaina chi hrang hrang pek a nih dan a tar lang a. District chhungah chhungkaw 3,112-in sawhthing quintal 12,840; chhungkaw 620-in aieng quintal 2,578; chhungkaw 805-in hmarcha quintal 58 an ching tih tar langin, sawhthing chingtute hnenah a tâm venna damdawi fungicide ṭhahnem tak pek chhuah a nih thu leh a chi chiah nan leh a tâm vên nan an hman ṭangkai thu a sawi. Khuallian chuan Public Works Department (PWD) hnuaiah inkal pawhna kawngpui leh hmasawnna ruhrel ṭha leh tlo a awm theih nan hma lak a nih thu sawiin, Lunglei District-ah kum 2023-2024 chhungin kawng kilometre 56.670-a thui formation cutting, KM 35.130-a thui black top (flexible pavement), KM 19.543-a thui concrete pavement, running metre 2,976.92-a sei protection wall leh culvert 233 siam zawh a nih thu a sawi a. District Transport Office, Lunglei hnuaiah August 2023 – July 2024 inkar chhungin lirthei thar 2,492 ziah luh a nih thu leh hemi hun chhung hian driving licence thar 4,711; renew 3,127 leh conductor licence 5 pek chhuah a nih thu sawiin, registration fee, tax, licence leh compounding aṭanga revenue sum hmuh zawng zawng chu ₹ 2,11,47,157/- a nih thu leh MST Town Bus leh Line Bus tlanna aṭangin ₹ 16,44,417/-hmuh a nih thu a sawi. Khuallian chuan District mipuite hriselna atana Health & Family Welfare Department hma lakna fakin, Civil Hospital Lungleiin India rama hospital ṭha bik tehna, National Quality Assurance Standards (NQAS) certification bakah, MusQan (naupang lam enkawlna ṭha bik) leh LaQshya (nau neihna hmun ṭha bik) certificate an dawng chu chhuanawm a tih thu a sawi a. District ralmuan nana thawktu District Police-te hma lakna fakin, July ni 11, 2024-a Lunglei DEF hnuaia 'Cyber Cell' thar hawn chu cyber crime leh IT kaihhnawih dan bawhchhiatna chhui chhuahna kawngah a ṭangkai dawn hle tih a sawi a. Ruihhlo laka Lunglei District then thianghlim a nih theih nana Excise & Narcotics Department hma lakna fak bawkin, Nasha Mukt Bharat Abhiyan hnuaiah India ram chu ruihhlo awm lohna rama siam tura hma lakna kalpui mek a nih thu sawiin, ruihhlo chu ram tichhetu leh ṭhalaite nun suattu a nih avanga theih tawp chhuaha do zel tur leh ruihhlo laka fihlim tum tlat turin ram mipuite a chah a ni. Khuallian chuan School Education Department hnuaiah District-in zirnaa hma a sawn theih nan kawng hrang hranga hma lak a nih thu leh zirlaite tan free uniform, free textbook leh mid-day meal scheme kalpui zel a nih thu tar langin, tun dinhmunah Lunglei District-ah private sikulte nen vek sikul 574 awmin, he’ng sikulahte hian zirlai 22,153 awm anga chhinchhiah a nih thu a sawi a. FCS&CA Lunglei hnuaiah AAY (card eng) 3,650 (member 8,489); PHH (card pawl) 25,961 (member 1,01,245); Non-NFSA (card var) 1,748 (member 64,426) leh NER Card 7 (member 23) a awm mek thu leh tun hnaiah Mizoram Sawrkarin ration card then thianghlim tuma theih tawp chhuahin, Minister, MLA leh Group A officer-te chu an ration card-te NER-a let vek tura hma a lak thu a sawi. Khuallian chuan MGNREGA hnuaiah Lunglei District-ah job card 20,632 a awm mek thu leh kum 2024-2025 sawrkar kum kal mekah ni 49 inhlawhna siam a nih tawh thu a sawi a. He'ng bakah hian ei leh bar, tui, eng, chaw ṭha, hriselna leh thianghlimna leh mipui himna tur leh mipui tana hamṭhatna hrang hrang chungchanga sawrkar department hrang hrangte hna thawh leh hlawhtlinnate a tar lang bawk. (NB: Khuallian thu sawi kimchang chu a hnuaia link-ah hian chhiar theihin a awm) https://dipr.mizoram.gov.in/post/india-independence-day-vawi-78-na-lawmna-c-thuamluaia-mual-lungleia-khuallian-pu-vanlalhlana-honourable-minister-public-works-department-transport-department-parliamentary-affairs-department-government-of-mizoram-thu-sawi-lunglei-district-15thaugust-2024 K huallianin thu a sawi zawh hian ceremonial parade lawmman bakah, chawimawina leh lawmman dang sem zui nghal a ni a. Ceremonial parade-ah hian armed contingent 4, unarmed contingent 7, school contingent 17 leh pipe band 3 an awm a. Pu Lalmawizuala (SDPO Tlabung) chu Parade Commander niin, Pu ZD Lalremruata (Sub-Inspector, Lunglei DEF) chu 2nd Parade Commander a ni a. Parade commander-te bakah, band party 3 leh unarmed leh school contingent pathumna chin lawmman pek niin, armed contingent 4 leh parade contingent dang 18 chu participation prize pek an ni bawk. Independence Day 2024 ceremonial parade-a ti ṭha lawmman dawngtute chu: (1) Unarmed contingent: (i) Pakhatna - Scouts & Guides, Sacred Heart School (ii) Pahnihna - NCC, Sacred Heart School (iii) Pathumna - NCC, Baptist Higher Secondary School (2) School contingent: (i) Pakhatna - 2nd Bn MAP English Medium School (ii) Pahnihna - Govt JNM Model Middle School (iii) Pathumna - One Heart Academy Ceremonial parade lawmman bakah hian Independence Day 2024 pual hian a hnuaia mi ang hian chawimawina leh lawmman hrang hrang sem a ni bawk a. Khuallian Pu Vanlalhlana leh khual zahawm Pu Lalfamkima te chuan a dawngtute kutah an hlan hlawm a ni. A. Governor's Silver Medal: Havildar LH Lalrinmawia, 2nd Battalion MAP B. Excellence in provision of medical service in challenging areas award: (1) Tuichawng Health & Wellness Centre (2) Putlungasih Health & Wellness Centre C. Lawmpuina - Lallianzuala Chhangte: AIFF Best Men's Player of the Year 2023-2024 & FPAI Indian Player of the Year 2024 D. Independence Day 2024 puala Celebration Committee hriatpui tournament hrang hrang lawmmante: (1) Independence Day Table Tennis Tournament 2024 Gold Medalist-te: (i) Hope Boys' Singles (Under-11): Avyukt Singh Rana (Lunglawn Table Tennis Club) (ii) Cadet Boys' Singles (Under-13): Johan Lalremruatpuia (Lunglawn Table Tennis Club) (iii) Junior Boys' Singles (Under-17): Lalnunsanga Tlau (Bazar Veng Table Tennis Club) (iv) Junior Girls' Singles (Under-17): Angel Vanlalmalsawmzuali (Lunglawn Table Tennis Club) (v) Men's Singles: C. Lalkohbika (Bazar Veng Table Tennis Club) (vi) Women's Singles: H. Lalrinawmi (Bazar Veng Table Tennis Club) (vii) Above 30 Men's Singles: C. Lalkohbika (Bazar Veng Table Tennis Club) (viii) Above 50 Men's Singles: T. Malsawma (College Veng Table Tennis Club) (ix) Men's 'B' Singles: R. Vanlalfela (College Veng Table Tennis Club) (x) Overall Champion: Bazar Veng Table Tennis Club (2) 78th Independence Day Carrom Competition: (i) Men's Singles: Champion - L.C. Lalawmawia, Electric Veng, Lunglei Runner-up - R. Lalramchhuana, Bazar Veng, Lunglei (ii) Men's Doubles: Champion - L.C. Lalawmawia, Electric Veng & C. Lalrinpuia, Bazar Veng Runner-up - R. Lalramchhuana, Bazar Veng & Lalremruata Hnamte, Bazar Veng (3) 10 Balls Independence Day Tournament 2024: Champion: T. Lalṭanpuia, Bazar Veng Runner-up: Zothanpuia, Venglai Vawiina Lungleia Independence Day lawmnaah hian Khuallian, Minister Pu Vanlalhlana hi a nupui Pi Lalremmawii'n ṭawiawmin; he hunah hian khual zahawm, Deputy Speaker Pu Lalfamkima; Lunglei High Powered Committee Vice Chairman & Lunglei North Bialtu MLA Pu V. Malsawmtluanga; Lunglei South Bialtu MLA Pu Lalramliana Papuia; Lunglei West Bialtu MLA Pu T. Lalhlimpuia; Lunglei Bawrhsap Pu R. Lalṭhazuala leh Lunglei SP Pu J. Lalmuankima te bakah, Lunglei Municipal Council-a elected councillor-te, sawrkar official-te, ex-servicemen-te, tlawmngai pawl, kohhran leh political party hruaitute, chanchinbu mite leh zirlai naupangte, lawmman dawngtute leh mipui ṭhahnem tak an tel a. Muala hun hman zawh hian chhun lamah Circuit House, Lungleiah sawm bikte tan ‘VIP At Home’ programme buatsaih niin, thingpui ruai kil ho a ni. Kumin Independence Day lawmna pual hian Lunglei District Independence Day Celebration Committee chuan Civil Hospital Lunglei, Christian Hospital Serkawn, District Jail, Bethel Centre (Chhumliamkawn, Sazaikawn), Kawlkhuma Boys Home (Chanmari), WADA TRC (Chanmari), TNT Theiriat, Rescue Centre (Kawmzawl, Pukpui), Beiseina In (Kawmzawl, Pukpui), Baptist Church Orphanage (Ramzotlang, Serkawn) leh Chhawmdawlna In (Melte, Serkawn)-ah te ṭanpuina thilpek hlanin, thilpekah hian pawisa fai ₹ 35,000/- sem chhuah a ni. Attachment Loading attachment...",Dated: 15 th Aug 24 12:14 PM,https://dipr.mizoram.gov.in/post/lungleiah-india-ram-zalenna-ni-vawi-78-na-lawm-a-ni |
"GAUHATI HIGH COURT, AIZAWL BENCH AH INDEPENDENCE DAY VAWI 78-NA LAWM A NI","1595/2024-2025 Aizawl the 15th August, 2024: India ram ropui takin zalenna a hmuhna ni, Independence Day Vawi 78-na chu tukin August 15, 2024 (Ningani) zing dar 8 khan Gauhati High Court, Aizawl Bench, MINECO-ah lawm a ni a. Hon’ble Mr. Justice Nelson Sailo, Judge, Gauhati High Court chuan India Hnam Puanzar pawt parhin 225 Battalion CRPF te chibai buk a chhanglet a ni. He ni pawimawh tak hi Gauhati High Court Judge, Hon’ble Mrs. Justice Marli Vankung in an hmanpui thei a. Dr. H.T.C. Lalrinchhana, Registrar, Gauhati High Court, Aizawl Bench bakah Aizawl Bench-a Registry Officers leh Officials-te, Pi Helen Dawngliani, District and Sessions Judge leh Aizawl District Court-a Judges-te, Pu P. Singthanga, Presiding Officer, Fast Tract Special Court te, Pi Gracy L. Bawitlung, Member Secretary, Mizoram State Legal Services Authority, Pu Samuel Vanlalhriata, Additional Advocate General Mizoram leh Government Advocates te an tel thei a. Mizoram Bar Association hruaitu te, President Pu A.R. Malhotra hovin an tel thei bawk. India ram in ni pawimawh tak kan neih te hi Gauhati High Court, Aizawl Bench-ah urhsun takin kumtinin hman thin a ni. Attachment Loading attachment...",Dated: 15 th Aug 24 11:16 AM,https://dipr.mizoram.gov.in/post/gauhati-high-court-aizawl-bench-ah-independence-day-vawi-78-na-lawm-a-ni |
Khawzawl district-ah Adviser to CM Er. H. Ginzalala'n DC leh district officer hovin meeting,"1594/2024-2025 Khawzawl, dated 14th August, 2024: Vawiin tlai dar 4:00 pm khan Adviser to Chief Minister (Technical), Er. H. Ginzalala, Champhai North bialtu MLA chuan DC Meeting Hall-ah Khawzawl Deputy Commissioner, Pu K. Vanlalthiana leh district office hotute nen meeting a nei a, Khawzawl district chhunga hmachhawp chi hrang hrang an sawi ho. He hunah hian Adviser to CM Er. H. Ginzalala chuan Khawzawl khaw hrang hranga thlai ngaih pawimawh tur atana tih, eizawnna tha zawk siam theih nana duan te a sawi a, a hlawhtlin theih nana department hrang hrang thawhhona tha (convergence) a pawimawh zia a sawi bawk. Link road siam chungchang te, kawng sira bazar (roadside market) siam chungchang te leh hmasawnna hmachhawp hrang hrang an sawi ho bawk. DC Pu K. Vanlalthiana chuan Adviser to CM zahawm takin hun a hman pui theih avangin lawmthu a sawi a, district office hotute Khawzawl ti hmingmawi a chawisang zel turin a fuih bawk a ni. Meeting-ah hian Block Development Officer te, District Agriculture Office, PWD office, District Fisheries Development Office leh District Horticulture Office hotute an tel bawk a ni. Attachment Loading attachment...",Dated: 14 th Aug 24 10:19 PM,https://dipr.mizoram.gov.in/post/khawzawl-district-ah-adviser-to-cm-er-h-ginzalalan-dc-leh-district-officer-hovin-meeting |
Hnahthial District-ah Education Reforms Campaign huaihawt a ni,"1593/2024-2025 Dated Hnahthial, the 14th August, 2024: Vawiin khan Hnahthial School Education Department leh Samagra Shiksha tangkawp hnuaia District Campaign Committee buatsaih, District Education Reforms Campaign chu Mizoramah a vawi khan nan Hnahthial District-ah hman a ni a. He hunah hian School Education Minister, Dr. Vanlalthlana chuan khuallian ni a hmanpuiin Hnahthial bialtu MLA Pu Jeje Lalpekhlua chu khual zahawm a ni. He hunah hian khuallian Dr. Vanlalthlana chuan Education reforms campaign a vawi khat nan Hnahthialah hman theih a ni chu lawmawm a tih thu sawiin he hun thlen theih nana hma latu zawng zawngte hnenah lawmthu a sawi a. Minister chuan Mizorama zirna siamthat nana he an hmalakna pawimawh tak hnuaia tih tur hmachhawp hrang hrangte chu sawiin tun hnaiah zirna in siamthat nan theihtawp a hma an lak mek thu a sawi a. Zirlaiten zirna khaihlak lohva an zir theih nan school zawng zawng hnenah lehkhabu chu a a rang thei ang bera sem an tum thu te, class 3,5 leh 8 a random examination kalpui a nih dan tur te leh zirna ina hun vawn dik a nih theih nana technology hman tangkai a nih theih dan turte a sawi a. Hei bakah hian zirna in in a mamawh, zirlai lehkhabu mai ni lo, infiamna hmanrua tih changtlun tuma hmalakna kalpui mek a nih thu te sawiin chu chang ni lo, zirlai naupangte chhiar tur, zirtirna hrang hrang nei mai bakah kan hnam zia rang pholang thei tur comics bu te siam tum a ruahmanna a awm mek thu te a sawi. School Education Minister chuan zirtirtute chu school hrang hrangah indaihzai zawka insem rualrem a nih theih nan Rationalization kalpui tum mek anih thu sawiin transfer and posting pawh mumal zawka kalpui tum a nih thu a sawi bawk. Minister chuan Information technology pawimawh zia sawiin IT hmanga zirna in siamthat an tum thu a sawi a. Tunlai khawvelah chuan technology hian kan nun engkimah min hual vek tawh avangin zirlaite hmasawnnan zirtirtu pungkhawmte chuan a tha zawnga an zirlaite hmanpui turin a sawm a. Zirlaite chu top priority an nih thu sawiin chuvang chuan zirtirtu chu an zirlaite rilru sukthlek mila zirtir thei turin tunlai khawvel changkanna mil zela inzir thar zel turin a chah ngah bawk a ni. School Education Minister chuan kan ram siamthat dawn chuan zirna atanga kan tan a tul thu sawiin hemi anih vang tak hian zirtirtu tinte chu zirna siamthat nan tan la hova, tanrualpui turin a sawm a ni. Minister hian thusawina a neih zawh hian he huna pungkhawm school hrang hrang zirtirtute hnen atang zawhna leh chhanna hun a hmang a ni. Khual zahawm Pu Jeje Lalpekhlua pawn he hunah hian thu sawiin Mizoram District zingah a hmasa ber atan Hnahthialah Education Reforms Campaign neih a ni chu lawmawm a tih thu a sawi a. He hun hian hmasawnna a thlen ngei theih a beisei thu sawiin Hnahthial District chu zirna lamah tan an lak a tul thu a sawi a. Zirtirtute hnenah thu chahin an hna chu eizawn nan chauhva hmang lo tura a duh thu sawiin zirlaite hmakhaw hun hriltu an nih avangin zirtirna hi lak thutak a tul thu a sawi a. Zirlaiten kawng engkimah thiamna an chherchhuah theih nan zirna piah lamah co-curricular activities nasa zawka kalpui turin zirtirtute chu sawmin zirtirtute chu khawtlanga mi rawn kai an nih avangin entawntlak taka a nitin nun hmang theuh turin a chah nghal bawk a ni. He hunah hian Mizoram Education Reforms Committee (MERC) Working Chairman, Prof. Lalbiakdiki Hnamte chuan workshop kaihhruaiin School Education consultant Rev. Dr. Thanzauva leh Hnahthial Bawrhsap Pi Rita Lalnunmawii Pachuau chuan thusawina hun a nei bawk a ni. Education Reforms Campaign hmanna hun neihah hian Hnahthial Govt. Southern High School Pipe band Academy hawnna hun khuallian chuan nei nghalin Teacher Resource Package - Tablet chu school hrang hrang hnenah a sem nghal a ni. Attachment Loading attachment...",Dated: 14 th Aug 24 6:59 PM,https://dipr.mizoram.gov.in/post/hnahthial-district-ah-education-reforms-campaign-huaihawt-a-ni |
NEET 2024 CHUNGCHANGA H&TE HRIATTIRNA,"1592/2024-2025 Aizawl the 14th August, 2024 : NEET (UG) 2024 hnuaia Mizoram state quota seat dil tum candidate-te’n an mark hmuh dan an thehluhte ngun taka enfiah a nih hnuah, hemi kaihhnawih zawng zawngte hriat atan leh a tul anga an lo bawhzui turin a hnuaia mi ang hian Provisional Final Merit list hi category thliar bik awm lova tihchhuah a ni a. Seat pek dan tur erawh seat thlan (choice filling) huna document-te enfiah a nih hnuah chauh siam fel a ni ang. Hemi chungchangah hian complaint a awm a nih chuan 20.08.2024 chhun dar 12:00 ral hma ngeiin Joint Director (Tech), Technical Wing, H&TE ah thlen theih a ni ang. Mizoram State Merit List as per NTA Final NEET 2024 Results: mizoram-state-merit-list-as-per-nta-final-neet-2024-results.pdf",Dated: 14 th Aug 24 5:05 PM,https://dipr.mizoram.gov.in/post/neet-2024-chungchanga-hte-hriattirna |
AIZAWL DC THUCHHUAH,"1591/2024-2025 Aizawl the 14th August, 2024: Dt. 15.8.2024-a 78 th India Independence Day Mizoram-a lawmna pui ber AR Ground (Lammual), Aizawl-a neih tur tluang taka hman a nih theih nan leh Sawrkar mi pawimawhte kalkhawmna tur Raj Bhavan leh Chief Minister Bungalow ah te venhimna tha taka kalpui a nih theihnan thupek chhuah a lo ngai leh ta a. Er. Lalhriatpuia, MCS, District Magistrate, Aizawl District, Aizawl chuan Section 163 (1) BNSS 2023 in thuneihna a pek angin, AR Lammual chungah, Raj Bhavan compound chungah leh Chief Minister Bungalow chungah te Remote Control hmang Drone/Aerial Camera leh hetiang lam chi reng reng Dt. 14 th - 15 th August, 2024 hian mi tumah in an thlawh tir tur a ni lo. Amaherawhchu he thupek hian Sorkar-a Competent Authority in Drone hman phalna a pek Information & Public Relations Department, Govt. of Mizoram, Aizawl erawh a huam lovang. He thupek bawhchhia an awm a nih chuan an Drone/Aerial Camera te man emaw kahthlak sak an ni ang a, Section 223 BNS 2023 hmangin hrem an ni bawk ang.",Dated: 14 th Aug 24 4:54 PM,https://dipr.mizoram.gov.in/post/aizawl-dc-thuchhuah1723634675 |
Lungleiah Independence Day lawmna hun hman laiin C. Ṭhuamluaia Mual chheh velah phalna la lova drone/UAV thlawhtir khap a ni,"1590/2024-2025 2024 Thlazing ni 14: Ni 15.08.2024 (Ningani) hian India Independence Day vawi sawm sarih pariatna (78) chu C. Ṭhuamluaia Mual, Lungleiah hman tur niin, hemi ni hian C. Ṭhuamluaia Mual leh a chhehvelah venhimna khauh taka kalpui a ṭul avangin Lunglei District Additional District Magistrate Pu James Miahlung chuan vawiin khan section 163 of Bharatiya Nagarik Suraksha Sanhita, 2023 tlawh chhanin a hnuaia mi ang hian thupek a chhuah. ""Ni 15.08.2024 (Ningani) chawhma dar 8:00 AM leh chhun dar 12:00 noon inkarah Ṭhuamluaia Mual leh a chhehvel (100 m radius) huam chhungah drone leh remote control hmanga khawl thlawk thei (Unmanned Aerial Vehicles) eng chi mah thlawhtir phal a ni lo a, paramotor, paragliding leh hot-air balloon thlawhtir phal a ni lo bawk. He thupek hian phalna neia drone leh remote control hmanga khawl thlawk thei dang hmangte a huam lo ang. ""He thupek zawm lote chu section 223 of Bharatiya Nyaya Sanhita, 2023 hmanga hrem theih an ni."" Attachment Loading attachment...",Dated: 14 th Aug 24 4:46 PM,https://dipr.mizoram.gov.in/post/lungleiah-independence-day-lawmna-hun-hman-laiin-c-huamluaia-mual-chheh-velah-phalna-la-lova-droneuav-thlawhtir-khap-a-ni |
"EF&CC Minister, Pu Lalthansanga Independence Day lawm turin Mamit alo thleng","1589/2024-2025 Dated:Mamit the 14th of August, 2024: India ram zalenna champha Mamit a lawmna hmanpui turin vawiin tlai khan EF&CC Minister, Pu Lalthansanga chu Mamit a lo thleng. Pu Lalthansanga chuan tluang tak a Mamit a lo thleng chu lawmawm a tih thu sawiin Independence day muanawm leh hlim tak neih a beisei thu a sawi. Vawiin nileng khan Mamit-ah in buatsaihna hnatlang neih a ni a, DC Pu Jacob Lalawmpuia kaihhruaina hnuaiah field leh a chhehvel tihfai a ni. Independence Day vawi 78-na lawmna hi GSA playground,Mamit -ah naktuk zing dar 10-ah neih tur a ni. Parade Contingent - 14, armed- 1, unarmed - 2 leh school - 11 te an awm ang. GSA ground a hun hman zawh hian Minister chuan District Hospital te, Children’s home leh hmun dang dang a tlawh kual ang. Attachment Loading attachment...",Dated: 14 th Aug 24 4:43 PM,https://dipr.mizoram.gov.in/post/efcc-minister-pu-lalthansanga-independence-day-lawm-turin-mamit-alo-thleng |
GAD HRIATTIRNA,"1588/2024-2025 Aizawl the 14th August, 2024 : AMC Ward no. VI Aizawl Municipal Corporation Area-a awmten kim taka vote an thlak theih nan hemi huamchhunga awmte tan Section 25 of Negotiable Instrument Act,1881-in thuneihna a pek angin, August ni 22, 2024 (Thursday) hi By-Election neih a nih dawn avangin sawrkar hnathawk zawng zawng, Central/ State Public Undertaking te tiamin leh zirna in leh bank zawng zawngte tan chawlh puan a ni e.",Dated: 14 th Aug 24 4:38 PM,https://dipr.mizoram.gov.in/post/gad-hriattirna |
PHE MINISTER-IN CYMA HRUAITUTE TUIHNA HUMHALH LEH FAINA CHUNGCHANG A SAWIPUI,"1587/2024-2025 Aizawl, the 14th August, 2024: Vawiin chawhnu dar 1:30 khan PHE Minister Prof. Lalnilawma chuan a Pisa, MINECO ah Central Young Mizo Association (CYMA) hruaitute lengah sawmin tuihna humhalh leh faina kawnga thawhhona chungchang a sawipui. PHE Minister Prof. Lalnilawma chuan tuihna humhalh leh faina kawngah Central YMA leh PHE Department-in thawhdunna tha tak an lo neih tawh chu chhawmnun zel a tul thu sawiin, hemi kawngah hian nasa lehzuala tanlaka intawiawmtawn zel a pawimawh thu a sawi a. Thurawn inpek leh harsatna thlen kawngah inthlahrung lo turin a chah bawk. Central YMA President Pu Lalhmachhuana'n Minister lawmpuina thu sawiin, a enkawl PHE Department chu thawhpui nuam an tih thu a sawi a. YMA inkhawmpui lian vawi 74-na Biate a neihin tuihna humhalh kawngah tun aia nasa zawka hmalak a rel thu sawiin, bawhzui a nih dante a tarlang a. Tuihna humhalh leh faina kawngah YMA chuan Sawrkar tha taka a thawhpui zel dawn thu a sawi bawk. He hunah hian tuihna humhalh leh faina kawnga hmalak tlan dante thlirho niin, tuilakna lui leh a kama awm tuihna siamtu thing leh maute an chereu mai loh nana humhalh tura tanlak lehzual a tul thu leh hmalak dan turte sawiho a ni a. Luidung tibawlhhlawhtu hnawmhnawk thianfaia faina kawnga hmalak a tul thu pawh sawiho niin, Mizoram pumah faina hnatlangpui buatsaih ni se an ti a. Tuihna humhalh leh faina kawngah ataka chet chhuah a tul thu leh thangtharte zingah zirtirna uar zawka kalpui a tul thu tarlan a ni a. Sawrkar scheme pawimawh tak Jal Jeevan Mission (JJM) leh a dangte kaltlangin tuilakna leh in tin thleng pha tui pekna siam ni mah se, tui herhhaw mai tur a awm leh si loh chuan hmasawnna ruhrel siamte'n awmzia a neih dawn loh avangin, tuihna humhalh leh a siam theitu tihpun kawngah ngaihtuahna sen tlan a tul thu tarlan a ni a. Inpawhtlang takin tun aia thawhdunna chak zawka kalpui dan turte sawiho a ni. He hunah hian Er. F. Liantluanga, Secretary, PHE; Er. Lalrothanga, Engineer-in-Chief, PHE; Er. H. Duhkima, Chief Engineer, Zone-II & Director, PMU; Central YMA OB te bakah CYMA hnuaia Science & Environment Sub-Committee member-te an tel a ni. PHE Department leh Central YMA te hian kum 2012 atang khan 'Kan rama tuihna humhalh leh a awmsa tihpun' tih thiltuma neiin thawhdunna thuthlung an ziak a, hemi hnu hian thawhdunna thuthlung chhunzawmna tum hnih ziah a ni leh tawh a. Tuna thawhdunna kalpui mek hi October ni 28, 2021 khan ziah niin kum 4 chhung, 2021-2025 thleng a awh dawn a, a zawh hnuah a tul anga ennawn leh tura tih a ni. Heng bakah hian kum 2017 atang khan tuihna humhalh bakah faina kawngah pawh an thawkdun tel bawk a ni. Attachment Loading attachment...",Dated: 14 th Aug 24 3:39 PM,https://dipr.mizoram.gov.in/post/phe-minister-in-cyma-hruaitute-tuihna-humhalh-leh-faina-chungchang-a-sawipui |
Independence Day Pual Ruihhlo Do Kawngzawhpui,"1586/2024-2025 14th August, 2024: India ram Independence Day vawi 78-na lawmna atan leh ruihhlo dona atana Ruihhlo Do Kawngzawhpui – WALKATHON – Walk Against Drugs chu 14th August, 2024 (Nilaini) zingkarah Excise & Narcotics Department chuan a huaihawt. He kawngzawha thupui chu – Together we can create a safer, healthier and drug-free community (Kan tanho phawt chuan khawtlang him zawk, hrisel zawk leh ruihhlo laka fihlim kan din thei ang) tih a ni. He Ruihhlo Do Kawngzawhpuia khuallian, Pu Lalnghinglova Hmar, Excise & Narcotics Department minister chuan kalkhawmte hnenah thusawiin, “India ram zalenna sualtute khan thil tam tak chanin a thente phei chuan an nunna hial an chan a. Khang pasalthate khan beidawng duh lovin India ram zalenna an sual a, a tawpah chuan India ramin zalenna a lo nei ta a ni. Chutiang bawkin Mizoramah sawrkar, khawtlang, tlawmngai pawl leh kohhranin ruihhlo kan do va, a rah chu kan hmu nghal mai lo a ni thei; mahse beidawng hauh lova kan do zel chuan Mizoram hi ruihhlo lakah kan la zalen ngei ang tih beisei chungin ruihhlo hi I do zel ang u. Zirlai zingah kan thiante ruihhlo laka fihlim lo an awm a nih pawhin keini tal chu fihlim turin tan i la zel ang,” a ti. He Kawngzawhpui kharna inkhawma thusawitu, Pu Lalramsanga Sailo, I.R.S, Secretary to Govt. of Mizoram pawhin “He Kawngzawhnaa lokalte chuan in thiante zingah ruihtheihthil laka fihlim tura bul tantu nih tum theuh tur leh ‘War against drugs – Ambassador’ in ni tih inhre nawn leh turin ka chah duh bawk che u a ni,” tiin kalkhawmte a chah a ni. He Ruihhlo Do Kawngzawhpui hi Pu Z. Lalhmangaiha, Commissioner of Excise & Narcotics chuan a kaihruai a. Pu Peter Zohmingthanga, Joint Commissioner of Excise & Narcotics chuan kalkhawmte ruihhlo laka fihlim tur leh ruihhlo dona kawnga an mawhphurhna hlen tura intiamna a kaihruai. He kawngzawhpuiah hian School hrang hrang atangin zirlai 250 chuang an tel a. Central YMA OB leh Central YMA Kumpuan Committee te bakah Department thawktute leh ruihhlo dona kawnga mi thahnemngaite an vaiin mi 400 dawnin kawng hi an zawh a ni. Attachment Loading attachment...",Dated: 14 th Aug 24 2:46 PM,https://dipr.mizoram.gov.in/post/independence-day-pual-ruihhlo-do-kawngzawhpui |
Kolasib-ah Har Ghar Tiranga Yatra puala kawngzawh a ni,"1585/2024-2025 Kolasib the 14th August, 2024: Tukin zing khan Kolasib ah India ramin zalenna a hmuh lawmna champha puala in tina hnam puan zar zar “Har Ghar Tiranga” leh a puala kawngzawh Tiranga Yatra chu Kolasib DC, Pu Robert C. Lalhmangaiha kaihhruaina hnuaia neih a ni a, Kolasib DC Office kawtah St John Hr Sec School leh Govt Kolasib High School naupangten India hnam puanzar kenga “Har Ghar Tiranga Pledge” chham rualna hun an hmang a ni. S t John Hr Sec School leh Govt Kolasib High School naupangte hian zing dar 10 ah an school hmun atanga chhuak in DC Office panin kawng an zawh a. DC office kawtah Kolasib DC leh Staff ten lo dawngsawngin thusawi tawi leh Har Ghar Tiranga pledge ""India ram puanzar zar a, kan ram tana zalenna sualtute leh mi huaisente zah tak chungin, keimah ngei pawh India ram ṭhan nan leh hmasawnna hna thawk turin ka intiam e,"" tiin thutiam an nei a ni. Hemi ni pual hian Kolasib khua leh a chhehvel ah pawh hnam puanzar leh Har Ghar Tiranga pledge puala thutiam neih a ni a. Kolasib-a office hrang hrangah Tiranga pledge hi lak a ni bawk. Attachment Loading attachment...",Dated: 14 th Aug 24 1:37 PM,https://dipr.mizoram.gov.in/post/kolasib-ah-har-ghar-tiranga-yatra-puala-kawngzawh-a-ni |
NATIONAL HIGHWAY 306 KHAMRANG HNUAI KAWNPUI LEH SAIRANG ROAD INKAR A CULVERT CHHIA SIAMTHAT TAWH CHUNGCHANGA SP KOLASIB THUCHHUAH,"1584/2024-2025 Kolasib Dated the 14th August, 2024: Superintendent of Police Kolasib chuan Section 115 of Motor Vehicle Act 1988 (Act No. 59 of 1988)-in thuneihna a pek angin National Highway 306 Khamrang hnuai Kawnpui leh Sairang Road inkar a Culvert chhiah siamthat thawh chungchangah thuchhuah a siam: Mizoram State Sawrkar Notification No. B. 12021/10/2004-TRP dt.01.02.2020 leh Section 115 of Motor Vehicle Act 1988 (Act No. 59 of 1988)-in thuneihna min pek anga SP Office Kolasib District, Public Notice No. SP (K)/R- 35/2023/679 Dated Kolasib 26th July, 2024 in a tihchhuah, National Highway - 306 (NH 306) Khamrang hnuai, Kawnpui to Sairang road inkar a culvert chhia avanga bungraw phur motor leh motor rit deuh tan a kal a him loh thu tih chhuah tawh chu NHIDCL ten siamthat hna an thawh zawh tak avangin he thuchuah hi sut a ni a, NH 306 ah hian motor eng chi pawh kaltlang phal a ni tawh a ni.",Dated: 14 th Aug 24 1:25 PM,https://dipr.mizoram.gov.in/post/national-highway-306-khamrang-hnuai-kawnpui-leh-sairang-road-inkar-a-culvert-chhia-siamthat-tawh-chungchanga-sp-kolasib-thuchhuah |
FAST TRACK COURT KOLASIB LEH COLLEGE VENG THLANMUAL INKAR KAWNG PCC FLOORING A SIAMTHAT TUR CHUNGCHANGA SP KOLASIB THUCHHUAH,"1583/2024-2025 Kolasib Dated the 14th August, 2024: Superintendent of Police Kolasib chuan, a hnuaia mi ang hian Fast Track Court Kolasib leh College veng thlanmual inkar kawng PCC flooring a siamthat tur chungchangah thuchhuah a siam: Mizoram State sawrkar Notification No. B. 12021/10/2004-TRP dt. 01.06.2020 Jeh Sectíon 115 of Motor Vehicle Act 1988 (Act No. 59 of 1988)-in thuneihna min pek angin a hnuai ami ang hian thupek ka chhuah e. Fast Track Court, Kolasib leh Collegge Veng Thlanmual inkar kawng (172 mts) chu PCC Flooring a siamthat hna an thawh dawn avangin Dt.15.08.2024 atanga 22.08.2024 inkar chhung hian Fast Track Court, Kolasib leh College Veng Thlanmual inkar kawng ah hian lirthei eng chi mah kal phal a ni lo. He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept., Ambulance leh Magistrate-te chet velna a huam lo ang. He thuchhuah chungchanga harsatna tawk emaw report neite chuan OC Kolasib PS (Ph. No. 96121 94615) emaw Officer-Duty Kolasib PS (70851 30812) ah biak theih reng a ni.",Dated: 14 th Aug 24 1:25 PM,https://dipr.mizoram.gov.in/post/fast-track-court-kolasib-leh-college-veng-thlanmual-inkar-kawng-pcc-flooring-a-siamthat-tur-chungchanga-sp-kolasib-thuchhuah |
SIAHA-AH INDEPENDENCE DAY 2024 PUALIN TANPUINA THILPEK HLAN,"1582/2024-2025 14th August, 2024: Vawiin chawhma dar 11 khan Independence Day 2024 lawm tur pualin Siaha District Hospital-ah te, District Jail-ah te leh chhawmdawlna in thlan bikte hnenah Siaha District Independence Day Celebration Committee hmingin tanpuina thilpek hlan a ni. Heng thilpek hlan tur te hi team 3 a then an ni a, team khatna ah CJM, Siaha leh MHIP Sub Hqrts Siaha ten Salvation Boys Home, ECM Vaih, District Hospital Siaha leh Nursing Home, Siaha-ah te tanpuina an hlan a, Team hnihna ah DIPRO Siaha leh LWA Sub Hqrts Siaha ten Grace Children’s Home, College Vaih, Children Adoption Centre, College Vaih-ah leh Calvary Healing Centre, Siaha-ah te tanpuina hi an hlan a, team thumna ah CDPO Siaha leh MCHP (Hqrts) ten Agape Home, Amobyu Vaihthie, District Jail, Meisatla-ah leh Observation Home, Meisatla-ah te tanpuina hi an hlan a ni. Tanpuina hi cheng 3,000/- theuh pek niin, team tin te hian a hmunah kal chilhin an hlan a ni. Kumin Independence Day lawmna hi SDFA Ground, Meisatla-ah zing dar 10 ah Home Minister Pu Sapdanga hova hman a ni dawn a. Parade Contingent 22 awm tura ruahman niin, vawiin vek hian parade contingent-te hian final rehearsal an nei a ni. Parade contingent-ah hian armed contingent-2, unarmed uniform contingent-2 leh school contingent -17 an awm dawn a ni. Attachment Loading attachment...",Dated: 14 th Aug 24 1:24 PM,https://dipr.mizoram.gov.in/post/siaha-ah-independence-day-2024-pualin-tanpuina-thilpek-hlan |
Khawzawl DC hovin Electoral Roll then chungchangah meeting neih a ni,"1581/2024-2025 Khawzawl, dated 14th August, 2024: Vawiin zing dar 11:00 am khan DC Conference Hall-ah electoral roll then chungchangah meeting koh a ni a, Khawzawl Deputy Commissioner, Pu K. Vanlalthiana chu chairman niin Village Council (VC) member te, Booth Level Officer (BLO) te leh party aiawhte an tel a ni. He hunah hian Election Officer, Pu Timothy R. Lalhmangaiha chuan meeting koh chhan ber sawiin Khawzawl district chhunga polling station tih tam a, electoral roll then an ngaihtuah ho tur a nih thu a sawi a. Party aiawhte, VC member te leh BLO ten an ngaihdan an sawi bawk a, hetiang ruahmanna hotuten an siam avangin lawmthu an sawi bawk. DC Pu K. Vanlalthiana chuan polling station chungchanga sawihona hun tha tak an neih avangin kalkhawm zawng zawng te hnenah lawmthu a sawi a, electoral roll then felfai taka kalpui a nih theih nan VC member te, BLO te leh party te inlungrual taka thawk ho turin a fuih bawk. Attachment Loading attachment...",Dated: 14 th Aug 24 1:22 PM,https://dipr.mizoram.gov.in/post/khawzawl-dc-hovin-electoral-roll-then-chungchangah-meeting-neih-a-ni |
"PRESS STATEMENT OF PHE MINISTER PROF LALNILAWMA ON 14TH AUGUST, 2024","1580/2024-2025 Aizawl the 14th August, 2024 : Vawiin chawhma dar 11 khan PHE Minister Prof. Lalnilawma chuan a Pisa, MINECO, Aizawlah, chanchinbumite kawmin, Mizoram Groundwater (Control and Regulation) Act, 2023 leh Mizoram Groundwater (Control and Regulation) Rules 2024 bakah, tun hnaia Aizawl tui dinhmun chungchang a mipui hriat tur pawimawh hrang hrangte a sawipui. Act_Rules_Speech_Minister.pdf AIZAWL TUI DINHMUN 2024.pdf Attachment Loading attachment...",Dated: 14 th Aug 24 1:20 PM,https://dipr.mizoram.gov.in/post/press-statement-of-phe-minister-prof-lalnilawma-on-14th-august-2024 |
Serchhip DC chuan Independence Day lawmnaa tel turin mipuite a sawm,"1579/2024-2025 Dated Serchhip, the 14 th August, 2024 : India Independence Day 2024 lawmna chu August ni 15 (Ningani) chawhma dar 10:00 ah LAD Minister Pu C.Lalsawivunga hoin Serchhip Sports Complex ah ropui taka lawm a ni dawn a, he hunah hian Serchhip District mipui zawng zawng te tel theuh turin Serchhip DC Pu Paul L.Khuma chuan a sawm a ni. India ram chuan kum 1947, August ni 15 khan Kumpinu Sorkar lak atanga zalenna hmuin, independent, mahni a inrelbawl sorkar a lo ni ve ta a; hemi kum atang hian kum tin India Sorkar chuan Independence Day hi August ni 15 hian a lawm ziah thin a. Kuminah India ram Independence Day vawi 78-na a lo thleng leh dawn ta a, Serchhip Sports Complex-ah August ni 15, dar 10:00 AM ah Serchhip District chhunga a lawmna pui ber neih a ni dawn a ni. Serchhip DC chuan “Independence kan hmuh theihna tura sulsute, nunna leh thisen chhuaka he zalenna hi kan hmaa mihuaisen ten an lo sual chhuah a ni tih hre thar leh chungin Independence Day vawi 78na kan District-in kan hman turah hian Serchhip District mipui zawng zawng te lo tel vek turin ka sawm a che u” tiin vawiin khan mipuite hnena hriattirna leh sawmna a tichhuak a ni. Independence Day lawmna kal zelah Serchhip DC bultumin India flag nena kawng zawh - Tiranga Yatra chu August ni 13 zing karah neih niin zirlai naupang te leh mipui ten Serchhip Bazar atanga AOC kawn thleng kawng an zawh a. DC in hriattirna leh ngenna a lo tihchhuah tawh angin in tina hnam puanzar zar “Har Ghar Tiranga” chu mipui ten zawmin hmun hrang hrangah India flag zar a ni a. Parade Contingent ten Independence Day lawmna inpuahchhahna vawrtawp Final Rehearsal chu nimin August ni 13 zing karah an nei fel tawh bawk a ni.",Dated: 14 th Aug 24 1:08 PM,https://dipr.mizoram.gov.in/post/serchhip-dc-chuan-independence-day-lawmnaa-tel-turin-mipuite-a-sawm |
"INDEPENDENCE DAY, 2024-AH KHUA LEH TUI ZAWNG ZAWNG TEL TURIN SAWM","1578/2024-2025 14th August, 2024: Kum dang ang bawkin, rampum hmun dang rualin Mizoram hmun hrang hrangah pawh August ni 15 hian Independence Day chu ropui takin lawm a ni leh dawn a. Mizoramah chuan he Ni puala lawmna pui ber chu Lammualah August ni 15, 2024, zing dar 8:00 ah neih tan a ni ang a. He hunah hian Chief Minister Pu Lalduhoma chu khuallian a ni dawn a. Lammualah Hnam Puanzar pawtparhin Parade Contingent te a endik ang a, an chibai buknate chhangletin March Past neih zui a ni ang. Chief Minister-in Independence Day thuchah a sawi zawhah National leh State Award chi hrang hrangte a sem nghal ang a, Parade contigent-te hnenah lawmman a hlan bawk ang. Mizoram sawrkar chuan he hun pawimawh tak hmang tur leh a hmanna hmunah te, tel theuh turin khua leh tui zawng zawng te a sawm a. A bik takin sawrkar hnathawkte chu Independence Day lawmna programme-ah tel ngei tura hriattir an ni. Lammuala Independence Day programme hman zawh a nih hnu chhun dar 11 ah sawm bikte tan Governor’s ‘AT HOME’, Raj Bhawan-ah a awm leh dawn a ni.",Dated: 14 th Aug 24 10:26 AM,https://dipr.mizoram.gov.in/post/independence-day-2024-ah-khua-leh-tui-zawng-zawng-tel-turin-sawm |
Lungleiah Bunghmun West VC By-Election neih tur atana final electoral roll tlangzarh a ni,"1577/2024-2025 2024 Thlazing ni 14: Nimin chawhnu khan Bunghmun West Village Council By-Election neih tur atana final electoral roll chu Lunglei District Election Officer Pu R. Lalṭhazuala chuan Lunglei DC Conference Hall-ah a tlangzarh. Lunglei DEO Pu R. Lalṭhazuala chuan Bunghmun West VC by-election atana electoral roll ennawnna felfai tak neih a nih hnuah a hun taka final electoral roll tlangzarh theih a ni chu lawmawm a tih thu sawiin, final electoral roll buatsaihnaa tha thawhtu - election official, tlawmngai pawl, political party hrang hrang leh Bunghmun West mipuite chungah lawm thu a sawi a. India ram chu inthlang ram a nih angin India Danpuiin khua leh tuite vote thlak a ngai pawimawh hle tih sawiin, inthlan hmachhawn turah ko kim zawka mipuiin vote an thlak theih nana hma la turin official-te, political party leh tlawmngai pawl ai awhte chu a chah a. Inthlanna felfai leh thianghlim a awm theih nan tlawmngai pawl leh political party te chuan ṭha taka official-te ṭawiawm turin a sawm bawk a ni. Electoral roll tlangzarhna hun hi Assistant District Election Officer Pu James Miahlung chuan a kaihruai a. Pu James Miahlung bakah, Electoral Registration Officer Pi Rochuangkimi Khenglawt leh Assistant Electoral Registration Officer Pi ST Lalvensangi te'n political party ai awhte hnenah final electoral roll copy hi an hlan nghal a ni. Bunghmun West VC hnuaiah hian Bunghmun khua leh Tleu khua te awmin, nimina tlangzarh tak final electoral roll aṭanga a lan danin, tun dinhmunah Bunghmunah vote nei mipa 339 leh hmeichhia 348, an vaiin vote nei mi 687 an awm a. Tleuah vote nei mipa 47 leh hmeichhia 41, an vaiin vote nei mi 88 an awm thung a. Draft electoral roll aṭangin Bunghmunah vote nei mi 29 (mipa 13 leh hmeichhia 16)-in an pung a; Tleuah erawh draft leh final electoral roll-ah danglamna a awm lo thung. Attachment Loading attachment...",Dated: 14 th Aug 24 9:24 AM,https://dipr.mizoram.gov.in/post/lungleiah-bunghmun-west-vc-by-election-neih-tur-atana-final-electoral-roll-tlangzarh-a-ni |
DRONE CHUNGCHANGA AIZAWL DC THUCHHUAH,"1576/2024-2025 Aizawl the 13th August, 2024: Dt. 15.8.2024-a 78 th India Independence Day Mizoram-a lawmna pui ber AR Ground (Lammual), Aizawl-a neih tur tluang taka hman a nih theih nan leh Sawrkar mi pawimawhte kalkhawmna tur Raj Bhavan leh Chief Minister Bungalow ah te venhimna tha taka kalpui a nih theihnan thupek chhuah a lo ngai leh ta a. Er. Lalhriatpuia, MCS, District Magistrate, Aizawl Districł, Aizawl chuan Section 163 (1) BNSS 2023 in thuneihna a pek angin, AR Lammual chungah, Raj Bhavan compound chungah leh Chief Minister Bungalow chungah te Remote Control hmang Drone/Aerial Camera leh hetiang lam chi reng reng Dt. 14 th — 15 th August, 2024 hian mi tumah in an thlawh tir tur a ni lo. Amaherawhchu he thupek hian Sorkar Competent Authority in Drone hman phalna a pek Information & Public Relations Department, Govt. of Mizoram, Aizawl erawh a huam lovang. He thupek bawhchhia an awm a nih chuan an Drone/Aerial Camera te man emaw kahthlak sak an ni ang a, Section 223 BNS 2023 hmangin hrem an ni bawk ang. He thupek hi vawiin Dt. 13 th August, 2024 hian Court Seal chhuin hming a ziah hnan.",Dated: 13 th Aug 24 7:53 PM,https://dipr.mizoram.gov.in/post/drone-chungchanga-aizawl-dc-thuchhuah |
"CHAWNGTE, N. VANLAIPHAI LEH PANGBALKAWN-TE THIL PHUT CHUNGCHANGA HEALTH & FAMILY WELFARE DEPARTMENT THUCHHUAH","1576/2024-2025 Aizawl, the 13th August, 2024: Chawngte, N.Vanlaiphai leh Pangbalkawn khuate thil phut chungchangah Health & Famliy Welfare Department chuan vawiin khan hetiang hian thuchhuah a siam:- I. CHAWNGTE Mizoram Sawrkar hnuaia Health Department-ah hian hnathawktu leh equipments indaihlohna nasa tak kan tawk mek a. Hetiang karah hian Sawrkar chuan duhsak takin Chawngte leh a chhehvel mipuite tan a hnuai ami ang hian hmalak a tum mek a ni. 1. Ambulance chungchang: Tunah hian Sawrkar atangin ambulance lei phalna dawn a ni tawh a. Sawrkar kalphung angin lei tura buaipui mek a ni. 2. Ultrasound: Tunah hian Ultrasound Machine hi National Health Mission hnuai atanga lei tura buaipui mek a ni. 3. Health Supervisor: Tunah hian Health Supervisor post-a kaisang tur engemawzat an awm a, an kaisan veleh Chawngte-ah hian Health Supervisor dah tum a ni. 4. Chawngte 'C' Sub Centre-a Health Worker: Chawngte 'C' ah hian Health & Wellness Officer 1 leh Health Worker 1 an awm mek nachungin, mipui an cover tam em avangin Health Worker 1 dah belh tum a ni. 5. Doctor dah belh: Chawngte CHC hi Mizoram CHC zingah Sub Divisional Medical Officer (SDMO) nei awm chhun an ni a. Tunah hian Doctor 4 an awm mek a, chungte chu - (i) Sub Divisional Medical Officer (MBBS) - 1 (ii) Medical Officer (MBBS) - 1 (iii) Dental Surgeon - 1 (iv) Medical Officer (Ayush) - 1 Mizoram chhunga CHC zawng zawng zinga Doctor nei tam ber zing ami an ni mek a ni. 6. X-ray Machine & Technician: Chawngte CHC ah hian X-ray machine 2 a awm mek a. Report kan dawn danin heng machine-te hi a la hmantlak nia hriat a ni a. A dinhmun hi zirchian a nih hnuah a tul anga ngaihtuah a ni ang. II. N. VANLAIPHAI N. Vanlaiphai PHC ah hian National Ayush Mission (NAM) hnuaiah AYUSH Doctor Post an nei lo a. Chuvangin AYUSH Doctor thawk lai mek hi National Ayush Mission (NAM) hnuaia post awmna hmunah sawn a ni. III. PANGBALKAWN Pangbalkawn Health & Wellness Centre hnuaiah hian Health & Wellness Officer 1 leh Health Worker 2 an awm thin a. Hetih lai hian Darlak khuaah Health Worker an awm loh avangin Pangbalkawn Health & Wellness Centre atangin Health Worker 1 chu Darlak-ah sawn a ni. Document 690.pdf",Dated: 13 th Aug 24 7:50 PM,https://dipr.mizoram.gov.in/post/chawngte-n-vanlaiphai-leh-pangbalkawn-te-thil-phut-chungchanga-health-family-welfare-department-thuchhuah |
MIZO DIASPORA CELL TE THUKHAWM,"1574/2024-2025 Dated Aizawl, the 13th August, 2024: Vawiin khan khawvel hmun hrang hranga awm te huikhawma a tul ang zela an tana hnathawk tura din Mizo Diaspora Cell te chu an Chairman Pu Vanlaldina Fanai, Commissioner & Secretary to Chief Minister hovin CM Conference Hall ah an thukhawm. Tun tum hi Mizo Diaspora Cell te an thutkhawm vawi khatna a ni a. Tun hnaia ram dang leh state danga harsatna tawk sawrkarin an lo tanpui tawh dan report an ngaithla a. Placement Agency ten dan ang taka engkim an kalpui theih nana hmalak te, Labour, Employment, Skill Development & Entrepreneurship (LESDE) in Placement Rules an buaipui mek chu rang taka peih anih theih nana a tul anga bawhzui te an rel a. Anmahni be pawp duh emaw an hnena thu thlen duh nei te chuan an email address ah thlen theih reng anih thu pawh an tarlang. An email address chu:diaspora-cell@mizoram.gov.in a ni. Attachment Loading attachment...",Dated: 13 th Aug 24 7:09 PM,https://dipr.mizoram.gov.in/post/mizo-diaspora-cell-te-thukhawm |
AIZAWL DISTRICT SAMAGRA SHIKSHA BUATSAIH SIKUL KAICHHAN TRAINING NEIH A NI,"1573/2024-2025 Aizawl the 13th August, 2024: Samagra Shiksha, Aizawl district chhunga CRCC, MIS Personnel leh sikul te tan ni Aug 8, 2024 atanga ni Aug 13, 2024 chhungin Vidyanjali training neih a ni a. Training hawnna hi Pu R. Zonunmawia Dy. District Project Coordinator in a kaihruai a, Pu J.R. Lalhruaitluanga, Addl. District Project Coordinator-in Vidyanjali hi School Volunteer Programme a ni a, sikul tana volunteer kan tihin a tum ber chu mi inphal tena school hmasawnna tur atana thil engemaw an rawn tih theihna kawng lo hawn a, sikulin an mamawh, thil lian tham leh te tak te thleng pawha va pek te, zirtirna va pek thlengin a huam vek a, mi tupawhin, mimal emaw pawl emaw pawhin eng thil pawh sikul in a mamawh ang te an pekna tarlanna portal a nih thu te leh sikulin tih tur pawimawh chi hrang hrang an neih thu te a sawi a ni. Pu Zionparlawma, Dy. State Project Director-in training a pe a, Vidyanjali tangkaina te, a thil tum te leh hmalakna chi hrang hrang te portal-a dah luh dan te an zir a ni. Vawiin khanTraining kharna hun hi Pu R. Lalnunsiama, Dy. District Project Coordinator in a kaihruai a, Pu Lalramthianghlima, DEO & DPC in thu a sawi a, Vidyanjali pawimawhna te leh sikul leh Volunteer pawimawhna te, UDISE+ a data dik tak sikul in a pek a pawimawh thu te a sawi a ni. Attachment Loading attachment...",Dated: 13 th Aug 24 6:26 PM,https://dipr.mizoram.gov.in/post/aizawl-district-samagra-shiksha-buatsaih-sikul-kaichhan-training-neih-a-ni |
Keilungliah Management Committee hmalaknain Keilungliahah Sangha chhuah a ni,"1572/2024-2025 Champhai, 13th August, 2024: Vawiin khan Champhai ‘District Level Committee on Post Completion Management & Maintenance of Dam Reservoir cum Recreation Centre at Keilungliah’ hmalaknain Keilungliah tuikhuahah Sangha no chhuah a ni a. Committee Chairman Champhai Bawrhsap Pu VL Remliana hoin he hun hi hman a ni. He hunah hian sangha chi hnih - Indian Major Carp leh Exotic Carp no singkua leh sang ruk (96,000) chhuah a ni a. Sangha no te hi District Fisheries Development Office ten an rawn tum a ni. Sangha chhuahna hunah hian Keilungliah Management Committee member - PHE Department, DFDO, I&PR, MJA leh tlawmngai pawl hruaitute an tel a ni.",Dated: 13 th Aug 24 4:59 PM,https://dipr.mizoram.gov.in/post/keilungliah-management-committee-hmalaknain-keilungliahah-sangha-chhuah-a-ni |
TRAINING OF TRAINERS FOR OPERATION GINGER NEI,"1571/2024-2025 Aizawl 13th August, 2024 : Vawiin khan Operation Ginger atana inbuatsaih nan Horticulture Department a Officer te leh Field Staff zawng zawngte'n Sawhthing tâm leh natna ven dan leh enkawl dan zirin ""Training of Trainers for Operation Ginger"" neih a ni. Kumin hian Zoram pumah Sawhthing ching an tam a, tun hnaiah Zoram hmun hrang hrang atangin Sawhthing tâm sawi a tam hle a. Hei vang hian Horticulture Department chuan hma la nghalin District tina DHO te'n report an thehlut a, tun thlenga report chinah khaw 263-a Sawhthing chingtu chhungkaw 6586 te Sawhthing a tâm tawh a. Mipuite zirtirna atan Horticulture Department chuan DDK-a chhuah turin Horticulture mithiam te'n a hmunah Ni 7 August, 2024 khan an lo kalchilh tawh a. Zonet Cable TV a chhuah turin Ni 12 August, 2024 khan an kalchilh bawk a ni. Vawiina inzirtirna hi Zoram puma Horticulture Department hnuaia thawkte kokim zawka inzirtirna neih a nih theih nana buatsaih niin mithiamte'n Sawhthing tâm enkawl dan uluk takin an zirtir a. Ruahman lawk ang chuan Ni 16 August, 2024 hian Sawhthing tâm beihpuithlakna ""Operation Ginger - Fehchhuah Runpui"" chu Directorate of Horticulture Office atangin Prof. Lalnilawma, Horticulture Minister-in a vailiam dawn a. Thawktute'n District tin tuamin an fehchhuak ang a, hemi atan hian Sawhthing natna te, a bawmtu rannungte leh a enkawl dan lehkhabu te siam nghal niin a enkawlna damdawite pawh theih ang anga ngaihtuah mek zel a ni. Horticulture Department chuan Sawhthing chingtute chu lo beidawng mai lo tur leh mithiamte thurawn anga an Sawhthing hmunte chu tha thlah lova lo enkawl zel turin a chah a ni. Vawiin Training hi Pu C.H. Lalmuanpuia, Director, Horticulture Department chuan a kaihruai a. Dr.H. Vanlaldiki, Dy. Director, Horticulture Department chuan kalkhawmte zirtirna a pe a. Sawihona hun tha tak hmanho a ni bawk. He Training-ah hian Mizoram pum atangin thawktute an kal tha hle a ni. Attachment Loading attachment...",Dated: 13 th Aug 24 4:39 PM,https://dipr.mizoram.gov.in/post/training-of-trainers-for-operation-ginger-nei |
SIHPHIR VENGHLUN VC BY ELECTION A HMAN TUR ELECTORAL ROLL TLANGZARH; VOTER 14 IN KIAM,"1570/2024-2025 Aizawl, August ni 13, 2024: State Election Commission, Mizoram thuchhuak angin Sihphir Venghlun Village Council (member ni lai boral avanga seat pakhat ruak) chu a hnawhkhah nan Bve-Election neih tur a ni a. Hemi inthlanna atan a hman tur Village Council Final Electoral Rolls chu vawiin khan Aizawl DC Er. Lalhriatpuia chuan Aizawl DC Conference Hall-ah a tlangzarh a. Political party aiawhte hnenah a hlan a ni. VC Electoral roll hi roll hmasa (Draft Electoral Roll) chu tehfungah 01.07.2024 hmangin siamthatna - Electoral Roll Summary Revision, 2024 neih a ni a. Ni 25.07.2024 leh 31.07.2024 chhung chhunga dilna lut chu 01.08.2024 - 08.08.2024 chhung khan ERO/AERO ten an endik a. Hetianga an enfiah zawh hnu hian ERO ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni a, hemi hnu hian Data entry (Computer-a thunluh hna) thawh zui nghal char char a ni. Tun tum Final Village Council Electoral Roll-a Elector awmzat chu 2508 (mipa 1223 leh hmeichhia 1285) an ni a. Draft Electoral Roll ah 2522 a awm a; belh 33 leh paih 47 awmin, Electoral Roll endik a nih hnu hian 14 in voter zat hi a kiam ta a ni. Vawiin Roll tlangzarhnaah hian Aizawl DC chuan Summary Revision of Sihphir Venghlun Village Council Electoral Rolls, 2024 tluang tak leh hlawhtling taka kan neih theih chhan chu bialtu ERO, AERO leh VLO te, Village Council, Political Parties, Tlawmngai Pawl hrang hrangte leh Media te tawiawmna leh thawh hona vang liau liau a nih avangin lawmthu a sawi a bawk a ni. Sihphir Venghlun Council By-Election neih hun tur chu State Election Commission, Mizoram in a hranpa in hriattirna a la tichhuak leh dawn a. Village Council E/Roll hi MLA Roll nen a hranpa a buatsaih a ni a, hemi a inthun thar, insawn (transfer) leh siamthat (correct) te hi MLA Roll atan a rin nghal theih loh a ni. Vawiin VC Electoral Roll tlangzarhna ah hian political party leh tlawmngai pawl aiawhte bakah BLO leh official thenkhat an tel a ni. Attachment Loading attachment...",Dated: 13 th Aug 24 4:37 PM,https://dipr.mizoram.gov.in/post/sihphir-venghlun-vc-by-election-a-hman-tur-electoral-roll-tlangzarh-voter-14-in-kiam |
Lunglei HPC Vice Chairman Pu V. Malsawmtluanga'n Delhi-ah India sawrkar mi pawimawhte kawmin Mizoram tana thil pawimawh hrang hrang a sawipui,"1569/2024-2025 2024 Thlazing ni 13: Lunglei High Powered Committee (HPC) Vice Chairman Pu V. Malsawmtluanga, MLA chuan August ni 2 aṭanga ni 7, 2024 chhung khan Delhi-ah India sawrkar mi pawimawh tak tak, Pu Armstrong Pame IAS, Director, Ministry of Information and Broadcasting; Pi Lal Ramdinpuii Renthlei IES, Joint Director, Ministry of Consumer Affairs, Food and Public Distribution; Pu T. Roumuan Paite IRS, Chairman-cum-Managing Director, NSTFDC (National Scheduled Tribes Finance and Development Corporation) & Managing Director, TRIFED (Tribal Co-operative Marketing Development Federation of India Limited); Pu B. Vanlalvawna IFS, Joint Secretary, Ministry of External Affairs leh Pu Puneet Rastogi IPS, Additional Director General, Border Security Force te chu a kawm a, Mizoram tana thil pawimawh hrang hrang a sawipui a ni. Pu V. Malsawmtluanga chuan Pu Armstrong Pame nen an inkawmnaah hian Mizoram hmasawnna tur a ngaih pawimawh hrang hrang a sawipui a. Pu Armstrong Pame chuan Mizoram district thlan bik panga te tan private company hmangin Movie Theatre/Cinema Hall an rawn sak theih tur thu leh chumi sak ṭan nan a hmunhma, tui leh power supply te District Administration-in an lo buatsaih lawk theih nan ₹ nuai 30 ṭheuh an lo pek lawk tur thu a sawi a ni. Pi Lal Ramdinpuii Renthlei nen an inkawmnaah hian Mizoram hmasawnna tur thil hrang hrang sawi dunin, Pu V. Malsawmtluanga chuan Mizoram tan sum a tam thei ang ber hnuk lut turin dawhthleng an lo buatsaih tur thu a hrilh a. Pi Lal Ramdinpuii Renthlei hi Lunglei HPC Adviser atan a sawm nghal a; ani pawhin harsatna a awm a nih loh chuan HPC Vice Chairman sawmna hi tihhlawhtlin ngei a tum thu a sawi a ni. TRIFED Managing Director Office, Okhla, New Delhi-ah HPC Vice Chairman Pu V. Malsawmtluanga chu Pu T. Romuan Paite, MD leh Lt Col. Sanyam Kashyap, General Manager te'n lo dawngsawngin, inkawmna hun ṭha tak an hmang a. TRIFED-in Mizoram hmun hrang hranga hna an lo thawh tawh dan leh hna thawh zel an tum thu te lo hrilhin, National Cooperative Development Corporation nen thawk dunin Mizoram Rural Bank kal tlangin mimal, society leh self help group te loan ṭha chi an puktir dan leh puk theih dan te, Mizoram bikah cheng vaibelchhe 50 vel zet loan a tih theih dawn thu te an lo hrilh a. Promoting Tribal Products Scheme kal tlangin Mizo kut themthiamte deh chhuah an leisak theih thu leh chu'ng thilte chu Tribes India Store-ah an zawrh chhawn leh ṭhin thu sawiin, Mizoram sawrkarin dawr pakhat an lo ngaihtuah theih chuan Tribes India Store hi Aizawlah rawn hawn ngei an duh thu an sawi a. An thil thar chhuahte TRIFED kal tlanga hralh turin District Administration kal tlanga inziak lut (empanelment ti) turin kut hna thawkte an chah bawk a ni. Pu V. Malsawmtluanga chuan Pu B. Vanlalvawna nen hian Pu B. Vanlalvawna office chamber, South Block, New Delhi-ah inkawmna hun ṭha tak hmangin, Pu B. Vanlalvawna chu Mizo officer rinawm leh hming ṭha, tun hma aṭang tawha Mizote tihming ṭhatu a nih avangin chhuanawm a tih thu a sawi a. Pu B. Vanlalvawna pawhin Mizo/India mi ram pawna hna thawk/cheng mekte'n harsatna an neih changin Ministry/Embassy kal tlanga an puih ṭhin thu sawiin, Mizo/India mi ram danga harsatna tawk reng reng an ṭanpui theih reng thu a sawi a ni. Pu V. Malsawmtluanga chu Pu Puneet Rastogi IPS, Additional Director General, Border Security Force nen inkawm bawkin, Mizoram chhunga BSF hna thawh dan te an sawi dun a. Pu V. Malsawmtluanga chuan a bik takin Lunglei District chhunga an duty-na hmunah BSF chuan mipuite nen inlaichinna ṭha zawk siam zel tur te, khawtlang tana Civic Action Programme kal tlanga nasa zawka mipuite tana rawngbawl tur te'n a ngen a. Mizo/hnam bil battalion din theih ni tawh lo mah se, Mizoramah BSF battalion pali lai a awm avangin BSF-a ṭang Mizo sipaite chu battalion palia sem darh theih vek an nih thu te hrilhin, Mizo sipaite Mizorama posting pe hram hram turin a ngen a, chu chuan ṭawng inhriat tawn loh vanga buaina leh harsat tam tak a chin fel theih nghal tur thu a hrilh a ni. Attachment Loading attachment...",Dated: 13 th Aug 24 3:42 PM,https://dipr.mizoram.gov.in/post/lunglei-hpc-vice-chairman-pu-v-malsawmtluangan-delhi-ah-india-sawrkar-mi-pawimawhte-kawmin-mizoram-tana-thil-pawimawh-hrang-hrang-a-sawipui |
Champhai Bawrhsapin VC By Election a hman tur Final Electoral Roll tlangzarh,"1568/2024-2025 Champhai, 13th August, 2024: Vawiin khan Champhai Bawrhsap, District Election Officer ni bawk Pu VL Remliana chuan Khuangthing, Leisenzo, New Champhai, Ngur leh Thekpui Village Council By-Election neih tura hman tur Final Electoral Roll chu DC Conference Hall, Keifangtlangah a tlangzarh. Champhai Bawrhsap Pu VL Remliana chuan he huna kalkhawm political party, MJA leh tlawmngai pawl aiawhte hnenah lawmthu a sawi a. Electoral Roll felfai leh hrisel a awm theih nan sawrkar, political party, khawtlang hruaitute leh tlawmngai pawl ten thawhhona tha an neih a ngaih thu a sawi bawk. He hunah hian Electoral Registration Officer, Addl DC ni bawk Pu K. Zorammuana pawhin thu sawiin Electoral Roll a luh diltu ten form uluk taka an fill-up a tul tih a sawi a. He mi kawngah hian BLO, khawtlang hruaitute leh political party te thawhpuina a ngen a ni. Pu Benjamin Zalawma Ralte, Election Officer in a tarlan danin Champhai District-a Village Council panga - Khuangthing, Leisenzo, New Champhai, Ngur leh Thekpui ah VC By-Election hi neih tur a ni a. Ngur (member 5) Thekpui (member 3) khuaah te hian member zawng zawng thlan that a ngai dawn a, Khuangthing, Leisenzo leh New Champhaiah te hian member 1 theuh thlan that tur a ni thung. Final Electoral Roll tlangzarh a nih takah chuan State Election Commission in inthlan vel leh By-Election hi neih a ni dawn a ni. Draft Electoral Roll hi ECI Roll 2022 behchhan a siam niin, July ni 24, 2024 khan tlangzarh a ni a. July ni 25 atanga July ni 31 chhung khan inziaklut duh leh sawisel duh nei tan hun hawn niin, heng a dilna lut te hi August ni 1-8 chhung khan ngaihtuah a ni a. Vawiinah Final Electoral Roll tihchhuah a lo ni ta a ni. Khuangthingah hian Draft Electoral Roll-ah voter 1083 (mipa 546 leh hmeichhia 527) an awm a, Final Roll ah hian voter 1063 (mipa 535 leh hmeichhia 528) awmin, voter 20 (-1.85%) in an kiam a ni. Leisenzoah hian Draft Roll-ah voter 597 (mipa 309 leh hmeichhia 288) an awm a, Final Roll-ah hian voter 610 (mipa 317 leh hmeichhia 293) awmin, voter 12 (2.18%) in an pung a ni. New Champhaiah hian Draft Roll-ah voter 968 (mipa 512 leh hmeichhia 456) an awm a, Final Roll-ah hian voter 983 (mipa 460 leh hmeichhia 523) awmin, voter 15 (1.55%) in an pung a ni. Ngurah hian Draft Roll-ah voter 1035(mipa 498 leh hmeichhia 537) an awm a, final roll-ah voter 1091 (mipa 530 leh hmeichhia 561) awmin, voter 56 (5.41%) in an pung a ni. Thekpuiah hian Draft Roll-ah voter 227 (mipa 125 leh hmeichhia 102) an awm a, final roll-ah voter 244 ( mipa 133 leh hmeichhia 111) awmin, voter hi 17 (7.49%) in an pung a ni. V awiin Roll tlangzarhnaah hian sawrkar official-te bakah Political Party, tlawmngai pawl leh MJA aiawhte an tel. vc roll status.pdf final roll a publish a sem tur.pdf Attachment Loading attachment...",Dated: 13 th Aug 24 3:07 PM,https://dipr.mizoram.gov.in/post/champhai-bawrhsapin-vc-by-election-a-hman-dan-tur-final-electoral-roll-tlangzarh |
STATE TRIBAL WELFARE & DEVELOPMENT POLICY CHUNGCHANGAH INHRILHHRIATNA LEH INRAWNKHAWMNA HUN HMANG,"1567/2024-2025 Aizawl, the 13th August, 2024: Social Welfare & Tribal Affairs, Women & Child Development Department hnuaia State Tribal Resource & Training Centre (STRTC) buatsaihin vawiin khan State Tribal Welfare & Development Policy chungchang inhrilhhriatna leh inrawnkhawmna hun, ‘Orientation cum Consultation Workshop on State Tribal Welfare & Development Policy, Mizoram' chu Aijal Club-ah neih a ni a. He hun hi an Chairperson Pi Lalrinpuii, Social Welfare & Tribal Affairs, Women & Child Development Minister chuan a hmanpui a ni. Pi Lalrinpuii chuan ruahman lawk anga a vawikhat nan leh Mizote tana bung thar ni tura Mizoram bik tana Tribal Policy hmawr bawk fel a ni tur chu lawmawm a tih thu sawiin, hei hian State Tribal Resource & Training Centre tana hmalakna turah hmasawnna duhawm tak a thlen ngei a beisei thu a sawi a. Sawm bik mi pawimawh te'n he hun an rawn ngaipawimawh chu lawmawm a tih thu sawiin, Tribal-te hamthatna leh hmasawnna kawng dap kawnga inhrilhhriatna leh inrawnkhawmna buatsaih chu ram hmasawnna leh Department hmalakna atan a tangkai dawn tih a sawi bawk. Thusawitu dang Pi Lalzarmawii, IAS, Commissioner & Secretary, Social Welfare & Tribal Affairs, Women & Child Development Department chuan policy chhungah ruahmanna fing tak zeh a nih thu a sawi a. Tribal Affairs lama State hmalakna thuam chak turin UNDP in Staff 4 an rawn pek tur thu leh interview buatsaiha tunkar chhunga lak fel mai tur an nih thu a sawi bawk. He hunah hian State Tribal Resource & Training Centre-in State Tribal Policy an lo duan chhin leh mithiam engengemawzat tena an lo chai tawh khaikhawmna tlangpui chu STRTC Director Dr. Lalhriatzuali Ralte, IAS, Social Welfare & Tribal Affairs Director ni bawk chuan PowerPoint Presentation hmangin a sawifiah a. India rama Tribal-te hmasawnna kalpui a nih dante tarlangin, Sorkar laipuiin India ram danpui hmangin policy leh guideline chi hrang hrang siam tawh mah se, mumal leh awmze nei zawka Mizoram hmathlir 2047 ruahmanna neih a tul avangin State Tribal Policy hranpa nei tura hmalak chhoh a ni, a ti a. He policy leh Sorkar laipui hmalakna ‘Support to TRI’ tih scheme hnuaia nasa taka hmalak a nih tawh dante leh State Tribal Resource & Training Centre thuam chak mek a nih dante a tarlang bawk. Vawiin hun hmanah hian Sorkar Department hrang hrang hotute, Civil Society Organization, Tlawmngai pawl, Social Welfare Department-a lo thawk tawhte, IAS Association (Mizoram) aiawhte, Mizoram chhunga hnam chi hrang hrang aiawhte leh Chanchinbumite an tel a ni. Attachment Loading attachment...",Dated: 13 th Aug 24 2:57 PM,https://dipr.mizoram.gov.in/post/state-tribal-welfare-development-policy-chungchangah-inhrilhhriatna-leh-inrawnkhawmna-hun-hmang |
MIZORAM LARSAP IN NIELIT A TLAWH,"1566/2024-2025 AIZAWL; the 13th August, 2024: Vawiin chawhma dar 11:00 khan Mizoram Larsap Dr. Hari Babu Kambhampati chuan NIELIT(National Institute of Electronics and Information Technology), Zuangtui,Aizawl a tlawh a. NIELET Director Dr.T.Gunendra Singh, a thawhpui te leh zirlai naupang ten an lo dawngsawng a. Larsap hian NIELIT building leh hmunhma te fangin, Cybersecurity Laboratory, Electronics Laboratory leh IT Laboratory te a tlawh bawk. Larsap lo chawnglawmna programme hi NIELIT Seminar Hall-ah neih a ni a. Hetah hian Pu C.Zonunsanga, Scientist 'C' chuan power point presentation hmangin NIELIT dinhmun, an hmalak tawhna leh hmachhawp te entirna hun a hmang a. Faculty aiawh leh zirlai te atangin thusawina hun an hmang bawk. Vawiin NIELIT a tlawhna-ah thu sawiin, Larsap chuan NIELIT hi thangkhat lian vel chauhva upa ala ni nâ-in, mi sang tam takin NIELIT hi an chhawr tangkai tawh a, tunah Lunglei NIELIT Extension Centre pawh bunfel tawh a nih thu ka hriat hian min ti lawm hle a ni, a ti. Larsap chuan IT khawvelah kan chen tawh avangin Hon'ble PM Pu Narendra Modi Kaihhruai sawrkar laipui pawhin Digital India campaign duangchhuakin, ngawrh takin a kalpui mek a. Kum 2047 ral hma ngeia India ram chu ram hmasawn leh changkang (Viksit Bharat) nih tir hi Kan Prime Minister thiltum ber pakhat a ni. Ram hmasawn leh changkang ni tur erawh chuan mitin hi digitally literate kan ni phawt a ngai a ni tiin, Larsap chuan Chungtiang thilah chuan NIELIT hian mawhphurhna lian tak a nei a ni, a ti. Heng health, education leh agriculture-ah te hian Digital Technology hian hmasawnna nasa takin a thlen mek a.Digital technology chuan Telemedicine hmangin hmun kilkhawr tak takah pawh quality healthcare thlen tir ve mek a ni. Kan Education-a IT leh Electronics tangkaizia te, Covid hripui lenlai a tangkaizia hmutu vek kan ni. IT leh Electronics in hmasawnna kan rama a lo thlen hi, mitin te banphaka dah hi kan tum tlat tur a ni, tiin Larsap chuan IT leh Electronics in hmasawnna a thlenrualin, pawikhawihna(Cyber Crime) tam tak a thlen ve mek a.Chung harsatna sukiang tur chuan NIELIT in CyberSecurity lam a buaipui mek tih ka lo hria a, ka lawm hle bawk ni. NIELIT hian hmasawn zel u la, Mizoram ram leh India ram chu Viksit Mizoram leh Viksit Bharat a ni theih nana thawktu pawimawh ber te zing a mi ni turin duhsakna ka hlan a che u, Larsap chuan a ti. Vawiin NIELIT a tlawh hriatreng nan Larsap hian Thingtiak(Lenhmui tiak) NIELIT kawtah a phun nghal a ni. Vawiin NIELIT a tlawhna-ah hian NIELIT thuneitu te chuan Artificial Intelligent(AI) Laboratory din chungchang te,NIELIT chu Deem University a pawm mai tur a ni tawh avanga Ram an mamawh belh chungchang te,LDC hna dil nana NSQF alaigned Certificate pawm sak ve tura an duhna te Larsap hnenah hian an lo thlen a. Larsap pawhin lo bawhzui a tum thu a hrilh hlawm bawk. Attachment Loading attachment...",Dated: 13 th Aug 24 2:49 PM,https://dipr.mizoram.gov.in/post/mizoram-larsap-in-nielit-a-tlawh |
Khawzawl DC-in Mumbai lama kal tur Tuichangral FPC a vai liam,"1565/2024-2025 Khawzawl, dated 13th August, 2024: Vawiin chawhnu dar 2:00 pm khan DC Office kawt atangin Khawzawl Deputy Commissioner, Pu K. Vanlalthiana chuan Organic Certified FPC ni mek, Tuichangral Organic FPC (Farmer Producer Company) te thar chhuah Lakhuihthei Quintal 10 (1,000 kgs) lai chu Mumbai lama hralh turin a vai liam. He lakhuihthei thawn chhuah hi Ni 17 leh 18 August 2024, tlai dar 4:00 atanga zan dar 10:00 thleng awh tur a, “Mizoram Pineapple Festival” lian tak, Horticulture Dept. Mizoram te sponsor na hnuai a, Josie’s Kitchen, North East Cuisines, Mumbai te buatsaihna hmun a zawrh chhuah tur a ni. He organic lakhuihthei hi MOVCD-NER (Mission Organic Value Chain Development for North Eastern Region) scheme hnuaia farmer in register te ta niin, Mission Organic Mizoram (MOM) - State Lead Agency leh Clover Organic Pvt. Ltd.- Service Provider te enkawl lai an ni. “Tuichangral Organic FPC” te hian an Lakhuihthei thar chhuah te hi Haryana, Mumbai leh Dehradun lamah lo thawn chhuak tawhin, kuthnathawktute tan phurna leh chona nasa tak a pe a ni. Attachment Loading attachment...",Dated: 13 th Aug 24 2:46 PM,https://dipr.mizoram.gov.in/post/khawzawl-dc-in-mumbai-lama-kal-tur-tuichangral-fpc-a-vai-liam |
Saitual-ah hnam puanzar nena kawng zawhna hun “Tiranga Yatra” hman a ni,"1564/2024-2025 Saitual the 13th August, 2024: Vawiin khan Saitual district-ah India ramin zalenna a hmuh lawmna champha pual “Har Ghar Tiranga” chu District Bawrhsap Dr. Lalngura Tlau kaihhruaina hnuaia neih a ni a, Independence Day lawmnaa parade contingent turte chuan India hnam puanzar kenga kawng zawhna hun “Tiranga Yatra” leh “Har Ghar Tiranga Pledge” chham rualna hun an hmang a ni. Saituala Govt. Middle school I & II, Govt. High School, Govt. Higher Secondary School, Presbyterian English School leh Govt. Saitual College atanga Parade contingent turte hian C.I kawn, Saitual Chhim Veng atanga Keifang Centenary Sports Complex thleng hnam puanzar kengin kawng an zawh a. Kawng zawh tawpah hian ""India ram puanzar zar a, kan ram tana zalenna sualtute leh mi huaisente zah tak chungin, keimah ngei pawh India ram ṭhan nan leh hmasawnna hna thawk turin ka intiam e,"" tiin Tiranga Pledge an tiam rual nghal a ni. He hunah hian District Bawrhsap Dr. Lalngura Tlau bakah Pi Chhuanhlupuii, Sub-Divisional Education Officer, Saitual, Dr. VLK Dawngkima, Assistant professor, Govt. Saitual College leh school hrang hranga zirtirtute an tel a ni. Tiranga Yatra hi Har Ghar Tiranga puala buatsaih niin India ram pumah August ni 11 atanga ni 13 inkarah ram mipuite inpumkhatna leh Hnam puanzar zahna lantir nan buatsaih a ni a, mipui thinlungah ram leh hnam hmangaihna tuh thar leha a awm theih nan leh zalenna sual chhuaktute hriat reng nana buatsaih a ni. Har Ghar Tiranga Campaign chu Azadi Ka Amrit Mahotsav hnuaiah mahni in theuhah Hnam puanzar zar a, mipui rilru-ah Hnam puanzar ngaihhlutna a awm leh theih nana beihpui thlakna a ni a, mipuiten hnam rilru kan put a, ram leh hnam tan phur taka thahnemngaihna chawisan zel a nih theih nan August ni 13 atang ni 15 thleng mahni in theuhah Hnam puanzar zar theuh tura infuihna a ni. Mipuite chu #HarGharTiranga tiin thlalak leh selfie te social media platform hrang hrangah upload theuh tura sawm kan ni. Attachment Loading attachment...",Dated: 13 th Aug 24 2:24 PM,https://dipr.mizoram.gov.in/post/saitual-ah-hnampuanzar-nena-kawng-zawhna-hun-tiranga-yatra-hman-a-ni |
Kolasib Saidan leh Nisapui Village Council By-Election Final Electoral Roll tlangzarh a ni,"1563/2024-2025 Dated Kolasib the 13th August, 2024: Vawiin chawhnu khan DC Conference Hall Kolasib ah Kolasib Saidan leh Nisapui Village Council a seat ruak hnawh khah tura by-election neih tur atan final electoral roll chu Pu Robert C Lalhmangaiha, Kolasib District Election Officer chuan a tlangzarh a, paty aiawh a lo kal te hnenah a copy sem nghal a ni. Tlangzarhtu District Election Officer, DC ni bawk Pu Robert.C Lalhmangaiha chuan inthlang ram kannih angin election chu a pawimawh hle a, chumi pawimawhna hria a tlangzarh ni a pawl hrang hrang aiawhte an tel thei chu a lawmawm a tih thu a sawi a. Final roll publish chu thil pawimawh leh a buaipui pawh hautak tak a ni tiin, ARO leh AERO te in ruatin an ni in hearing te leh thil tul dang te an tih hnuin, Election office in a chul mam leh update ngai te an lo buaipui a, chung zawng zawng zawh fel a nih hnu chuan publish theih in a lo awm ta a ni, a ti. Vawiin Final Roll tlangzarhna hi Pu Lalramliana, EO Kolasib in kaihruaiin political party aiawhte, MJA President leh officials dangte, YMA leh MHIP aiawhte, BLO te leh District Research Officer te an tel bawk a ni. Final Roll a a lan danin VC06040- Kolasib Saidan-ah hian mi 591 awmin, VC06030- Nisapui ah 647 an awm a, a vaiin mi 1238 Roll ahhian an chuang a ni. Draft Electoral Roll aiin mi 26 in an kiam a, kiamna percentage hi 4.21% a ni. Attachment Loading attachment...",Dated: 13 th Aug 24 2:22 PM,https://dipr.mizoram.gov.in/post/kolasib-saidan-leh-nisapui-village-council-by-election-final-electoral-roll-tlangzarh-a-ni |
HAR GHAR TIRANGA PUAL CONCERT BUATSAIH A NI,"1562/2024-2025 Dated Aizawl: the 13th August, 2024: Vawiin chawhma dar 11 khan India ram zalenna champha vawi 78-na lawmna hmahruai, Art & Culture Dept. huaihawt, In tina Hnam Puanzar zar (Har Ghar Tiranga) pual Concert chu Art & Culture Dept. Secretary Pi Florence Zotluangpuii hovin Vanapa Hall, Aizawlah neih a ni a. Art & Culture Dept. hotute bakah, Zirlai thahnem takin he hun hi chhimin, zaithiam hrang hrangte nen zalen leh hlawkthlak taka hun hman a ni. Pi Florence Zotluangpuii chuan thu sawiin, Har Ghar Tiranga chu India ram hun hlui thlir letna atana awmze thui tak nei a nih dante tar langin Hnam Puanzara rawng hrang hrang awmzia leh an entir theuhte a sawi fiah nghal a. Hei bakah hian he hun hman a nih chhan chu zalenna sualtute hniakhnung kan zui zel theih nante, ram leh hnam chawisanna a nih dan bakah, hmasawnna leh hun harsa kan lo paltlang tawh dante entirna a ni, a ti a. 'Har Ghar Tiranga' chu inpumkhatna, 'Unity in Diversity' lantirna pawimawh tak a nih dante a sawi bawk a ni. Hemi zawh hian, IMFA Music Wing (Art & Culture Dept. hnuaia music zirlai) te chuan National Song 'Van de ma Taram' an rem bakah Lalbiakhlui Pachuau in Mizo Folk Song a sa bawk a. Hei bakah hian zaithiam hrang hrangte'n kal khawmte chu zaiin an awi bawk a. Pi Carol V.L.M.S. Dawngkimi, Director, Art & Culture Dept. chuan lawmthu sawiin hun hman hi a khar a ni. ""Har Ghar Tiranga"" Concert hi thalaite thinlunga India ram zalennna hlutzia intuh thar nana buatsaih a ni a. Nimin lamah pawh, 'Har Ghar Tiranga Yatra' (Har Ghar Tiranga puala Kawngzawh) chu neih a lo ni tawh bawk a ni. Attachment Loading attachment...",Dated: 13 th Aug 24 2:17 PM,https://dipr.mizoram.gov.in/post/har-ghar-tiranga-pual-concert-buatsaih-a-ni |
Serchhip District Task Force for Immunization thukhawm,"1561/2024-2025 Dated Serchhip, the 13 th August, 2024 : Vawiin khan Serchhip District Task Force for Immunization chu an chairman Serchhip Bawrhsap Pu Paul L.Khuma kaihhruaiin Serchhip DC meeting hall ah an thukhawm. Khawvela immunization beihpui lian ber Universal Immunization Programme (UIP) hnuaia India sawrkar hmalaknain vaccine hi natna inventheih chi 11 laka inven nan hunbi neiin pek chhuah thin a ni a. District tin te chu target siamsak an ni a, a hun bi ah Health Department ten vaccine an pe chhuak thin a ni. An hmalak dan viltu pawimawh tak District Task Force hi District tinah dah niin DC kaihhruaina hnuaiah department hrang hrang te leh a tul angin khawtlang hruaitute pawh thawkhoin District chhunga naupang zawng zawngin vaccine a hun taka an lak theih nan an tang tlang thin a ni. Vawiin thutkhawmah hian kum 2023-2024 leh kumin sawrkar kum kal meka Serchhip District a immunization kalpui dan thlir letna neih a ni a. Kumin sawrkar kum kal mekah June thla thlengin 85.8% an tuam tawh a, kum kaltaah 69% an tuam a ni. Serchhip District chhung khaw hrang hrangah bituk (target) zat an tlin lo tih hmuhchhuah niin hei hi a chhan bul pui ber chu data entry tih dik loh vang te, kar tina thlirletna neih dan felfai tawk loh vang te, mipui mimirah puanzar nasat leh zual tul vang te niin meeting ah hian an sawi a ni. DC chuan Health lam thuneituten an official kalchhuak te hnathawh dan fimkhur leh uluk takin kartin thlirletna neih ni se, a theih chinah online hmangin whatsapp leh webinar te pawh nei thin turin a chah a. Thawktute tiphur turin a thawk tha te thlangchhuakin Award siam ni se, tiin meeting ah hian an rel a ni. Attachment Loading attachment...",Dated: 13 th Aug 24 2:15 PM,https://dipr.mizoram.gov.in/post/serchhip-district-task-force-for-immunization-thukhawm |
KVK KOLASIB IN SKILL TRAINING BUATSAIH,"1560/2024-2025 Dated Kolasib the 13th August, 2024: Vawiin khan KVK Kolasib chuan Government Kolasib College a zirlai thlan bikte te leh farmer sawm bik - mi sawnga (50) tan Skill Training a buatsaih a he hunah hian India ram Prime Minister Pu Narendra Modi in Crop Variety 109, August 11th 2024 a release te, Oil Seeds te, Vaimin te, Oil Palm te, thlai chi hrang hrang hlawk zawka enkawl dan te bakah thlai leh buhte chin dawn a leilung sawngbawl dan te, Low Cost Poly Tunnel thatna te zirtirna leh sawihona an nei a ni. He hun hi Senior Scientist and Head, KVK Kolasib Dr. Michelle C. Lallawmkimi chuan kaihruaiin kalkhawmte chu tunlai khawvelah taihmak mai bakah thiam bikna nen kan buh leh thlai te kan enkawl chuan hlawkna kan tel nasat theih thu sawiin, mithiamte training pek pawimawhzia leh an training chu a taka hmang turin kal khawmte chu a fuih a ni. He skill training hi SAMETI, Mizoram leh National Institute of Agricultural Extension Management, Hyderabad te sponsored a ni a. Training ah hian Specialist hrang hrang te- Agronomy, Horticulture, Soil Science leh Agriculture Engineer ten zirtirna an pe a, Training zo te chu Skill Certificate pek an ni bawk dawn a ni. Attachment Loading attachment...",Dated: 13 th Aug 24 2:01 PM,https://dipr.mizoram.gov.in/post/kvk-kolasib-in-skill-training-buatsaih |
Damparengpui- I Village Council By-Election Final Electoral Roll tlangzarh a ni,"1559/2024-2025 Dated: Mamit the 13th of August, 2024: Vawiin chawhnu khan Taitesena Buk, DC Office, Mamit-ah Damrengpui-I Village Council a seat ruak hnawh khah tura by-election neih tur atan final electoral roll chu Pu Jacob Lalawmpuia, Mamit Bawrhsap chuan a tlangzarh. He hunah hian political party aiawh, MJA President leh officials dangte an tel bawk a ni. Bawrhsap chuan electoral roll chu tha leh fel tak a buaitsaih a nih theih chu lawmawm a tih thu a sawi a, kan ram chu democracy a hruai a nihna angin ram hruaitu tha leh hmasawnna atan kawng sulsutu ber chu mipuite an nih angin an mawhphurna ngaipawimawh a vote thlak theuh turin a ngen bawk. Electoral roll chu tlangzarhin paty aiawh a lo kal te hnenah copy sem nghal a ni. Damparengpui-I Village Council-ah hian seat 1 a ruak a, final roll-ah hian mi 100 ah 3 a pun belh a ni. Attachment Loading attachment...",Dated: 13 th Aug 24 1:58 PM,https://dipr.mizoram.gov.in/post/damparengpui-i-village-council-by-election-final-electoral-roll-tlangzarh-a-ni |
Mamit District-ah “ Tiranga Yatra” neih a ni,"1558/2024-2025 Dated: Mamit the 13th of August, 2024: Vawiin khan Mamit district-ah India ram zalenna lawmna champha puala “Har Ghar Tiranga” hnuaia hnam puanzar nen a kawng zawhna hun “Tiranga Yatra” chu hman a ni a, Pu Jacob Lalawmpuia, Mamit Bawrhsap chuan kaihruaiin “Har Ghar Tiranga Pledge” chham rualna hun hman a ni. He hunah hian zirlai te leh department hrang hrang hotute leh staff ten hnam puanzar kengin Field Veng Mamit atanga High School Veng Mamit thleng kawng an zawh. Pu Jacob Lalawmpuia chuan India khua leh tui kan nihna angin hnam puanzar chu kan zah a tul a thu a sawi a, khua leh tui tha leh rinawm ni theuh turin vawiin a kal te chu a chah bawk. India ram zalenna puanzar ropui chu hnam inpumkhatna tilangtu pawimawh tak anih avangin he hun hi ngaihlu a, ram hmasawnna atan tan la zel turin Bawrhsap chuan a ngen bawk a ni. Vawiin hunah hian “Nasha Mukt Bharat Abhiyaan” campaign hnuaia ruihhlo laka fihlim tura intiamna chu Bawrhsap kaihhruaina hnuaiah neih nghal a ni. Pu Jacob Lalawmpuia chuan zirlai kalkhawmte hnenah chuan kan ram hmelma ruihhlo laka fihlim theih turin a chah a, thuthiam la satliah mai lo a mahni nunah a tak a zawm theih turin a fuih bawk. Nimin khan Mamit a department hrang hrang te chuan he intiamna hun hi an lo hmang tawh a ni. Har Ghar Tiranga Campaign hi India hnam puan zar (national flag) in tina zar tura infuihna beihpui a ni a, Azadi ka Amrit Mahotsav hnuaiah kum 2022 khan Sawrkar laipui chuan kum tina hman turin bul alo tan a ni. Attachment Loading attachment...",Dated: 13 th Aug 24 1:25 PM,https://dipr.mizoram.gov.in/post/mamit-district-ah-tiranga-yatra-neih-a-ni |
LESDE MINISTER-IN '1ST MEETING OF EMPLOYEES' STATE INSURANCE CORPORATION REGIONAL BOARD MIZORAM' THUTKHAWM A TELPUI,"1557/2024-2025 Aizawl dated 13th August 2024: Vawiin chawhma khan SAD Conference Hall-1, MINECO ah Ministry of Labour & Employment hnuai a Employees’ State Insurance (ESI) Act, Mizoram a chak zawk a kalpui a nih theih nan ‘1 st Meeting of State Insurance Corporation Regional Board Mizoram’ neih a ni a. Pu Lalnghinglova Hmar, Labour, Employment, Skill Development and Entrepreneurship Department chuan hun kaihruaiin Pu Robert Guite, Regional Director, ESIC, NER, Dr. Richita Biswas, Medical Commissioner-East and North East Zone-te chuan Mizoram a hmalakna kalpui tawh dan leh hmachhawp tarlanna hun an hmang a. Mizoram Private School Owners Association, Mizoram Non-Government Hospital Association, Automobile Workshop Owners Association, NTUM, FOTUM, CITUM leh LESDE Department-a hotute he hun ah hian an tel a ni. Hun kaihruaitu Minister Pu Lalnghinglova Hmar chuan Employees’ State Insurance Corporation hnuai a Private Institution hrang hranga thawktute tan hamthatna tha tak tak ruahmanna awm chu a tak a hmang tangkaitu nih theuh tum turin kalkhawmte a chah a. Minister chuan ESIC hnuai a kan mi chhawrte tan a hamthatna awm thei; dam lo inenkawlna te, hnathawhna a inhliam palh avang a chhawmdawlna te, vanduaina avanga a ram tui lei lo a awmte tanpuina thleng a huam avangin hnathawktute leh a chhawrtute tan thil pawimawh tak a nih thu a sawi a. ESIC hnuai a hamthatna chang thei hnathawk tam thei ang ber an inziah luh theih nan vawiin a pawl hrang hrang hruaitute lo kal chu thawhho pui ah a sawm a ni. Pu Robert Guite, Regional Director, ESIC, NER, Dr. Richita Biswas, Medical Commissioner-East and North East Zone-te tarlan danin ESIC hi Aizawlah kalpui mek a ni a, kum 2022- 23 chhung khan mi 1960 an inziak lutin vawiin thleng hian mi 2634 an inziak lut tawh a. India ram pum ah ESIC hian Hospital 161, Dispensary 1574, Medical College 13 a thawhpui mek bawk a, Insured Person (IP) fate tan ESIC Medical College 6-ah seat reservation a awm thu tarlan a ni bawk. Thutkhawm a tarlan danin Employees' State Insurance (ESI) Act chu Aizawl Municipality huam chhung ah December ni 1, 2015 atang khan kalpui tan a ni a. Branch Office hi February ni 8, 2016 ah hawn niin tun ah hian R.Z. Annex Building, House No. A-107/E, 4th Floor, Zodin Square, Tuikual South, Aizawl - 796001, Mizoramah Branch Manager leh Staf-te nen kalpui a ni. ESI Dispensary pawh Zaluta Building, 1st Floor, Venghlui (Near Treasury Square), Aizawl-796001 ah hawn a ni. ESI Dispensary, Aizawl leh damdawiin/diagnostic centre inthlunzawm te chu: 1) Synod Hospital, Durtlang 2) State Referral Hospital, Falkawn 3) Aizawl Adventist Hospital, Zotlang 4) Nazareth Hospital, Chaltlang 5) Trinity Diagnostic Centre, Zarkawt 6) Genesis Laboratory, Dawrpui ESI hnuai a inziak lutte'n heng damdawiin/diagnostic centre-ah hian a thlawnin treatment (OPD/Admit/Tests chi hrang hrang) an dawng thei a. ESI Dispensary atangin heng damdawiin ah te hian a tul dan a zirin thawn thin an ni. Employees' State Insurance Corporation (ESIC) hi Ministry of Labour & Employment, Govt, of India hnuai a Statutory Body niin hnathawktute ESI Act 1948 in a huam te chu dam loh leh bawrhsawmna (Sickness) avangte, nau neih (Maternity) avangte emaw, hnathawhna a inhliam avangte, hnathawkna hmun a chetsualna avanga ram tui lei loa awmte (Disablement) leh hnathawhna avanga nunna chan chhungte (Dependent) harsatna chhawmdawl leh tanpuina tur ruahmanna hrang hrang a keng tel a ni. ESI Scheme chuan eng sumdawnna pawh (Road Transport, Hotels & Restaurants, Cinemas, Newspaper, Shop, Educational/Medical Institution etc.), hnathawktu 10 (sawm) emaw a aia tam awmna te a huam vek a. Hnathawktu thlakhat a Rs. 21,000/- leh a aia tlem hlawhte tan he hamthatna hi dawn theih a ni. ESI Act hnuai a hmathatna chang tur hian inziahluh hnu ah hnathawktuin a hlawh atanga za zel a 0.75 leh a chhawrtuin za zela 3.25 thlatin an chhun luh ve a ngai thung a ni. ESI Scheme hnuai a hamthatna leh hlawkna awm te chu a hnuaia tarlan ang te hi a ni: 1. Sickness Benefit 2. Medical Benefit 3. Disablement Benefit a. Temporary Disablement Benefit b. Permanent Disablement Benefit 4. Dependents' Benefit 5. Maternity Benefit 6. Confinement Expenses 7. Funeral Expenses 8. Rajiv Gandhi Shramik Kalyana Yojna (RGSKY), Unemployment Allowance 9. Covid Relief Scheme (CRS) 10. Atal Beemit Vyakti Kalyan Yojna (ABVKY) 11. MBBS Quota for ward of IP ESI Act chungchang hrechiang duh te tan, Pu David Lalfakzuala, Assistant Director, Office Landline No. 0389-2913623 ah emaw Mobile No. 9999573504 ah emaw zawhfiah theih a ni.",Dated: 13 th Aug 24 1:15 PM,https://dipr.mizoram.gov.in/post/lesde-minister-in-1st-meeting-of-employees-state-insurance-corporation-regional-board-mizoram-thutkhawm-a-telpui |
Kolasib-ah Partition Horrors Remembrance Day puala Exhibition neih a ni,"1556/2024-2025 Dated Kolasib the 13th August, 2024: Vawiin zing khan Kolasib Venglai Bazar ah Lead Bank buatsaihin Partition Remembrance Day puala Exhibition buatsaih a ni a, he Exhibition hi Pu Robert.C Lalhmangaiha, Kolasib DC chuan hawngin Ex Serviceman te leh CZ Higher Secondary School leh St John Higher Secondary School naupangte an kalkhawm a ni. Exhibition hawngtu Pu Robert C Lalhmangaiha chuan ex Servicemen leh Bank lam hotute leh zirlai kalkhawmte hnenah lawmthu sawina neiin, tun hnaiah Independence inpuahchana a kal mek a, vawiina an hun hman pawh Independence Day pual tho a ni, a ti a. Independence neih nan thisen tamtak a luang a, chutiang bawkin, neih hnuah pawh thisen tamtak a luang zui a, Hindu leh muslim inngeihlohna avangin buaina nasa tak a thleng a, Partition Horror Day chu India Independence sual chhuah hnua India mipuite tana theihnghilh tawh loh tur thil rapthlak leh tihbaiawm tak a ni, a ti. DC chuan Partition Day atangin inthendarhna, inhuatna leh intaina hian thil tha a thlen lo tih an hriat nawn a pawimawh thu a sawi a, chu chu zir chhuak a vawng nung tlat turin kalkhawmte chu a chah a ni. Vawiin Exhibition a an thlalak pho chhuah te pawh uluk taka zir a ,a phen a awm zir chhuak turin a chah bawk. Partition Horrors Remembrance Day puala Exhibition Kolasib a neih hi Lead Bank Office buatsain niin, he Partition Horrors Remembrance Day puala program hi 2021 atanga huaihawt tawh thin a ni a. Kuminah Lead District Manager ten hemi puala Exhibition hi buatsaih nise Sawrkar in a tih anga buatsaih a ni. V awiin Program hi Pu PC Lalnunpuia, Lead District Manager in kaihruaiin, Bank Managers te leh Ex Serviceman leh School naupangte an tel a ni. Vawiin Exhibition ahhian Partition puala thuziak leh Partition hun lai a mi tawh newspaper thlalak pawimawh tak tak te pho chhuah a ni. Attachment Loading attachment...",Dated: 13 th Aug 24 1:08 PM,https://dipr.mizoram.gov.in/post/kolasib-ah-partition-horrors-remembrance-day-puala-exhibition-neih-a-ni |
RUIHHLO LAKA FIHLIM TURIN SW&TA leh EMRS THAWKTUTE'N THU TIAM,"1555/2024-2025 Aizawl, 13.08.2024: Social Welfare & Tribal Affairs Directorate-a thawkte leh Eklavya Model Residential School (EMRS) staffs-te chuan nimin (12th August, 2024) khan an office kawtah Independence Day lo awm tur pualin Nasha Mukt Bharat Abhiyaan (Drug-Free India Campaign) kal zela Ministry of Social Justice & Empowerment (MSJ&E) lamin ruihhlo laka fihlim tura thutiam la tura a tih angin thu an tiam. Dr. Lalhriatzuali Ralte, Director, Social Welfare and Tribal Affairs kaihhruaina chuan he thutiam lak hi a kaihruai a. SW&TA sub-ordinate office hrang hrangah pawh neih a ni. Director chuan Nasha Mukt Bharat Abhiyaan (Drug-Free India Campaign) chu ram pum huapa ngawrh taka kalpui a nih thu leh Mizoramh pawh theihtawp chhuah a District Commissioner tin te kaihhruaina hnuaia district level-ah ngawrh zawka kalpui tura hmalak mek a nih thu te a sawi a. Excise & Narcotics Department chu Supply reduction lama tan latu niin MSACS hian Harm Reduction lamah tan a la a, SW&TA hian Demand reduction lamah tan a lak ve thung thu a tarlang bawk. SW&TA-a staffs te pawh an office hna piahlamah khawtlang, kohhran leh chhungkuaah theuh ruihho do kawnga mahni theih ang tawka hma la theuh turin a chah a ni. Attachment Loading attachment...",Dated: 13 th Aug 24 12:45 PM,https://dipr.mizoram.gov.in/post/ruihhlo-laka-fihlim-turin-swta-leh-emrs-thawktuten-thu-tiam |
Khawzawl District-ah by-election atana final electoral roll DC-in a tlangzarh,"1554/2024-2025 Khawzawl, dated 13th August, 2024: Vawiin zing dar 11:00 am khan DC Meeting Hall-ah Khawzawl Dinthar leh Chawngtlai Village Council seat ruak hnawhkhat tura by-election neih tur atana final electoral roll chu Khawzawl Deputy Commissioner, Pu K. Vanlalthiana chuan political party aiawh leh Village Level Officer hovin a tlangzarh. He hunah hian DC Pu K. Vanlalthiana chuan electoral roll tha taka an buatsaih thei hi a lawmawm a tih thu a sawi a, mipui te electoral roll a tel a vote thlak huna thlak ngei hi kan mawhphurhna a ni tih a sawi bawk. Mipuite leh sorkar hnathawkte tang ruala voter kan tam theih nana theih tawp chhuah turin a fuih bawk a, thusawi zawhah hian electoral roll chu tlangzarhin party aiawh te hnenah leh officer te hnenah copy a sem nghal a ni. Electoral roll tlangzarhah hian booth 3, Khawzawl Dinthar, Chawngtlai-I leh Chawngtlai-II an tel. Khawzawl Dinthar-ah hian voter 797 awmin 13 in an pung a, Chawngtlai-I ah hian voter 646 awmin 5 in an pung a, Chawngtlai-II ah voter 630 awmin 6 in an pung a, a vaiin voter hi 2,073 an ni. Attachment Loading attachment...",Dated: 13 th Aug 24 12:32 PM,https://dipr.mizoram.gov.in/post/khawzawl-district-ah-by-election-atana-final-electoral-roll-dc-in-a-tlangzarh |
New Serchhip North leh Chhim Veng VC by-election atan final roll tlangzarh,"1554/2024-2025 Dated Serchhip, the 13 th August, 2024 : Serchhip III (Chhim Veng) VC leh New Serchhip North VC atana by-election neih turah vawiin khan Serchhip District Election Officer Pu Paul L.Khuma, Serchhip DC chuan Final Electoral Roll a tlangzarh. Final Electoral Roll tlangzarhna hun hi DC Meeting Hall ah neih a ni a. DC Pu Paul L.Khuma chuan Electoral Roll publication leh revision pawimawhzia sawiin kan ram leh khawtlang humhalhna atana thil pawimawh a ni a, electoral roll dik leh felfai a awm theih nan kan fimkhur hle tur a ni, a ti a. Party hrang hrang hruaitute leh media mi te, electoral roll tlangzarhnaa an tel thei chu lawmawm a tih thu a sawi a ni. Vawiina tlangzarh tak Final Electoral Roll-ah hian Chhim veng ah voter mipa 432, hmeichhia 443, an vaiin 875 an awm a; draft roll nena khaikhinin 2.46% in an pung a. New Serchhip North ah hian voter mipa 771, hmeichhia 826, an vaiin 1597 an awm a; draft roll nena khaikhinin 0.99% in an tlahniam thung. Chhim Vengah hian voter 28 thun belh an ni a, hming paih 7 an awm a. New Serchhipah hian voter thun belh an awm lo a, hming paih 16 an awm thung. Tun dinhmunah Chhim Vengah in (household) 273 a awm a, New Serchhip North ah household 479 a awm a ni. Vawiin programme ah hian Election Officer Pu Gaston Vanlalhriatpuia bakah party hrang hrang aiawh te, media mi te leh VLO te an tel a ni. Attachment Loading attachment...",Dated: 13 th Aug 24 12:25 PM,https://dipr.mizoram.gov.in/post/new-serchhip-north-leh-chhim-veng-vc-by-election-atan-final-roll-tlangzarh |
Hnahthial South-II VC By-Election neih tur atana final electoral roll tlangzarh,"1553/2024-2025 Dated Hnahthial, the 13th August, 2024: Vawiin khan Hnahthial DC Meeting Hall-ah Hnahthial District Election Officer, Pi Rita Lalnunmawii Pachuau, District Bawrhsap ni bawk chuan Hnahthial South-II huam chhunga Village Council Member pakhat thlan thatna (by-election) neih tura atana Final Electoral Roll chu a tlangzarh. Bawrsap chuan electoral roll ennawnna mumal tak neih a nih hnuah final electoral roll tlangzarh theih a ni chu lawmawm a tih thu a sawi a. Inthlanna dik leh felfai a awm theih nan electoral roll mumal tak neih a pawimawh thu sawiin tun inthlan lo awm tur hi muanawm leh tha taka neih theih ngei a beisei thu a sawi bawk. Hemi zawh hian AERO, Pi Betty Lalrinfeli chuan final electoral roll chungchanga hriat ngai leh tul dang pawimawhte chu a tarlang a ni. He VC by-election neih tur atana draft electoral roll hi July ni 24,2024 khan lo tlangzarh tawh niin hetah hian vote nei mipa 420 leh hmeichhia 461,a vaiin vote nei 881 an awm a. Hemi draft roll neih hnuah belh leh paih ngaite tih fel anih hnuin final roll hi tlangzarh a ni ta a ni. Vawiina tlangzarh tak Hnahthial South-II VC By-Election final electoral roll-in a tarlan danin tun dinhmunah hian mipa vote nei 420 leh hmeichhia vote nei 455 an awm a. A vaiin vote nei hi tunah mi 875 an awm a ni. Tun Hnahthial South-II by-election hi Village Council Member pakhat ban avanga neih tura ruahman niin inthlanna neih ni tur hi tun dinhmunah hriat a la ni lo a ni. Attachment Loading attachment...",Dated: 13 th Aug 24 12:21 PM,https://dipr.mizoram.gov.in/post/hnahthial-south-ii-vc-by-election-neih-tur-atana-final-electoral-roll-tlangzarh |
Champhai Bawrhsapin Hnam Puanzar zar vek turin mipuite a ngen,"1552/2024-2025 Champhai, 12th August, 2024: India ram Independence Day, 2024 chu kan lo thleng leh dawn ta a. India ram pumah August ni 13 atanga ni 15 chhung hian Har Ghar Tiranga lawm tur a ni a. He mi hun chhung hian Champhai District chhunga chhungkaw tinte pawh mahni chenna inah Hnam Puanzar zar theuh tur leh Hnam Puanzar nena kan thlalak te www.harghartiranga.com ah upload theuh turin Champhai District mipui zawng zangte kan ngenin kan sawm tak meuh che u a ni. Ngenna.pdf",Dated: 12 th Aug 24 6:01 PM,https://dipr.mizoram.gov.in/post/champhai-bawrhsapin-hnam-puanzar-zar-vek-turin-mipuite-a-ngen |
SOCIAL WELFARE & TRIBAL AFFAIRS MINISTER PI LALRINPUII'N MUP MULTI-SERVICE CENTRE SAKNA TUR LUNGPHUM A PHUM,"1551/2024-2025 Aizawl, the 12th August, 2024: Social Welfare & Tribal Affairs, Women & Child Development Minister Pi Lalrinpuii chuan vawiin tlai dar 4:00 khan Middle School Veng, Zemabawk-ah Mizoram Upa Pawl Multi-Service Centre sakna tur lungphum a phum. Minister hi Social Welfare & Tribal Affairs Director Dr. Lalhriatzuali Ralte, IAS chuan a tawiawm a ni. Social Welfare & Tribal Affairs, Women & Child Development Minister Pi Lalrinpuii chuan MUP member-te chu Mizo mipuite timawitu leh zahawma siamtu an nih thu sawiin, aia upate zah nachang hriat thar leh a tul thu a sawi a. Sawrkar laipuiin kum upate a ngaihpawimawh thu leh hamthatna hrang hrang a siam sak thu sawiin, District tinah tar enkawlna in Old Age Home siam tum a nih thu leh Zemabawk MUP Multi-Service Centre sak mek kiangah Old Age Home din tura ruhmanna neih a nih thu a sawi a. MUP te chu mamawh leh harsatna an neihte Department hnena thlen hreh lo tura chahin, rem tak leh inhne tha taka thawhho zel a nih theih nan an tawiawmna leh thlawpna a ngen a. MUP Multi-Service Centre tha tak sak puitlin a nih theih nan duhsakna a hlan nghal bawk. Thusawitu dang Social Welfare & Tribal Affairs Director Pi Lalhriatzuali Ralte chuan MUP Gen. Hqrs. leh Zemabawk khawtlang hruaitute hmalaknaa MUP Multi-Service Centre sakna tur lungphum phum fel a ni chu a lawmpui thu a sawi a. MUP Multi-Service Centre chu Sawrkar laipui Ministry of Tribal Affairs hnuaia Article 275 kaltlanga sak tura ruahmanna siam a nih thu sawiin, hemi hnuaiah hian tribal-te hamthatna tur scheme hrang hrangte pawh thawh thin a ni, a ti a. Kalkhawmte chu project hlawhtlin nana theihtawp chhuahpuiah a sawm a ni. Hemi puala Middle School Veng Welfare House, Zemabawk West-a hun hman hi MUP Gen. Hqrs. President Pu Nghaklianmawia chuan kaihruaiin Pu Lalbiakmawia Khiangte, Vice President-in hunserh a hmang a. Er. Lalthankima, AE, Social Welfare & Tribal Affairs, Women & Child Development-in technical report a pe a. Khawtlang hruaitute hnen atangin thusawi ngaihthlak a ni a. Pu K. Thanmawia, Gen. Secretary, MUP Gen. Hqrs. in lawmthu sawiin hun hman a khar a ni. MUP Multi-Service Centre, Zemabawk hi Sawrkar laipui Ministry of Tribal Affairs hnuaia Article 275 sum cheng nuai 290 senga sak tura ruahman niin, hemi atang hian financial year 2023-2024 ah cheng nuai 100 hmuh tawh a ni. Attachment Loading attachment...",Dated: 12 th Aug 24 5:54 PM,https://dipr.mizoram.gov.in/post/social-welfare-tribal-affairs-minister-pi-lalrinpuiin-mup-multi-service-centre-sakna-tur-lungphum-a-phum |
Governor hovin Mizorama Kawlphetha intodelh tura hmalakna chungchang sawiho,"1550/2024-2025 Aizawl, the 12th August 2024: Vawiin khan Raj Bhavan Durbar Hall-ah Governor Dr Hari Babu Kambhampati hovin Mizoram chhunga Kawlphetha tam zawk siam tura hmalakna leh hmachhawp sawihona neih a ni a. He hunah hian Power Minister Pu F. Rodingliana pawh a tel a. Power & Electricity Department hotute, NEEPCO hotute leh Household Solar Electricity thlun hna thawktu private company aiawh ten Power Point Presentation an pe a. Uluk takin hmaklakna kal mek te thlirlet a ni a, chak zawka hmalak dan tur te sawiho a ni bawk. Meeting kaihruaitu, Governor Dr Hari Babu Kambhampati chuan Kawlphetha siamchhuah leh intodelh chu Mizoram tana sector tihhlawhtlin hmasak ngai a nih thu a sawi a. Mizoramin Nizung chakna leh Tuiluang chakna hmangin a siam chhuah theih zat tam tham tak ni mahse, current kan hman nat lai ber hun ( Peak power demand) 160 – 200 MW kan la siamchhuak hlei thei lo chu tan lak a ngai tih a sawi. Hydel Project tenau siamna atan sum tam tak Mizoramin a hmang thin chu tuna kan neih tawhsa atang hian a hlawk lo a, tunah phei chuan Loan liantham tak lak a Hydel Project te nau siam chu Mizoram sum dinhmun ngaihtuah in tih chiah a ngaih loh thu a sawi. Mizoram sawrkar sum sen ngai lova Company lian zawk te Hydro Project liantham siam tura kohluh kan tum a tul tih sawiin hemi atan hian kan lui luang te’n Kawlphetha an siamchhuah theih zat dik tak kan chhutchhuah a tul a. Power Plant siamna atana bungraw lian tham tak tak la lut turin Aizawl to Vairengte inkar kawngpui chu 4-lane ah a rang lama kan siam tir a ngai a ti. Governor chuan kan kawng neih te a len tawk loh avangin man to uchuak tak takin bungraw lian kan la lut lo thei loa, hei hian kawng tinrengah hmasawnna ruhrel din a ti hautak hle a ni tih a sawi. Mizoram mipuite zingah Rooftop Solar Connection neih dan te, a hlawkna te, man tlawm zawka thlunna(subsidy) neih chungchangah te inzirtirna a tam tawk lo tih sawiin Nodal Agency NEEPCO leh Private Vendor te chu Awareness Campaign nasa zawka ti turin a chah a ni. Power Minister F.Rodingliana chuan MIzoramin Kawlphetha intodelh project liantham deuh pahnih Tuirini Small Hydel Project (24 MW) leh Revised Tuivai HEP (150 MW) siam chungchanga hmalakna kalpui tawh chin te a sawi hmasa a. Tuiluang chakna hmanga Kawlpheta siamchhuah bakah Nizung chakna hmanga Kawlphetha siam tura theihtawp an chhuah thu leh Mizoram hmun kilkhawr zawkah te thlenga Solar Plant siam an tum dan te pawh a sawifiah bawk a ni. Power Minister chuan Power lei chungchang, sum hman zat te sawiin Electric Current Bill atanga sum an khawn pawh a lut tha tih a sawi a. Hetih lai hian Sawrkar Department lian deuh Power hmang na deuh te an awm a, heng atang hian a hunah electric current chhit man a lut hlei thei thin loa harsatna a siam thin tih a sawi a, thingtlang khaw thenkhatah thawktute indaihlohna avangin current chhit man bill a lut tha vak lo tih a sawi bawk. Power Minister hian Transformation loss tih tlem nan Transformer hlui leh overload te thlak hna thawh mek a ni tih a sawi a, transmission loss pawh tihziaawm nan electric hruipui thlun hna thawh mek a ni a ti. Hruipui thlun hna thawhnaah hian hmun thenkhatah Forest Clearance-ah harsatna an neih avanga hna thawh a ran theih loh thu a sawi a. Software tha leh Smart meter hmangin Bill dik tawk lo avanga sum hlauh awm thin pawh tih ziawm tum a ni tih a sawi tel bawk. P&E Engineer te report pekin a tarlan dan chuan Mizoramah Kawlphetha 3500 MW tuiluang chakna hmanga siam theih a ni a. Kum khat chhungin Mizoram ni 300 vel chu nieng, kawlphetha siamna atan hman tlak awm niin chhut a ni a. National Institute of Solar Energy(NISE) chhut dan chuan Mizoramah Nizung chakna hmangin Kawlphetha tam tham tak siam theih a ni a; hei hian 9.09 Global Warming Potential a hen angin a chhut a ni. Tunah hian P&E chuan Project lian tham deuh 12 – hruipui thlun, tower ( electric ban lian chi) leh Sub station siam hna ang te a kalpui mek a. Solar Projects bikah 10 MWo Grid Connected SPV Power Plant Thenzawl chu NABARD Loan Rs 7107 leh SMS Rs 374 Lakh hmangin thawh mek a ni a, PM-Surya Ghar : Multi Biji Yojana(Rooftop Solar Scheme kalpui mek niin rtspower.mizoram.gov.in leh pmsuryaghar.gov.in atanga dil theih a ni. Tun dinhmunah dilna 506 a awm mek. Sawkar Pisa chunga Rooftop Solar kalpui mek a ni bawk. Tunah hian Mizoramah Hydro Generating Station 15 a awm mek a, a lian ber Serlui B hi 12 MW niin a bak hi 0.1 MW leh 3 MW te an ni tlangpui a, heng stations te hian 38.55 MW an siam thei tura chhut a nih laiin luitui a tam tawk loh avangin a siam theih zat chanve a siam pha meuh lo a ni. Solar Generating Stations 5 awm mekin a lian ber Vankal Solar Plant hian 20 MW siam thei a ni a, a bak hi 0.1 leh 2 MW siam thei te an ni. Attachment Loading attachment...",Dated: 12 th Aug 24 5:13 PM,https://dipr.mizoram.gov.in/post/governor-hovin-mizorama-kawlphetha-intodelh-tura-hmalakna-chungchang-sawiho |
CS-IN MIZORAM SECRETARIAT BUILDING CHEITHAR A HAWNG,"1549/2024-2025 Aizawl 12th August, 2024 : Vawiin tlailam Dar 4 khan Mizoram Secretariat (Building No. 1) Ground Floor-ah Mizoram Secretariat cheithar lehna (Renovated Secretariat building) Inaugural Function hman a ni a. Dr. Renu Sharma, IAS, Chief Secretary, Govt. of Mizoram chuan hmanpuiin a hawng. Mizoram Chief Secretary chuan Secretariat-a thawk zawng zawngte chu nitina an hun tam zawk an hmanna hmun anih avangin hetianga Smart City hnuaia siamthat a, cheithar a ni chu lawmawm a tih thu a sawi a. Kan ram leh kan thawhsak mipuite tan theihtawpchhuah zel turin Secretariat-a a thawhpui zawng zawngte chu a sawm a. He Project a lo puitlin theihna tura tha leh zung thawhtu zawng zawng, a bik takin Mizoram PWD, Smart City Project CEO, Pu CC Lalchhuangkima, Pi Irene Zohlimpuii Chawngthu leh Pi Carol VLMS Dawngkimi te'n an ngaihtuahna hlu tak senga building mawina phochhuak tura theihtawp an chhuahna-ah lawmthu a sawi bawk a ni. Mizoram Secretariat Building cheithar lehna hna hi Architecture Wing of Mizoram PWD leh Mizoram PWD kaltlanga Aizawl Building Division te'n thawkin Work Amount hi ₹5,75,18,235.00/- a ni a. Fund hi Aizawl Smart City Limited hnuaia hmuh a ni. Mizoram Secretariat building cheithar hi heng Main Gate, Conopy, Glass Facade, Railing siam that, Wainscoting, SPC flooring, Information and security kiosk, Corridor-a display frame thuamthar, Building No.1 pawnlam rawng hnawih thar, Commode toilet tihchangtlun, Side drain u-shape a siam kual, Signboard siam thar, Biometric Attendance leh CCtv Install thar, Digital Notice Board System Install, MLCP Building 3rd floor office room sak thar, Lift/Elevator siamthat leh siam thar, Air Conditioner drain pipe chei that, VIP Room rawng hnawih thar, Chief Secretary Conference Hall, Kitchen leh PS Room cheithar bakah Corridor-a tlawhtute thutna thutthleng 35 chei thar te an ni. He hun hi Pu Lalmalsawma Pachuau, IRS, Secretary to the Govt. of Mizoram, UD&PA Department chuan kaihruaiin report a pe a. Secretariat Building-a thawktute leh sawmbikte an tel a ni.",Dated: 12 th Aug 24 5:09 PM,https://dipr.mizoram.gov.in/post/cs-in-mizoram-secretariat-building-cheithar-a-hawng |
SOCIAL WELFARE & TRIBAL AFFAIRS MINISTER PI LALRINPUII'N EMRS HNUAIA THAWKTU LAK THARTE PUAL TRAINING BUATSAIH A HAWNG,"1548/2024-2025 Aizawl, the 12th August, 2024: Mizoram EMRS Society leh Social Welfare & Tribal Affairs, Govt. of Mizoram buatsaih Eklavya Model Residential School (EMRS) hnuaia thawktu lak tharte pual Orientation Training, ni 5 (12-16 August, 2024) chhung awh tur chu vawiin chawhnu dar 2:30 khan Social Welfare & Tribal Affairs, Women & Child Development Minister Pi Lalrinpuii chuan khuallian niin SIRD Training Hall, Durtlangah a hawng. Khuallian Social Welfare & Tribal Affairs, Women & Child Development Minister Pi Lalrinpuii chuan Eklavya Model Residential School, Mizorama hna thawk tura lak thar, India ram hmun hrang hrang atanga lokalte chu Mizoram EMRS Society-ah thinlung taka a lo lawm thu sawiin, an tana orientation training buatsaih a ni chu lawmawm tiin, hei hi bultanna tha leh chhinchhiah tlak tak a ni, a ti a. Eklavya Model Residential School chuan zirna tha leh changtlung zawk bakah khawtlangah intluktlanna thlen a tum tih sawiin, kalkhawmte chu hemi tiipuitling tura mi pawimawh takte an nih avangin inpumkhatna, mitin huapzo leh hmasawnna thil thar thlen tura theihtawp chhuah turin a fuih a; kan tum ber tur chu zirna chauh nilo, khawtlang tana chhawrnahawm mi tha chherchhuah a ni, a ti. Mizorama hna an thawh chhungin chonate hmasawnna atana hmang thiam tura chahin, Mizoram chu tawng, hnam ziarang leh tih dan phung hrang hrang awmna a nih avangin hengte hi pawm thiama inzirna leh hmasawn nana hmang thiam turin a chah a, hei hian zirna hmunhma duhawm leh zahawm a siam thin a ni a, ti bawk. Mizoram EMRS Governing Body Chairman ni bawk Pi Lalrinpuii chuan EMRS thawktute chu zirna mai bakah nunkawnga midang fuih phur theitu hmanraw tangkai tak an nih theih thu sawiin, zirlaite tana entawntlak leh kaihruaitu nih tum turin a chah a. Orientation training kaltlanga an zir tur pawimawh tak takte chu zirtirna kawnga hmanraw tangkai tak tak an nih hlawm avangin ngun taka ngaithlaa a taka chhawr tangkai tum turin a chah a. Mizoram EMRS hmalaknaa tel tura lak thar zawng zawngte chu thinlung taka lawmthu hrilhin, zirna, khawtlang rawngbawlna leh tribal-te tihhmasawnna tura an inpekna chu a ngaihhlutawm mai bakah tihmakmawh tak a ni, a ti a. Eklavya Model Residential School chu zirna kawnga beiseina thar leh hmasawnna a nih ngei theih nana tanlakpuiah a sawm a, an kalzelna turah duhsakna a hlan nghal bawk. He hun hi Social Welfare & Tribal Affairs Director Dr. Lalhriatzuali Ralte, IAS, CEO, Mizoram EMRS Society chuan kaihruaiin kalkhawmte lawmna thu a sawi a, inhmelhriattirna hun hman a ni bawk. Orientation Training-ah hian Mizorama EMRS School 11; Lunglei, Serchhip, Ngopa, Chawngte, Tuipang, Lawngtlai, Tlangnuam, Tlungvel, Niawhtlang, Bilkhawthlir leh Zawlnuam hnuaia thawktu lak thar teaching & non-teaching staff, Post Graduation Teachers (PGTs), Trained Graduate Teachers (TGTs), Librarian, Account leh Junior Secretariat Assistant (JSA), an vaiin mi 42 te an tel a ni. Attachment Loading attachment...",Dated: 12 th Aug 24 4:07 PM,https://dipr.mizoram.gov.in/post/social-welfare-tribal-affairs-minister-pi-lalrinpuiin-emrs-hnuaia-thawktu-lak-tharte-pual-training-buatsaih-a-hawng |
CHIEF MINISTER-IN SYNOD SOCIAL FRONT HRUAITUTE KAWM,"1547/2024-2025 Dated Aizawl, the 12th August, 2024: Vawiin khan Chief Minister Pu Lalduhoma chuan a office-ah Synod Social Front hruaitute a kawm. Chief Minister hian eirukna tibo tur leh eiruk chingte chunga dan anga hmalak anih theih nana Lok Ayukta an thuam chak chhoh mek dan te, India dan tharin a phut ang thlapa CBI hnena general consent an pek thu te, restricted tender chu dan ang thlapa kalpui an tum thu te social front hruaitute hi a lo hrilh a. Revised estimate siam hi project date of completion pawhsei nen a kal kawp duh hle a. Kan hunah hian heng thil pahnih hi tihbo kan tum. A umzuitu tur mipui huapzo Project Monitoring Committee kan din a. Team paliah insem darhin endik hna an kalpui mek a. Anni'n engkim chipchiar leh uluk taka an endik hnua an remtihsak hnenah chauh project cost revised leh date of completion pawhsei hi kan phalsak dawn a ni. Contract hralh chhawn pawh hi tihbo kan tuma, tunah chuan han hralh sawi tur pawh a awm rih lovin kan hria. Chutihlaiin contract hi a hmu ngaiin an hmu tluk tluk thei bawk. Heng thil fel tawk lo awm thei te tibo tur hian hma pawh kan la mek, a ti. Chief Minister hian sawrkar chu kohhran te thurawn leh zilhna te ngaithla turin a inhawng em em a, rawn inthlahrung reng reng suh u, tiin Synod Social Front hruaitute hi a chah a ni. Synod Social Front hruaitute hian, kohhran chuan sawrkar hi tha taka thawhpui che u kan duh a. Mipui sawrkar tih ri ringawt pawh hi a mawi a ni. Chutihlaiin sawrkar kalphungah sawisel tur a awm chuan kan sawi hreh dawn chuang lo. Vawiinah hian Synod in Corruption do a lo rel te bawhzuiin sawrkara thlen tur chi kan neih te kan rawn thlen a. Lok Ayukta tihchak te, restricted tender chu loh theih loh chauh kalpui te, project cost ennawn (revised) tihbo te, contract hralh chhawnleh tihbo te tha an tih thu an thlen a. Heng thil te hi sawrkarin kalpui a tumsa leh a kalpui mek te an ni tih kan hria a, kan lawm hle a ni, an ti a. Eurukna do tura kohhran huang chhunga hma lak an tum dan te pawh Chief Minister hi an hrilh bawk. Attachment Loading attachment...",Dated: 12 th Aug 24 4:00 PM,https://dipr.mizoram.gov.in/post/chief-minister-in-synod-social-front-hruaitute-kawm |
Lungleiah ram puanzar nena kawng zawh 'Tiranga Yatra' buatsaih a ni,"1546/2024-2025 2024 Thlazing ni 12: India Sawrkar laipui, Ministry of Culture & Tourism-in kum 2024 Independence Day lawmna puala ram chhung in tina ram puanzar zar (Har Ghar Tiranga) beihpui thlak leh tura ruahmanna a siam bawhzui nan leh mipuiin phur taka ram puanzar an zar theih nana inzirtirna pakhat atan tukin khan District Administration huaihawtin Lungleiah 'Tiranga Yatra' buatsaih niin, Independence Day lawmnaa parade contingent turte'n India ram puanzar kengin kawng an zawh. Parade contingent-te hian Independence Day parade practice an neihna hmun aṭangin kawng hi an zawh ṭan a. Kawng zawh tawpah, ""India ram puanzar zar a, kan ram tana zalenna sualtute leh mi huaisente zah tak chungin, keimah ngei pawh India ram ṭhan nan leh hmasawnna hna thawk turin ka intiam e,"" tiin Tiranga Pledge an tiam rual nghal a ni. Kum hmasa 2022 leh 2023-ah te lo kalpui tawh angin, kumin 2024 Independence Day pual hian August 13 - 15 (Thawhlehni - Ningani) inkar chhung hian ram chhung in tina ram puanzar zar beihpui, ""Har Ghar Tiranga"" campaign chu kalpui a ni leh dawn a. Hemi chhung hian ram leh hnam tan ṭhahnem ngaihna rilru pu chunga phur taka mahni chenna inah India Ram Puanzar (National Flag) zar chhuak ṭheuh tur leh ram puanzar nena mahni thlalak (selfie) te www.harghartiranga.com -ah upload turin Lunglei District Independence Day Celebration Committee chuan District mipuite a ngen a ni. Attachment Loading attachment...",Dated: 12 th Aug 24 3:38 PM,https://dipr.mizoram.gov.in/post/lungleiah-ram-puanzar-nena-kawng-zawh-tiranga-yatra-buatsaih-a-ni |
JNV Selection/Entrance Test chungchanga Khawzawl DC thuchhuah,"1545/2024-2025 Khawzawl, dated the 12th August, 2024: Jawahar Navodaya Vidyalaya (JNV) sikul a lut duh tan Khawzawl Deputy Commissioner, Pu K. Vanlalthiana, Chairman, Vidyalaya Management Committee, JNV Khawzawl ni bawk chuan a hnuaia tarlan ang hian thuchhuah a siam. ""JNV Khawzawl chuan kum 2025-2026 Academic Session a Class VI zir tur tan Selection/Entrance Test a buatsaih leh dawn a. Khawzawl leh Champhai District chhunga sorkar recognized school-a class V zirlai tan dil theih a ni ang. JNV Khawzawla luh tum tan online registration/dilna NVS Website www.navodaya.gov.in kaltlangin September ni 16, 2024 thleng thehluh theih a ni ang. JNV Selection Test-2025 chu January ni 18, 2025 (Summer Bound tan) leh April ni 12. 2025 (Winter Bound tan)-ahte India ram pumah neih a ni ang."" JNV hi central sorkar siam schooling system a ni a, hmun harsa leh rethei a naupang lehkhathiam leh thiamna ngah, lehkha zirna sikul tha nei si lo te tana siam a ni. JNV sikulah hian inzirtirna tha leh mumal tak naupang hnenah pek a ni a, an thiamna tha thei ang bera chher chhuah hi an tum ber a ni.",Dated: 12 th Aug 24 3:27 PM,https://dipr.mizoram.gov.in/post/jnv-selectionentrance-test-chungchanga-khawzawl-dc-thuchhuah |
Har Ghar Tiranga chungchanga Khawzawl DC thuchhuah,"1544/2024-2025 August ni 13 atanga ni 15 chhunga lawm tur, Har Ghar Tiranga chungchangah Khawzawl Deputy Commissioner, Pu K. Vanlalthiana chuan hetiang hian thu a chhuah: ""India ram Independence Day, 2024 chu kan lo thleng leh dawn ta a. India ram pumah August ni 13 atanga ni 15 chhung hian Har Ghar Tiranga lawm tur a ni a. He mi hun chhung hian Khawzawl District chhunga chhungkaw tinte pawh mahni chenna inah Hnam Puanzar zar theuh turin leh Hnam Puanzar nena an thlalak te www.harghartiranga.com ah upload theuh turin Khawzawi mipui zawng zawngte ka ngenin ka sawm tak meuh che u a ni."" Attachment Loading attachment...",Dated: 12 th Aug 24 3:12 PM,https://dipr.mizoram.gov.in/post/har-ghar-tiranga-chungchanga-khawzawl-dc-thuchhuah |
Serchhipah Independence Day pualin Har Ghar Tiranga campaign nei dawn,"1543/2024-2025 Dated Serchhip, the 12th August, 2024: India ram zalenna champhaphak lawmna kal zelah August ni 13 atanga August ni 15 thleng hian Serchhipah Har Ghar Tiranga campaign neih a ni dawn a. Hemi pual hian kawng zawh ‘Tiranga Yatra’, mimal in tina flag zar ‘Har ghar tiranga’ leh office tina thutiam sawi rualna hun hman a ni ang. August ni 13 zing karah Serchhip Bazar atangin AOC kawn thleng hnam puanzar nen kawng zawhna hun, ‘Tiranga Yatra’ neih a ni dawn a. Serchhip Town area chhunga zirlai naupang zawng zawng te leh mipui a duh apiang kawng zawhnaa tel turin Serchhip DC chuan a sawm a, vawiin khan hriattirna a tichhuak a ni. Serchhip DC chuan Har Ghar Tiranga pualin August ni 13 atanga August ni 15 thlengin mahni in theuhah hnam puanzar zar turin Serchhip District mipui te a ngen a, VC te hnenah an area theuha sem chhuah turin India flag pek an ni bawk. Heng an flag zar te hi thla lakpui a, www.harghartiranga.com ah upload turin mipuite ngen an ni a. Heng an thlalakte hi social media ah a tam thei ang ber thehdarh turin DC chuan mipuite a ngen bawk a ni. India Independence Day pual vek hian Serchhip District chhunga office zawng zawng te chu August ni 13 atanga August 15 inkar chhungin an remchan ni-ah Independence Day puala thutiam (pledge) sawi rual turin DC chuan hriattir bawk a ni.",Dated: 12 th Aug 24 3:07 PM,https://dipr.mizoram.gov.in/post/serchhipah-independence-day-pualin-har-ghar-tiranga-campaign-nei-dawn |
Khawzawl district-ah KVK office in Aiduzawla sawhthing chingtute training a pe,"1542/2024-2025 Khawzawl, dated the 12th August, 2024: Vawiin khan Krishi Vigyan Kendra, Khawzawla thawktute chuan Aiduzawla sawhthing chingtute chu Sawhthing chin, enkawl leh precessing chungchangah training an pe. He hunah hian Dr. Malsawmkimi, Senior Scientist & Head leh Pu Rambuatsaiha, SMS (Agronomy), KVK Khawzawl ten zirtirna an pe a. Chawhma lamah kuthnathawktute hnenah training pe in, chawhnu lamah Farmers Scientists Interaction hun hlawk thlak tak an hmangho bawk. He hunah hian kuthnathawktute chuan an sawhthing chinna kawnga an harsatna an sawi a, sample an lo ken atangin Bacterial wilt, Shoot borer leh Rhizome rot te hmuh ani a, heng sawhthing natna hrang hrang enkawl dan tur leh ven dan tur te hi hrilh hriat an ni. Aiduzawl khuaah hian sawhthing chingtu chhungkua 54 awmin heng chhungkua zawng zawngte hian he training leh inkawmhona hi an chhim kim thei vek ani. Attachment Loading attachment...",Dated: 12 th Aug 24 3:05 PM,https://dipr.mizoram.gov.in/post/khawzawl-district-ah-kvk-office-in-aiduzawla-sawhthing-chingtute-training-a-pe |
NMBA hnuaiah ruihhlo tilo tura intiamkamna Siaha-ah neih a ni,"1541/2024-2025 Siaha the 12th August 2024: Tukin zing dar 9 khan Deputy Commissioner’s Office, Siaha kaihhruainain Nasha Mukh Bharat Abhiyan (Drug Free India Campaign) hnuaiah ruihhlo laka fihlim tura intiamkamna, ‘Mass Pledge against Drug Abuse’ neih a ni. Ruihhlo tilo tura intiamkamna hi hmun hniha neih a ni a, DC Office tual zawlah SDO (S) Pu Vanlalchhuanliana kaihhruianain zirlai naupangte leh mipui thahnem tak ten ruihhlo laka fihlim turin thutiam chham rualna an nei a, hei bakah hian DC Conference Hall-ah Siaha khaw chhunga Head of office-te chuan hemi puala sawrkar laipui in a buatsaih, Union Minster of Social Justice & Empowerment Dr Virendra Kumar khuallianna hnuaia programme an hman chu video conference hmanga chhimin pledge chham rualna an nei bawk. Nasha Mukh Bharat Abhiyan (NMBA) chu Ministry of Social Justice & Empowerment hnuaiah ruihhlo laka fihlim tura mipuite hrilhhriatna beihpui thlakna a ni a, Kum 2020 atang khan he campaign hi tan niin kumin NMBA theme chu ‘Viksit Bharat Ka Mantra, Bharat Ho Nashe se Swatantra’ tih a ni. Attachment Loading attachment...",Dated: 12 th Aug 24 3:01 PM,https://dipr.mizoram.gov.in/post/nmba-hnuaiah-ruihhlo-tilo-tura-intiamkamna-siaha-ah-neih-a-ni |
Hnahthial District-ah 'Har Ghar Tiranga' puala hun hman a ni,"1540/2024-2025 Dated Hnahthial, the 12th August, 2024: Vawiin khan Hnahthial Bawrhsap, Pi Rita Lalnunmawii Pachuau kaihhruaiin, Govt. Hnahthial High School leh Higher Secondary School zirlaite nen Hnahthial District Volleyball Court-ah 'Har Ghar Tiranga' puala hun hman niin 'Nasha Mukt Bharat Abhiyaan' puala thutiam chhamna neih nghal a ni. He hunah hian Bawrhsap chuan thu sawiin he hun, kan ram zalenna champha puala 'Har Ghar Tiranga' neih theih a ni chu a lawmawm in a hlut thu a sawi a. Zirlai naupang kal khawmte hnenah chuan mi ram awpbehna, midang thuhnuaia kan awm lo chu kan vanneihzia hre thar leh tur a a duh thu sawiin, hei vang tak hian kan zalenna ni puala kan hun hman chu a pawimawhna hriat thar lehzual a tul thu a sawi a. Hetih rual hian zalenna sualtu, kan ram tana pasaltha huaisente chu hre reng chungin anni zirlai naupang ho pawn an hnung zuia ram hmangaihna tak tak thinlung nei turin a duh thu a sawi a. Zirlaite hnenah chuan kan mi huaisen kal taten ram zalen min hnutchhiah hi a hlutna hre thar leh theuh chungin he zalenna hi a lothlawn leh tha lo zawnga hmang lo tura chahin, an mahni hma zawn theuh, a bik takin zirlai kawngah theih tawp chhuah theuh turin a fuih nghal bawk a ni. Thu a sawi zawh hian 'Har Ghar Tiranga' puala thuchhamna chu neiin hemi rual hian ' Nasha Mukt Bharat Abhiyaan' puala ruihhlo ti lo tura intiamna thuchham chu neih nghal a ni a. Bawrhsap chuan hemi denchhen hian zirlaite hnenah kan ram drugs in a tihbuai nasat tawh thu sawiin zirlai naupang ho chu ruihtheih thil laka fihlim turin a chah nghal a. Drugs kan tih hian zuk leh huam tha lo chi tinreng a huam thu sawiin zirlai ho chu tun atangin hetiang lam reng rengah inhnamhnawih lo tura a duh thu a sawi a. Zirlaite chu taksa leh rilru hrisel leh thianghlim tak nena an than len theih nan he ni a thutiam chu tiam satliah lova mahni thinlung theuhva vawng tlat tura a duh thu a sawi bawk a ni. He hunah hian Sub-Deputy Commissioner, Pu R. Vanlalruata, Govt. Hnahthial High School Headmaster leh Govt. Hnahthial Higher Secondary School Principal ten an tawiawm a ni. Attachment Loading attachment...",Dated: 12 th Aug 24 2:54 PM,https://dipr.mizoram.gov.in/post/hnahthial-district-ah-har-ghar-tiranga-puala-hun-hman-a-ni |
Siaha-ah Har Ghar Tiranga Campaign pualin Tiranga Yatra (flag procession) neih a ni,"1539/2024-2025 Siaha the 12th August 2024: Tukin zing dar 8 khan Har Ghar Tiranga Campaign hnuaiah Tiranga Yatra (Flag procession) chu District Bawrhsap Pu VL Hruaizela Khiangte kaihhruaiin Siaha-ah neih a ni. Tiranga Yatra (Zalenna kawng zawh) hi DC Office tual zawl atanga tan niin Traffic Point, Siaha Bazar thleng neih a ni a, zirlai naupangte leh mipui thahnem tak ten zalenna sual chhuah nana nunna chan ta te hriat reng nan Hnam puanzar (National Flag) nen kawng hi an zawh a ni. Traffic point-a Pledge taking (intiamkamna) neihah hian Pu VL Hruiazela Khiangte chuan India in zalenna a hmuh theih nana nunna chan ta te vang chauha zalenna nei kan ni tiin an inpekna ropui tak te, an mahni hriat reng nan leh zahna lantir nan he yatra (Kawng zawh) hi buatsaih a nih thu a sawi a, mipuite chu an flag ken theuh zah taka enkawl turin leh mahni inah a langsar lai bera tar theuh turin a chah. India ramin hma a sawn zel theih nan a bikin thalaite chu pen chhuak zel turin leh hnam hmangaihna (patriotism) rilru thar pu a, ram leh hnam tan rinawmna, chhelna nena ding tlat turin a chah. Har Ghar Tiranga Campaign pual hian DC Office tual zawlah signature campaign neih nghal a ni a, kalkhawmten ‘Ram leh Hnam hmasawn nan nunna chan tawh te kan ngaisangin, kan ngaihlu che u a, kan Hero in ni’ tih inziak signature board ah ram tana nunna chante zahna entirnan hming an ziak bawk. Tiranga Yatra hi Har Ghar Tiranga puala buatsaih niin India ram pumah August ni 11 atanga ni 13 inkarah ram mipuite inpumkhatna leh Hnam puanzar zahna lantir nan buatsaih a ni a, mipui thinlungah ram leh hnam hmangaihna tuh thar leha a awm theih nan leh zalenna sual chhuaktute hriat reng nana buatsaih a ni. Har Ghar Tiranga Campaign chu Azadi Ka Amrit Mahotsav hnuaiah mahni in theuhah Hnam puanzar zar a, mipui rilru-ah Hnam puanzar ngaihhlutna a awm leh theih nana beihpui thlakna a ni a, mipuiten hnam rilru kan put a, ram leh hnam tan phur taka thahnemngaihna chawisan zel a nih theih nan August ni 13 atang ni 15 thleng mahni in theuhah Hnam puanzar zar theuh tura infuihna a ni. Mipuite chu #HarGharTiranga tiin thlalak leh selfie te social media platform hrang hrangah upload theuh tura sawm kan ni. Har Ghar Tiranga Pledge-2024 (Mizo) ‘India Ram puanzar zar a, kan ram tana zalenna sualtute leh mi huaisente zah tak chungin, keimah ngei pawh hian India ram than nan leh hmasawnna hna thawk turin ka intiam e’ Attachment Loading attachment...",Dated: 12 th Aug 24 2:50 PM,https://dipr.mizoram.gov.in/post/siaha-ah-har-ghar-tiranga-campaign-pualin-tiranga-yatra-flag-procession-neih-a-ni |
Lunglei HPC Vice Chairman & Lunglei North Bialtu MLA Pu V. Malsawmtluanga'n a bial chhunga khaw pathum VC-te hnenah computer set a hlan,"1538/2024-2025 2024 Thlazing ni 12: Lunglei High Powered Committee (HPC) Vice Chairman, Lunglei North Bialtu MLA Pu V. Malsawmtluanga chuan vawiin khan Rashtriya Gram Swaraj Abhiyan (RGSA) Scheme kal tlangin a bial chhunga khaw pathum - Mausen, Zotuitlang leh Kanghmun South Village Council (VC)-te hnenah computer set a hlan. Bialtu MLA Pu V. Malsawmtluanga chuan VC-te'n hmanraw ?angkai tak mai an dawng thei chu a lawmpui thu sawiin, Local Administration Department (LAD) kal tlanga dawng an nih thu a sawi a. Khawtlang tana ?angkai taka hmang tur leh dimdawi taka enkawl turin a chah a ni. Pu V. Malsawmtluanga hian vawiin vek khan Ramlaituia SASCI sum hmanga kawng laih mek chu a hmunah a enfiah nghal bawk a ni. Attachment Loading attachment...",Dated: 12 th Aug 24 2:41 PM,https://dipr.mizoram.gov.in/post/lunglei-hpc-vice-chairman-lunglei-north-bialtu-mla-pu-v-malsawmtluangan-a-bial-chhunga-khaw-pathum-vc-te-hnenah-computer-set-a-hlan |
"Kolasib Office leh zirna in hrang hrangah ''Nasha Mukt Bharat Abhiyaan"" campaign hnuaiah ruihhlo laka fihlim tura intiamna neih a ni","1537/2024-2025 Dated Kolasib, the 12th August, 2024: Tukin zing khan Kolasib a Office hrang hrang, DC office, SP Office, DEO ,SDEO leh zirna in hrang hrangah Nasha Mukt Bharat Abhiyaan"" campaign hnuaia ruihhlo laka fihlim tura intiamna neih a ni. He hun hi Kolasib DC Conference Hall ah pawh Pu Lalmuan Puia ,Addl DC, Kolasib hovin DC office staff ten an hmang a. Hemi rual hian central a he hun puala Video conference neih chu an chhim ve nghal bawk a ni. Thusawi te ngaihthlak a nih zawh in thawktute hian ruihhlo laka fihlim tura intiamna( Pledge) an nei nghal bawk. DC Office bakah hian SP office, zirna in hrang hrang ah te leh VC ah te hman a ni bawk. Nasha Mukt Bharat Abhiyaan (NMBA) hi Ministry of Social Justice and Empowerment hnuaia awm niin, mi tam zawkte ruihhlo laka an fihlim theih nana inhrilhriatna (mass awareness campaign) a ni a. Kumin Independence day vawi 78-na hi an launch atanga kum 5-na niin, kumin thupui atan ""Viksit Bahrat ka Mantra, Bharat ho Nashe se Swatantra"" thlan a ni. Hemi hnuaiah hian India rama school, university leh college hrang hrangah te ruihhlo ti lo tura intiamna neih thin a ni. Attachment Loading attachment...",Dated: 12 th Aug 24 2:37 PM,https://dipr.mizoram.gov.in/post/kolasib-office-leh-zirna-in-hrang-hrangah-nasha-mukt-bharat-abhiyaan-campaign-hnuaiah-ruihhlo-laka-fihlim-tura-intiamna-neih-a-ni |
"Saitual zirlaite ''Nasha Mukt Bharat Abhiyaan"" campaign hnuaiah ruihhlo laka fihlim turin an intiam","1536/2024-2025 Saitual the 12th August, 2024: Vawiin chawhma dar 10:20 am khan GSC Auditorium, Govt. Saitual College, Saitual-ah ""Nasha Mukt Bharat Abhiyaan"" campaign hnuaia ruihhlo laka fihlim tura intiamna chu Saituala Govt. High School, Govt. Higher Secondary School leh Govt. Saitual College zirlaiten an nei. He hunah hian Saitual Bawrhsap Dr. Lalngura Tlau chuan thu a sawi a, kan rama damdawiin chhungkua a tihbuai nasatzia te tarlangin, chhungkuaa fihlim vek an nih pawhin ruihhlo ti mite avangin khawtlangah an him chuang lo tih a sawi. Ruihhlo hian chhungkua leh khawtlang a nghawng nasat em avangin kum 10 tlin atangin ruihhlo laka fihlim tura kan intiam a pawimawh tih a sawi a, kan intiamnate kan tihpuitlin theih chuan a hlawkna teltu tur chu keimahni tho kan ni tih a sawi bawk. Bawrsap chuan drugs chu a hman dan tur dik taka hman a nih chuan nunna chhanhimtu a ni thei a, hman sual erawh chuan nun tichhetu a ni thei tih sawiin, chuvang chuan a la ti ngai lo te'n ti lo tura intiam a, a ti mekte pawhin sim tura hma lak a ngai tih a sawi. Tunlai khawvelah lehkhathiamte, infiammite leh zaithiamte tan ruihtheihthil tih hi a changkang tawh lo a, ruihhlo hi a ngawl vei tawh chuan bansan a harsa hle a, chuvang chuan Bawrhsap chuan zirlai naupangte chu an thutiamtea ding nghet tlat turin a chah a ni. Nasha Mukt Bharat Abhiyaan campaign pual hian ruihhlo that lohzia pho chhuak thei lemziak intihsiakna buatsaih a ni a, zirlai naupang lemziak thehlut zingah Abel Thangbiakvel chu pa khatna niin, Lalrinpuii chu pa hnihna a ni a, Ruthi Vansangpuii chu pa thumna niin, midang zawngin consolation prize an dawng a ni. He intiamna hun hi Pu Lalthakima Chhangte, Sub-Divisional Officer (S) in a kaihruai a, Saitual Bawrsap Dr. Lalngura Tlau bakah hian Resource Person Pu R. Lalruatkima President, Sub-Hqrs, YMA Saitualin thu a sawi bawk a ni. Pi Christina Lalnunfeli, Sub-Deputy Commissioner-in lawmthu sawinain he hun hi a khar a ni. Nasha Mukt Bharat Abhiyaan (NMBA) hi Ministry of Social Justice and Empowerment hnuaia awm niin, mi tam zawkte ruihhlo laka an fihlim theih nana inhrilhriatna (mass awareness campaign) a ni a. Kumin Independence day vawi 78-na hi an launch atanga kum 5-na niin, kumin thupui atan ""Viksit Bahrat ka Mantra, Bharat ho Nashe se Swatantra"" thlan a ni. Hemi hnuaiah hian India rama school, university leh college hrang hrangah te ruihhlo ti lo tura intiamna neih thin niin Saitualah pawh Deputy Commissoner office-in he hun hi a huaihawt a ni. Attachment Loading attachment...",Dated: 12 th Aug 24 2:23 PM,https://dipr.mizoram.gov.in/post/saitual-zirlaite-nasha-mukt-bharat-abhiyaan-campaign-hnuaiah-ruihhlo-laka-fihlim-turin-an-intiam |
CHIEF MINISTER HOVIN HAND HOLDING POLICY KALPUI DAN TUR (GUIDELINES) THLIR,"1535/2024-2025 Dated Aizawl, the 12th August, 2024: Vawiin khan CM Conference Hall ah Chief Minister Pu Lalduhoma hovin Mizoram State Policy Coordination Committee leh Implementing Department hotuten Hand Holding Policy kalpui dan tur (guidelines) an thlir ho. He hunah hian Chief Minister chuan, Hand Holding Scheme hi tlangzarh kan chak tawh a, tihtur tul la awm apiang te chin fel vat vat kan duh tawh hle. Kan sawi fo tawh thin angin he scheme hi bank te nena tangkawpa kalpui tur, central scheme awmsa thenkhatte nena convergence a kalpui tur a ni a. Progress Partner te tana rulh leh ngai hmalakna deuh zel a ni. Amaherawh chu dahkham ngai lo, a tithate tana interest awm lo a ni thung. Tunhma chuan PMEGP te hi margin money duh vang maiin miten an dil thin a, hmalak tumna tak tak a awm thin lo. Hand Holding Scheme hnuaiah hi chuan khatiang chi kha a awm kan remti tawh lova, a thlawna sem kan tum lova, a dawngtu tur (progress partner) te hi duhsak bik nei lovin a hlawhtling ngei tur te chauh thlan tur a ni. Partner thlan leh enkawl zui hi Implementing department te mawhphurhna pawimawh a ni. Loan deuh veka kalpui tur a ni chungin eizawnna tha taka lo kalpui mek tawh sa, tlemazawnga han puiha hmasawn dawrh thei te puihna tur bik CM Special Package siam a ni dawn a, tanpuina sum erawh a tam thei lovang. He Special Package dawngtu tur hi Implementing Department te bawkin an thlang ang a, an vil zui bawk ang, a ti a. Kumin bik hi pilot project angin kan kal phawt ang a, a tul ang zelin kan tilian chho dawn a ni, tiin Hand Holding Policy bultan dan tur pawh a tarlang bawk. Pu Lalmalsawma Pachuau, Member Secretary, MSPCC leh Planning Secretary ni bawk chuan Hand Holding kalpui dan tur (guidelines) duan tawh te sawifiahna a nei a. Pu LP Lalchangkima, MD, ZIDCO chuan Interest Free Loan kalpui dan tur leh guarantor-a sawrkar a tan dan tur ruahmanna te a sawifiah ve bawk. Hemi hnu hian kalkhawmten hriatchian duh an neih ang ang te zawhfiahna hun an nei leh a ni. Meeting ah hian Pu Lalthansanga, Land Resources, Soil & Water Conservation Minister, Pu PC Vanlalruata, Agriculture Minister, Pi Lalrinpuii, Tourism Minister, Prof. Lalnilawma, Horticulture Minister, Pu Lalnghinglova Hmar, Sports Minister, Dr. KC Malsawmzauva, Adviser to CM bakah Coordination Committee member te leh line department official pawimawh te an tel a ni. Attachment Loading attachment...",Dated: 12 th Aug 24 1:42 PM,https://dipr.mizoram.gov.in/post/chief-minister-hovin-hand-holding-policy-kalpui-dan-tur-guidelines-thlir |
ART & CULTURE DEPARTMENT BUATSAIHIN AIZAWLAH ‘TIRANGA YATRA’ NEIH A NI,"1534/2024-2025 Aizawl dated 12th August 2024: India ram zalenna champha lawmna pual a ‘Har Ghar Tiranga’ hnuai ah hnam puanzar nen a kawng zawhna hun, ‘Tiranga Yatra’ chu vawiin khan Art & Culture Department bultumin Chanmari leh Sikulpuikawn inkarah neih a ni a. He hun ah hian zirlai naupang 800 chuangin India flag keng chungin kawng an zawh a, Vanapa Hall kawt ah intawkkhawmin Er. Lalhriatpuia, Deputy Commissioner hovin ‘Har Ghar Tiranga Pledge’ chham rualna hun an nei a ni. Er. Lalhriatpuia, Deputy Commissioner chuan ‘Tiranga Yatra’, hnam puanzar nen a kawngzawhna chu India ram a chengte inlungrualna leh inpumkhatna tinghet zual tur a buatsaih a nih thu leh mi tinin zalenna hlutzia an hriat thar nan leh chu zalenna humhim tur a ram leh hnam hmangaihna thinlung put a pawimawh thu a sawi. Aizawl a Tiranga Yatra buatsaih ah hian Govt. Mamawii Higher Secondary School zirlai, Govt. JL Higher Secondary School zirlai leh Govt. Central Higher Secondary School zirlaite chu Sikulpuikawn atangin Pi Zonunthari, Joint Secretary, Art & Culture Dept. in a vai liam a. Govt. Chaltlang Higher Secondary School zirlai leh Govt. Mizo Higher Secondary School zirlaite chu Chanmari kawn atangin Pi Carol VLMS Dawngkimi, Director, Art & Culture in a vai liam thung a ni. ‘Har Ghar Tiranga’ pual a program hi August ni 15 thleng kalpui tur a ni a, naktuk hian Vanapa Hall-ah ‘Tiranga Concert’ neih chhunzawm tur a ni. Attachment Loading attachment...",Dated: 12 th Aug 24 1:34 PM,https://dipr.mizoram.gov.in/post/art-culture-department-buatsaihin-aizawlah-tiranga-yatra-neih-a-ni |
"Govt. Hnahthial College zirlaiten ''Nasha Mukt Bharat Abhiyaan"" campaign hnuaiah ruihhlo laka fihlim tura intiamna nei","1533/2024-2025 Dated Hnahthial, the 12th August, 2024: Vawiin khan Govt. Hnahthial College-ah Sub- Deputy Commissioner, Pu R.Vanlalruata kaihhruaiin, ''Nasha Mukt Bharat Abhiyaan"" campaign hnuaia ruihhlo laka fihlim tura intiamna chu college zirlaiten an nei ni. Nasha Mukt Bharat Abhiyaan (NMBA) hi Department of Social Justice and Empowerment hnuaia awm niin mi tam zawk te ruihhlo laka an fihlim theih nan a mass awareness campaign a ni a. Tun Independence day vawi 78-na hi an launch atanga kum 5 na a ni. Hemi hnuaiah hian India rama school, university leh college hrang hrangah te ruihhlo tilo tura intiamna neih thin a ni a. Hnahthialah pawh DC office organised-na hnuaiah huaihawt a ni. Tun kum NMBA theme chu "" Viksit Bahrat ka Mantra, Bharat ho Nashe se Swatantra"" a ni. Attachment Loading attachment...",Dated: 12 th Aug 24 12:06 PM,https://dipr.mizoram.gov.in/post/govt-hnahthial-college-zirlaiten-nasha-mukt-bharat-abhiyaan-campaign-hnuaiah-ruihhlo-laka-fihlim-tura-intiamna-nei |
LAWNGTLAIAH NASHA MUKT BHARAT ABHIYAAN HMANG,"1532/2024-2025 Dated Lawngtlai, 12th August 2024: Sawrkarlaipui a Ministry of Social Justice and Empowerment atanga ruahmanna lokal angin tukin zing khan District Administration, Lawngtlai bultumin Lawngtlai khawpui chhunga zirna In hrang hrangah “Nasha Mukt Bharat Abhiyaan (Drug Free India Campaign)” neih a ni. Nasha Mukt Bharat Abhiyaan (Drug free India campaign) hi August ni 15, 2020 khan tan a ni a. Hei hian a tum ber chu Thalai-te Ruihhlo tilo tura zirtir (Early Prevention) leh tanpui ngai an nih chuan tanpuina hmun hrilhhriat a hruai thlen hi a ni. Tun dinhmunah Nasha Mukt Bharat Abhiyaan (NMBA) hian thalai vaibelchhia 11.2 thleng phak tawhin, thalaite ruihhlo ti lo tura inzirtir piah lamah thalai te chu nakin lawka ram hruaitu tur an nihna hre reng tur leh an fin leh thiamnate ram leh hnam tana hmang a; India ram 'Viksit Bharat- Developed India' tura theitawp chhuah tura inzirtirna a keng tel bawk a ni. Lawngtlai District- ah chuan 'Nasha Mukt Bharat Abhiyaan (Drug free India Campaign)' atan hian District Bawrhsap ruahmanna siam angin, Lawngtlaia Officer ten Khuallian niin zirna In hrang hrangah thu sawina an nei a. He hunah hian 'Nasha Mukt Bharat Abhiyaan (Drug free India Campaign)' puala ruihhlo ti lo tura intiamkamna (pledge) sawihona hun neih a ni bawk. Attachment Loading attachment...",Dated: 12 th Aug 24 12:04 PM,https://dipr.mizoram.gov.in/post/lawngtlaiah-nasha-mukt-bharat-abhiyaan-hmang |
Khawzawl district-ah Har Ghar Tiranga Campaign pualin sikul naupangin kawng zawh,"1531/2024-2025 Khawzawl, dated the 12th August, 2024: Tukin dar 7:00 am khan Mualvawm Field-ah India ramin zalenna a hmuh champha phak vawi 77-na puala hnam puan zar beihpui ""Har Ghar Tiranga"" hmang tanin sikul naupang ten Independence Day parade zir pahin kawng an zawh a, hnam puan zar lek chungin Taidawnkawn thleng an kal. He hun hi Pu Vabeimozachhi Chozah, SDO (Sadar), Khawzawl in a kaihruai a, sikul naupang parade zir enpuiin kawng a zawh pui bawk. Har Ghar Tiranga Campaign hi India hnam puan zar (national flag) in tina zar tura infuihna beihpui a ni a, Azadi ka Amrit Mahotsav hnuaia tan a ni. Hnam puan zar hi hnam inpumkhatna tilangtu pawimawh tak a nih avang leh mipuiin hnam puan zar kan ngaihhlut zawk theih nan he beihpui hi kum 2022 khan India sawrkar in kum tina hman atan a tan a ni. Attachment Loading attachment...",Dated: 12 th Aug 24 11:37 AM,https://dipr.mizoram.gov.in/post/khawzawl-district-ah-har-ghar-tiranga-campaign-pualin-sikul-naupangin-kawng-zawh |
AIZAWL Sr. SP TRAFFIC THUCHHUAH,"1530/2024-2025 Aizawl the 12th August, 2024 : Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988 in thuneihna a pek angin, Pu Stephen Lalrinawma, MPS, Sr. Superintendent of Police Traffic, Aizawl, chuan Saron Veng/Armed Veng atanga Bazar Bungkawn dinglama kual (right turn) phalloh hun a hnuaia mi ang hian siam danglam a nih thu a chhuah. 1. Saron Veng/Armed Veng atanga Bazar Bungkawn ah Zing 07:00 atanga Zan Dar 08:00 in kar ah eng lirthei mah dinglama kual (right turn) phal ani lo. 2. Saron Veng lam atanga lirthei rawn chho te hi engtik lai mahin Dawrpui West lamah kualthlak phal a ni lo. Tin, Dawrpui West lam atanga lirthei rawn chho pawh Saron Veng lamah kal tlang phal a ni lo. He thupek hian chhiatrupna thil, kangmei leh emergency kaihhnawiha duty te, dan leh thupek pawimawh bika Police leh Magistrate duty te chetvelna a huam lo ang. A hmuna Traffic Police duty ten a tul dan zirin ruahmanna an siam thei ang. He order hian hemi chungchanga order lo chhuah tawh chu a luahlan ang.",Dated: 12 th Aug 24 11:34 AM,https://dipr.mizoram.gov.in/post/aizawl-sr-sp-traffic-thuchhuah1723442656 |
MPSC HRIATTIRNA,"1529/2024-2025 12th August, 2024 : Mizoram Public Service Commission hnuaia hna diltu ten MPSC Online Portal Atanga Application an fill up kaihnawiha an hriattur leh zawmtur pawimawh chu a hnuaiah hian tarlan a ni:- 1. Draft – Draft stage-ah hian Application la fel lo emaw payment la tih loh avangin a tang thin a ni. He stage-ah hian Technical Issue avang pawhin Application hi a tang thei a. Payment tih fel tawh si, he stage-a tang a awm a nih chuan Applicant-ten Draft-a awm an Application chu delete loh tur a ni a, thawktuten Last Date of Application zawhah an siamtha thin a ni. Amaherawhchu, transaction bounce emaw payment fail a awm theih avangin Applicant-ten Payment-an ti ngei tih an chian tur a ni - email/sms-in transaction ID an dawng ngei tur a ni. Draft-ah awm mahse Payment ti fel lote chu an application dawnsak/siamthat sak theih an ni lo. 2. Submitted – Submitted stage-a a awm tawh chuan Application chu a fel fai tawh tihna a ni a. Accepted/Rejected stage-a a awm hun nghah tawh mai tur a ni. 3. Accepted/Rejected - Application chu ‘Submitted’ stage-a a awm hnuah, Valid/Reject list chu MPSC Official Website mpsc.mizoram.gov.in ah tarchhuah a ni ang a, chumi hnuah Online Portal-a Accepted/Rejected stage-ah hian Application chu a awm chauh dawn a ni.",Dated: 12 th Aug 24 9:55 AM,https://dipr.mizoram.gov.in/post/mpsc-hriattirna1723436727 |
Union MoS RD Pu Kamlesh Paswan in Governor Dr Hari Babu Kambhampati a kawm,"1528/2024-2025 Aizawl, the 10th August, 2024: Zanin thimhlim khan Raj Bhavan-ah Union MoS for RD Pu Kamlesh Paswan chuan Governor Dr Hari Babu Kambhampati a kawm. Governor hnenah hian Mizoram rawn tlawhtu Union Minister of State for Rural Development chuan a rawn kal chhan te, Mizoramah a cham chhunga a hun hman dan tur te hrilh a. Governor leh Union RD MoS te hian Thingtlangmi ten Rural Development Department hnuaia program hrang hrang leh hmalakna an tangkaipui thu te sawiin an ngaihpawimawh thil dang pawh an sawi dun a ni. Attachment Loading attachment...",Dated: 10 th Aug 24 9:40 PM,https://dipr.mizoram.gov.in/post/union-mos-rd-pu-kamlesh-paswan-in-governor-dr-hari-babu-kambhampati-a-kawm |
"HON'BLE MINISTER OF STATE Pu KAMLESH PASWAN IN BDO OFFICE, AIBAWK RD BLOCK A TLAWH","1527/2024-2025 AIZAWL,the 10th August, 2024: Vawiin chawhnu dar 4:45 khan Hon'ble Minister of State for Rural Development, Gov't of India chuan BDO Office, Aibawk RD Block a tlawh a. Pu Kamlesh Paswan hi Pu KM Singh,Director PMGSY leh Pu K.Hrahmo MLA ten an tawiawm a ni. Hon'ble Minister of State Pu Kamlesh hi BDO Conference Hall, Aibawkah RD official te, Khawtlang Hruaitute, RD Dept.hnuaia Scheme hrang hranga Beneficiaries ten lo hmuakin, inkawmhona hun hlimawm tak an hmang. H e inkawmhona hun hi Pu Zarzosanga, Commissioner &Secretary, RD Dept chuan kaihruaiin, Pi Esther Leihang, BDO, Aibawk R.D Block chuan PowerPoint presentation hmangin BDO Office, Aibawk RD block hmalakna hrang hrang leh hmachhawp mek te entirin; report a pe a. Inkawmhonaah hian thu sawiin Minister Pu Kamlesh chuan Prime Minister Narendra Modi hian India Hmarchhak state te kawng hrang hranga tih hmasawn hi a tum hle a, kawng hrang hrangin hmasawnna rahbi pawh tuk mek a ni. Chuvangin kei pawhin ka Ministry chan hnuaia hmasawnna hnathawh mek te dinhmun leh eng harsatna nge an tawh ti te hre turin ka lo tlawh che u a ni, a ti. Minister chuan Aibawk RD Block hnuaia heng Scheme hrang hrang :Pradhan Mantri Awaas Yojana-Gramin (PMAY-G) Pradhan Mantri Gram Sadak Yojana (PMGSY), MGNREGA, Deen Dhayal Upadhaya Grameen Kaushalaya Yojana(DDU-GKY), MzSRLM etc. viltu leh buaipuitu official te chu chipchiar takin an hmalakna te zawtin, beneficiary te hnenah pawh harsatna an neih te zawtin, inkawmhona hun an hmang a ni. Pu Kamlesh Paswan hian BDO office,Aibawk RD Block a tlawh hma hian Muallungthu khuaa PMAY-G (Housing for All) hnuaia sak Pu MS. Dawngliana In chu a tlawh hmasa. Attachment Loading attachment...",Dated: 10 th Aug 24 8:59 PM,https://dipr.mizoram.gov.in/post/honble-minister-of-state-pu-kamlesh-paswan-in-bdo-office-aibawk-rd-block-a-tlawh |
AIZAWL Sr. SP TRAFFIC THUCHHUAH,"1526/2024-2025 AIzawl the 10th August, 2024 : Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988 in thuneihna a pek ang leh Solid Waste & Traffic Management Committee, Zotlang, Aizawl te ngenna angin, Pu Stephen Lalrinawma, MPS, Sr. Superintendent of Police Traffic, Aizawl chuan mipui kea kalte him zawkna’n Chhangurkawn atanga Zotlang Presbyterian Biak In via Mandir kawnga lirthei tlan dan tur a hnuaia mi ang hian thupek a chhuah. He thupek hi ni 10.8.2024 (Inrinni) atanga thu leh awm hma chu hman tur a ni ang. 1. Chhangurkawn atanga Zotlang Presbyterian Biak In panna via Mandir hi Zing dar 08:00 - dar 10:30 leh Tlai dar 04:00 - dar 06:00 chhung one way tur a ni. 2. One Way anih chhungin helai kawngah hian Chhangurkawn atangin LMV leh a chunglam te chho zawnga tlan phal a ni lo. 3. He thupek hian Two Wheeler te a huam tel lovang. Hei hian public Notice No. RO/TRF/SP-Noti-7/08/524 dt. 09.08.2024 a lo chhuah tawh chu a luahlan ang. He thupek hian chhiatrupna thil, kangmei leh emergency kaihhnawiha duty te, dan leh thupek pawimawh bika Police leh Magistrate duty te chetvelna a huam lo ang.",Dated: 10 th Aug 24 6:27 PM,https://dipr.mizoram.gov.in/post/aizawl-sr-sp-traffic-thuchhuah |
UNION MINISTER OF WOMEN AND CHILD DEVELOPMENT HOVIN STATE TIN A WCD MINISTER TEN MEETING AN NEI.,"1525/2024-2025 Dated Aizawl: the 10th of August 2024 : Vawin khan Union Minister of Women and Child Development Pi Mt Annpoorna Devi hovin State tina WCD Minister te chuan meeting an nei a. Meeting hi Secretary, Anil Malik(IAS) Ministry of WCD in a kaihruai a ni. He hunah hian Mizoram Minister Pi Lalrinpuii leh WCD Department Officers te chu NIC Video Conference Hall ah an tel ve a ni. Minister Pi Lalrinpuii chuan thusawina hun neiin, Mizoram Women and Child Development hmalakna hrang hrang te a sawi a. Mizoram chu India rama WCD schemes hrang hrangah titha ber pawl a nih dan te tarlangin; Hmalakna thar hrang hrang an neih tur thu leh theihtawp chhuah zel tum a nih dante a tarlang bawk a ni. Attachment Loading attachment...",Dated: 10 th Aug 24 12:19 PM,https://dipr.mizoram.gov.in/post/union-minister-of-women-and-child-development-hovin-state-tin-a-wcd-minister-ten-meeting-an-nei |
CHIEF MINISTER LEH ASSAM TEAM TE INKAWM,"1524/2024-2025 Dated Aizawl, the 10th August, 2024: Vawiin khan Chief Minister Pu Lalduhoma chuan a chenna inah ramri chungchang sawia lo zin Pu Atul Bora, Minister, Border Protection & Development, Assam leh a team te a kawm. Chief Minister chuan, ramria kan harsatna hi kan hunlai ngeia chin fel tuma hmalak kan duh a. Inbiakna hi vawi tam tak a lo awm tawh thin a, thutlukna hi status quo tih a ni deuh zel a. Hei hi inremna tak tak thlentu nilovin a tihkhawtlaina mai a nihna chen a awm. Official level ah inbiakna a kal zel ang a, a pawimawh zawk chu ram hruaituluten inrem duhna tak takna rilru pua hma kan lak tlan hi a ni, tiin Pu Atul Bora hi a lo hrilh a. Inremna neih fel hma chu a khawi lam ve ve mahin ramriah buaina thlen thei harsatna siam loh tha an tih thu te inpawh takin an sawi dun. Pu Atul Bora pawh hian inremna tluantling nei tura inbiakna neih zel chu tha a tih thu sawiin inkawmna hun tha a siamsak avangin Chief Minister hi lawmthu a hrilh a ni. Chief Minister hi Pu Lalmuanpuia Punte, Adviser to CM chuan a tawiawm a. Minister Pu Atul Bora hi Assam Border Protection & Development official pawimawh Pu Gyanendra Dev Tripathi, IAS, Principal Secretary, Pi Prabiti Thaosen, Secretary, Smti Subhalaxmi Deka, Director leh midangten an tawiawm a ni. Attachment Loading attachment...",Dated: 10 th Aug 24 11:31 AM,https://dipr.mizoram.gov.in/post/chief-minister-leh-assam-team-te-inkawm |
MIZORAM - ASSAM SAWRKAR AIAWHTEN RAMRI CHUNGCHANG AH INBIAKNA AN NEI,"1523/2024-2025 Aizawl dated 9th August 2024: Pu K.Sapdanga, Home Minister, Govt. of Mizoram leh Pu Atul Bora, Minister, Border Protection and Development, Govt. of Assam telna, 'Goodwill Mission' kaltlang a Mizoram - Assam Inter-State Border Meeting chu vawiin chawhnu khan State Guest House, Aizawlah neih a ni a. He thutkhawmna ah hian Land Revenue & Settlement Minister Pu B. Lalchhanzova, Home Secretary Pu Vanlalmawia, Addl. Secretary Pu Joseph H. Lalramsanga leh Home department official-te an tel a. Assam Sawrkar aiawh hian Border Protection and Development Minister Pu Atul Bora hi Principal Secretary, Border Protection and Development Department Pu Gyanendra Dev Tripathi, IAS; Secretary Pi Prabhati Thaosen, IAS; Director Pi Subhalaxmi Deka, ACS leh mi pawimawh dangten an tawiawm bawk a ni. Goodwill Mission hnuai a thutkhawmna neih zawh hian thutharlakhawmtute nen inkawm hona hun neiin thuchhuah intawm, Joint Statement a hnuai ami ang hian an siam. JOINT STATEMENT He thuchhuah intawm (joint statement) hi Mizoram leh Assam Sawrkar aiawh inbiakna, August ni 9, 2024 a State Guest House, Aizawla neih kaltlanga siam niin, Pu K. Sapdanga, Home Minister, Mizoram leh Pu Atul Bora, Border Protection & Development Minister, Assam te'n hming an ziah hnan a ni. 1. August ni 9, 2024-a Mizoram Sawrkar leh Assam Sawrkar inkara 'Goodwill Mission' Aizawl, Mizorama neihah hian February ni 9, 2024 a Assam leh Mizoram Chief Minister te'n State pahnih inkarah inhriatthiamna leh duhsakna nena ramri buaina chinfel a nih theih nan inpekna nghet tak nena hmalak thin ni se tia thu an dah chu nemngheh nawn leh a ni. 2. State pahnihte chuan ramriah remna leh muanna vawn chhunzawm zel ni se, thil duhawm lo a thlen loh nan hmalak ni se an ti a. Ramri hnaih District thuneitu ve ve te'n a khat tawkin Joint Cultural and Sports Festival-te buatsaih thin se, hemi tur hian January ni 31, 2025 ral hma ngeia hmalak ni se an ti. 3. State pahnih aiawhte chuan thutkhawm hmasa lo neih tawh te atang a thuchhuah intawm siam tawhte tih hlawhtlin nan hmalak zel an tum a. Hmachhawp hrang hrang siam tawh te tih hlawhtlin nan Sawrkar Official-te bawhzui tur a tih a ni a. Chung hmalakna bawhzuina ennawnin thutkhawmna neih thin tur a tih a ni. Minister kaihhruai thutkhawmna hi March ni 31, 2025 hma in neih leh tur a tih a ni. 4. State pahnihte hian ram dang atanga kuhva ro tawlh chungchangah tumah ngaihnathiamna nei lova khauh taka hmalak chhunzawman rem an ti. 5. Assam leh Mizoram inrina bialtu Deputy Commissioner-te leh Superintendent of Police ten inter-state border (ramri hrul) ah remna leh muanna a awm reng theih nan thla tin virtual meeting neih rem tih a ni a, thla 6 dan ah dawhkan kil a thutkhawmna nei thin tur a rel a ni. 6. State pahnih a palaite hian ramri buaina chinfel kawng ah ramri hrul a chengte an pawimawh zia hria in an ni nen a tha taka thawhho a tul tih an pawm a, ramri kaihhnawih buaina leh harsatna a awm reng rengin ramri hrul a cheng mipuite leh a kaihhnawih zawng zawng ten anmahni thu a hma la nghal mai lovin thuneitute hnen ah thlen thin se tih a ni. Joint Statement.pdf Attachment Loading attachment...",Dated: 9 th Aug 24 11:14 PM,https://dipr.mizoram.gov.in/post/mizoram-assam-sawrkar-aiawhten-ramri-chungchang-ah-inbiakna-an-nei |
Lungleiah District Task Force for Immunisation an ṭhu khawm,"1522/2024-2025 2024 Thlazing ni 9: Vawiin chawhnu khan Lunglei District Task Force for Immunisation (DTFI) chu an Chairman, Lunglei District Bawrhsap Pu R. Lalṭhazuala hovin Lunglei DC Conference Hall-ah an ṭhu khawm. Natna hrileng inkai chhawn theih laka naupang leh nu nau pai laite invenna damdawi (vaccine) pek kalpui ṭhin (routine immunisation) chungchang leh Lungsen Aspirational Block chhunga hma lak dan tur an sawi ho. He hunah hian Lunglei District chhunga vaccine pek chungchanga hma lak tawhna report ngaihthlak niin, hmabak la awmte sawi ho a ni a. Routine immunisation kal tlangin vaccine hmanga ven theih natna chi hrang hrangah naupang kum 5 hnuai lam leh nu nau pai zawng zawngin a bi kima vaccine an lak vek theih nan hma lakna kalpui mek a nih thu tar lan a ni. Kum 2024-2025 1st quarter (April, May & June) chhungin routine immunisation kal tlanga vaccine pek tur nu nau pai 2,626 leh naupang 2,657 target niin; Td2 & Booster (Pregnant Women) 656-ah 580, BCG-ah 664-ah 543, Hep B (Birth Dose)-ah 664-ah 449; Penta-1-ah naupang 664-ah 551; Penta-3-ah naupang 664-ah 602; Measles Rubella (MR) 1st Dose naupang 664-ah 522; Fully Immunised (kum 1 hnuai lam) naupang 664-ah 522; Completely Immunised (MR2)-ah naupang 664-ah 609 te hnenah vaccine hi pek a ni. Lungsen Block chu Aspirational Block a nih angin hriselna kawngah ngawrh zawka hma lakna kalpui a nih thu tar lan a ni a. Lungsen Primary Health Centre (PHC) hnuaia Sub-Centre pasarih (7)-ah kum 2023-2024 chhungin naupang leh raipuarte hnenah vaccine 89% pek niin, kum 2024-2025 (April, May & June) chhungin vaccine 13% pek a ni tih tar lan a ni a. Lungsen Block hnuaia vaccine pek chungchanga harsatna hrang hrang awm ṭhinte tar lan ni bawkin, hma lakna chak zawk a awm theih nan line department hrang hrang bakah, YMA leh MHIP te chu theih tawp chhuaha thawhpui turin sawm an ni. Attachment Loading attachment...",Dated: 9 th Aug 24 6:07 PM,https://dipr.mizoram.gov.in/post/lungleiah-district-task-force-for-immunisation-an-hu-khawm |
Lungleiah National Deworming Day 2024 August Round hman a ni,"1521/2024-2025 2024 Thlazing ni 9: Vawiin chawhma khan Government Mount Hermon Middle School, Ramthar Veng, Lungleiah rulhut hlo pek beihpui thlak thawh hnihna, National Deworming Day (NDD) 2024 August Round hman a ni a. Lunglei District Additional Deputy Commissioner Pu James Mialung chuan Khuallian nia hun hmanpuiin, sikul naupang thlan chhuahte hnenah rulhut hlo Tab. Albendazole a eitir a ni. National Deworming Day 2024 hmanna Lunglei District Education Office-a Hindi Propagation Officer Pu Prakash Subha kaihhruaiah hian Pu James Mialung chuan National Deworming Day chu India ram pumah hman a nih thu leh, a tum ber chu naupang kum 1 aṭanga kum 19 inkarte rulhut laka ven a nih thu a sawi a. Ram hmasawn zelah hriselna kawnga hma laknate ngaih pawimawh deuh deuh a nih thu sawiin, kan hriselna hi kan thunun a ngai a, rulhut pai lo turin tih theih awlsam tak - kut sil fai ṭhat, thlai leh thei ei tur sil fai ṭhat, tui thianghlim chauh in, ek in ṭha leh thianghlim taka inthiar, ei tur khuh ṭhat bakah, in leh a vel vawn fai te ṭha taka zawm a ṭul a ni, a ti a. Rulhut laka fihlim District ni turin rulhut hlo ei ṭheuh turin naupangte chu chahin, rulhut laka fihlim turin Health & Family Welfare Department-ah chauh innghat lo va, department hrang hrangte leh NGO-te thawh hona nena hma lak a pawimawh thu a sawi. Lunglei District Deputy Chief Medical Officer Dr Lalrinthangi chuan mihring tana rulhut ṭhat lohzia leh rulhut hlo ei a pawimawhzia a sawinaah rulhut paite chu an hrisel theih loh thu leh kan ran vulh leh thlai leh thei ei aṭang te'n rulhut pai theih a nih avangin thil ei dawnin kut fai taka sil a pawimawh thu a sawi a. Sa leh thlai te fai taka sil ṭhin a pawimawh thu te, hmun bawlhlawhah ke lawnga kal loh tur a nih thu leh in leh a vel vawn thianghlim a ngaih thu te a sawi bawk. National Deworming Day-ah hian naupang kum 1-19 te hnenah rulhut hlo Tab. Albendazole pek ṭhin a ni a. Lunglei District chhunga Govt School, Govt Aided School, Anganwadi Centre, kum 1-5 Anganwadi Centre-a hming ziak lo, naupang kum 6-19 inkar sikul kal lo leh college zirlaite hnenah rulhut hlo hi pek vek tum niin, tun ṭuma rulhut hlo pek tur atan hian Lunglei leh Hnahthial District chhungah kum 1 leh kum 19 inkar target 60,532 an awm a. Vawiin khan district chhunga school, college leh anganwadi centre-ah te rulhut hlo hi inpek niin, sikul kal lote chu ASHA te'n an inah kal chilhin an pe bawk a. Target zinga tel si, vawiina pek hman lohte tan August ni 16 khian Mop Up buatsaih a ni leh dawn bawk a ni. Attachment Loading attachment...",Dated: 9 th Aug 24 5:59 PM,https://dipr.mizoram.gov.in/post/lungleiah-national-deworming-day-2024-august-round-hman-a-ni |
INDIA ZALENNA CHAMPHAPHAK 77-NA LAWMNA CHI KHAT ATAN IN TINAH HNAMPUANZAR ZAR VEK TURIN MIPUITE NGEN,"1520/2024-2025 Aizawl the 9th August, 2024: Kan hriat angin kumin hian India ram pumah India Independence kum 77-na champhaphak chu kawng hrang hrangin lawm mek a ni a. Hemi kaihhnawihah hian Aizawl D.C. Er. Lalhriatpuia, MCS chuan a hnuaia mi ang hian Mipuite Hriattirna / Ngenna a siam a ni :- Kumin hi India-in zalenna a hmuh champhaphak kum 77-na a ni a. A lawm nan sorkar laipui ruahmanna a ‘Har Ghar Tiranga’ hnuaiah August 13-15, 2024 chhung hian chhungkaw tinin National Flag tar theuh tur a ni e. Hemi hun chhung atan hian zanah la thla lovin ni 13 atang hian zar tlang tur a ni a, ni 15 tlai ah lak thlak leh tur a ni. Social Media-ah thlalak leh selfie te #HarGharTiranga hmanga tidarh turin mipuite ngen an ni bawk.",Dated: 9 th Aug 24 5:16 PM,https://dipr.mizoram.gov.in/post/india-zalenna-champhaphak-77-na-lawmna-chi-khat-atan-in-tinah-hnampuanzar-zar-vek-turin-mipuite-ngen |
AMC WARD VI BY-ELECTION CANDIDATE TEN SCRUTINY PALTLANG,"1519/2024-2025 Aizawl, 08.08.2024: Vawiin chawhnu khan AMC Ward VI Corporator atana By Election neih tura candidate pathum - Chawnghmingthanga (BJP), H. Lalremtluanga (Zoram People's Movement) leh lalrinfeli (Independent) te chu Municipal Returing Officer Pu Mark Lalthanliana leh Assistant Returning Officer Pi Malsawmhriatzuali hovin Addl DC pisa ah an thu khawm a. An nomination paper te enfiah sak niin, a felfai vek tia pawmsak an ni. Returning Officer ho hian Candidate te leh an election agent te chuan inthlanna atana hriattur tul pawimawh leh inkaihruaina te inhrilhhriatna neih a ni a. Election Campaign neih chhunga an campaign senso awm thei hrang hrang leh a man zat tur bituk in (rate fixation) neih nghal a ni bawk. Attachment Loading attachment...",Dated: 9 th Aug 24 5:12 PM,https://dipr.mizoram.gov.in/post/amc-ward-vi-by-election-candidate-ten-scrutiny-paltlang |
Serchhip District-a bawlhhlawh sawngbawl dan tur sawiho,"1518/2024-2025 Dated Serchhip, the 9 th August, 2024 : Vawiin khan Serchhip DC Pu Paul L.Khuma hoin Town Sanitation Task Force te chu Serchhip DC Meeting Hall-ah an thukhawm a, Serchhip khawpui a lo fai zawkna tura bawlhhlawh sawngbawl dan tur ruahmanna an sawi ho a ni. Meeting ah hian Solid Waste Management Bye-Laws, 2018 hman chungchang sawiho a ni a. He dan hi Aizawl leh District khawpui hmun thenkhatah hman mek a ni tawh a. Serchhip District ah pawh he dan hman a nih ve theihna turin kum 2020 khan hma lak tan a ni a, meeting te neih niin he dan hman tanna tur notification te pawh DC chuan hemi kum hian a lo tichhuak tawh a ni. Vawiin meeting-ah hian Solid Waste Management Bye-Laws, 2018 hi Serchhipa hman tan a nih theih nan a thuphunga pawm a ni a. He dan hnuaiah hian bawlhhlawh tawih thei leh thei lo thliar hran dan te; chenna in, office, school leh sumdawnna hmuna bawlhhlawh khawnna rate te; mipui mimirte leh chhungkaw tin mawhphurhna chipchiar a awm avangin mipuiah zau zawka inzirtir ni se, an ti a ni. Green Herd SP Pvt. Ltd chuan plastic bawlhhlawh sawngbawlna hmun Plastic Waste Management Centre, Thenzawla an din tur chungchang member te hmaah an sawifiah a. PHE Department te nena thawkhoin plastic bawlhhlawh lakkhawm te chu he an Centre hian an buaipui dawn a. Serchhip khawpuiah hian VC te chhawk zangkhai a, sum leh paiah mipui phur tihrit belh chuang si loin Bawlhhlawh tawih theih lo khawn an inhuam thu te, bawlhhlawh phur motor in a thlen phak loh hmunah mihring ruaia an kawtkai atanga bawlhhlawh lakkhawm sak te thlenga an inhuam thu an sawi a. Town Sanitation Task Force chuan an rawtna te chu tha tiin UD&PA Department te nen lo sawiho se, thawhho theih dan kawng a awm em tih te lo zir chiang se se tiin an rel a ni. Meeting ah hian Additional DC Pu Lalrinzuala hnen atangin District Solid Waste Management Plan ngaihthlak a ni a. Serchhip District chhung khaw hrang hrangah kan bawlhhlawh te mumal taka sawngbawl a nih theihna tura District Administration in ruahmanna leh hmathlir an neih te a chhawpchhuak a. Mizoram District te zingah District fai leh thianghlim ber kan nih theihna tura tan lak an tum dan a sawi a ni. Vawiin Town Sanitation Task Force meeting ah hian member te bakah Serchhip khawpui chhung veng tin VCP te leh an aiawh te an tel a ni. Attachment Loading attachment...",Dated: 9 th Aug 24 4:57 PM,https://dipr.mizoram.gov.in/post/serchhip-district-a-bawlhhlawh-sawngbawl-dan-tur-sawiho |
CHHIATRUPNA THLEN THULHA CHETLAK DAN TUR ZIRTIRNA INPE,"1517/2024-2025 Aizawl, 9.8.2024: Aizawl District Disaster Management Authority hmalaknaa chhiatrupna thlen thulha chetlak dan inzirtirna kalpui mek chu vawiin khan Aizawl DC Er. Lalhriatpuia kaihhruaiin Aizawl DC Conference Hall-ah a kharna neih a ni. Aizawl District Disaster Management Authority chuan July ni 24, 2024 atang khan vawiin August ni 9, 2024 thleng Aizawl District chhunga khaw tin aiawh Village Level Disaster Management Committee leh Aizawl khaw chhunga veng tin Local Level Disaster Management Committee-te tan Disaster Management chungchangah training a buatsaih a. Heng training te hi Block tin BDO leh Deputy Commissioner leh Addl Deputy Commissioner, Aizawl ten ho in Disaster Management Coordinator, Fire & Emergency Services Deptt leh Quick Response Team ten training an pe a ni. Heng training-ah hian Local Level Disaster Management Committee in din dan tur te leh an mawhphurhna te, kangmei chungchanga inzirtirna te leh chhiat thlen hma, thlen hun leh thlen hnua hmalak dan tur te leh hliam inbawihsawm te in zirtir a ni. Heng training bakah hian Aizawl District Disaster Management Authority hnuaia Zonal Officers te tan Ni 19 July, 2024 khan training neih a ni bawk. Attachment Loading attachment...",Dated: 9 th Aug 24 4:47 PM,https://dipr.mizoram.gov.in/post/chhiatrupna-thlen-thulha-chetlak-dan-tur-zirtirna-inpe |
AIZAWL Sr. SP TRAFFIC THUCHHUAH,"1516/2024-2025 Aizawl the 9th August, 2024: Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988 in thuneihna a pek ang leh Solid Waste & Traffic Management Committee, Zotlang, Aizawl te ngenna angin Pu Stephen Lalrinawma, MPS, Sr. Superintendent of Police, Traffic, Aizawl chuan mipui kea kalte him zawkna'n Zotlang Presbyterian Biak In atanga Chhangurkawn via Mandir kawnga lirthei tlan dan tur a hnuaia mi ang hian thupek a chhuah. He thupek hi ni 10.8.2024 (Inrinni) atanga thu leh awm hma chu hman tur a ni ang. Zotlang Presbyterian Biak In atanga Chhangurkawn via Madir panna hi Zing dar 08:00 - Zing dar 10:30 leh Tlai dar 04:00 - Tlai dar 06:00 chhung chho zawngin one way tur a ni. One Way anih chhungin helai kawngah hian Two Wheeler tiam lovin lirthei dang tlan chhoh phal a ni lo. He thupek hian chhiatrupna thil, kangmei leh emergency kaihhnawiha duty te, dan leh thupek pawimawh bika Police leh Magistrate duty te chetvelna a huam lo ang.",Dated: 9 th Aug 24 4:41 PM,https://dipr.mizoram.gov.in/post/aizawl-sp-thuchhuah1723201892 |
Mizoram Legislative Assembly Speaker Pu Lalbiakzama'n Lungleiah ZORO buatsaih International Day of the World's Indigenous Peoples lawmna hun a hmanpui,"1515/2024-2025 2024 Thlazing ni 9: Vawiin, August ni 9 hi United Nations (UN)-in khawvel pum huapa tualṭo hnamte puala ni serh, International Day of the World's Indigenous Peoples-a a puan a ni a. He ni hi ZO Re-unification Organisation (ZORO), Divisional Headquarters, Lunglei buatsaihin Saikuti Hall, Lungleiah hman niin, Mizoram Legislative Assembly Speaker Pu Lalbiakzama chuan Khuallian niin a hmanpui a. Lunglei High Powered Committee (HPC) Vice Chairman Pu V. Malsawmtluanga chu khual zahawm a ni. Khuallian Pu Lalbiakzama chuan Zo hnahthlak zawng zawngte World Indigenous Peoples' Day chibai bukin, Zofate hnam anga kan inpumkhatna leh kan din chhuahna a nih theih nan Zofa unau zawng zawngte duhsakna a hlan a. Khawvelah ram leilung fate hnam lian leh chak zawkte'n an hneh lak avanga an awp beh tak hnam chi peng 5,000 lai mai an awm a, ram 90-ah inzar pharhin mihring maktaduai 370 zet an tling tih sawiin, Mizote pawh chu'ng zinga hnam pakhat chu kan ni, a ti a. Khawvel sawrkar intel khawm pawl, UN chuan he'ng ram leilung fate hi awp bettute laka an tal chhuah theihna tur leh an pianpui dikna leh chanvote an neih let theih nan kum 2007 September ni 13 khan, ‘UN Declaration on the Rights of Indigenous Peoples’ puang chhuakin, a theih chen chenah mahnia ro inrel tura thuneihna pek a thurawn a, he declaration hnuaiah hian Zofate pawhin tharum hmang lova mahnia ro inrel, hnam zalen kan nih hun tur nghakhlel takin kan thlir mek a ni, a ti. Khuallian chuan kum 1988 May ni 20-ah Zofate insuih khawmna tura hma latu pawl, Zo Re-unification Organisation (ZORO) din niin, May ni 21, 2004-ah Zofa zawng zawng ai awhin UNO-ah Affiliated NGO member-ah khung a ni a, heta chinah hian ZORO chuan chawl lovin Zofate kan insuih khawm a, hnam anga kan din chhuah theih nan a bei ta char char a ni tiin, ZORO hma lakna a fak a. Zofate'n kan awmna azirin hming hran hran - Mizo, Zo-Kuki, Chin, etc. tih hming pu mah i la, thlahtu khat, thisen inzawm, hnam khat kan ni a, Zofate hi khawvelah maktaduai 2 leh nuai 8 vel kan awm anga ngaih theih a ni tiin, hnam anga ram bial nei lo tam tak an awm laiin keini Zofate chuan kan hnam hming chawi ngeia Mizoram kan nei hi kan vannei hle a ni, a ti a. Zofate luah ram ang zela mihring cheng zat data update neih chakawm a tih thu leh ZORO te'n hma la thei se a duh thu sawiin, chu chu internet khawvela hmuh leh hai chhuah zung zung theiha kan siam chuan hnam anga kan zahawmna pawh a ni dawn a ni, a ti. Khuallian Pu Lalbiakzama chuan Zofate chu ram hrang hrangah ṭhen darh kan la nih rih avangin hnam anga kan inpumkhat a, kan inpeizawn a, kan intuamhlawm tawn hi tun dinhmuna kan thlen chin a ni rih a, hemi kawngah hian kan ti ṭha thawkhat viau nain, hmasawnna tur kan la ngah hle a ni, a ti a. India aṭanga zalenna sual lai hun harsa te, sawrkar kalphung dik lo tuara Burma rama kan unaute harsatna tawh te, Manipur-a a hnam anga hleilenna leh Bangladesh lama a chi anga nek chepna kan tuarte chu hnam anga kan ṭan rual a ṭulzia min zirtirtu ni se a duh thu sawiin, harsat lai chauhva ṭan rual a tawk lo va, kan hlim leh lawm lai pawha unau kan nihna vawn nun reng hi inpumkhatna atan a pawimawh tak zet a ni, a ti a. Chuti ang tur chuan hnam anga min ei ral mektu hlemhletna te, ruihhlo leh intihhranna te hi kan do tlan a ṭul hle a ni, a ti a. Tun maiah mahnia ro inrel hnam ni su su lo mah i la, khawvel sawrkar ramri khamin min daidanna karah pawh tisa leh thinlung inpumkhat a, 'dam leh tlang khatah, thih leh ruam khatah' kan tih tlat chuan khawvela hnam zahawm kan ni zel dawn a ni, a ti a. 'Mahnia ro inrel tura danglamna thlen turin ṭhalaite an pawimawh' tih sawiin, ṭhalaite chu ram leh hnam tan a taka pen chhuak turin a sawm nghal a ni. He huna khual zahawm Pu V. Malsawmtluanga chuan ṭhenawm ram leh state buai avanga tuartu Zo hnahthlak unaute tan Mizoram sawrkar a ding zel dawn a, a thlahthlam dawn lo tih a sawi a. Zofate chu kan inpumkhat a, kan insuih khawm chuan ram leh hnam ropui tak, khawvelin a ngaihsan dinhmunah kan ding thei tih sawiin, chumi tur chuan Pathianin ram leh hnama min din danah kan chian a, Pathian duh zawnga ke kan pen a pawimawh, a ti a. Ram leh hnam anga zalenna tur leh retheihna sal aṭanga tal chhuak turin ṭhalaite kan harh chhuah a, ram leh hnam hmangaihna tak tak thinlung kan put a ngai a ni tiin, ram leh hnam tana ke pen turin ṭhalaite chu a cho a ni. Pu Lalmuanpuia Punte, MLA, Adviser to Chief Minister, ZORO General Headquarters Vice President ni bawk chuan tualṭo hnamte dikna leh chanvo humhalh tura UN hma lakna bawhzuia ZORO hma lak dan leh hmathlir tar langin, ram tiam thleng turin Zo hnahthlak zawng zawngte hrui khat vuana awm a ṭul tih a sawi a. ZORO thil tum Zo hnahthlak ṭhen darha awmte ram khata inzawm khawm a, mahnia ro inrel a hlawhtlin theih nan Zo hnahthlak hnam hrang hrangte'n inpumkhat leh insuih khawm duhna rilru kan put tlan a, kan hmin kim a ngai a ni, a ti. ZORO, Divisional Headquarters, Lunglei buatsaiha World Indigenous Peoples' Day hmanah hian Lunglei South Bialtu MLA Pu Lalramliana Papuia leh Lunglei Municipal Council Chairman Pu Lalzuithanga te bakah, Myanmar, Bangladesh, state pawn leh Mizoram hmun hrang hrang aṭangin Zo hnahthlak hnam hrang hrang leh pawl hrang hrang ai awhte leh zirlai naupangte an kal khawm a. ZORO Lunglei President Pu Sailothanga Sailo chuan hun kaihruaiin, BCM Associate General Secretary (Mission) Dr R. Lalthanmawia'n hunserh a hmang a. ZORO Lunglei Consultant Pu Lawmawma Tochhawng chuan inlawmna thu sawiin, Organising Committee Secretary Pu Lalpeksanga Chenkual, ZORO Lunglei General Secretary Pu R. Malsawmtluanga leh ZORO Aizawl General Secretary Pu L. Ramdinliana Renthlei te hnen aṭangin report ngaihthlak a ni a. ZORO General Headquarters Aizawl President Pu R. Sangkawia, ZORO Lunglei Adviser Pu C. Zaṭhuama leh UN Expert Mechanism on the Rights of Indigenous Peoples-a ZORO palai Pu Lalnunfela Chawngthu te bakah, ram dang aṭanga palai - Myanmar Chin Affairs Minister Pi Lalrinmuani, Myanmar Chin Hills MP Pi Khawtinsiami leh Bangladesh palai Pu Zingkhumliana (Bawm) te pawhin thu an sawi bawk. He hunah hian ZORO hruaitu tun hnaia chatuan ram pan mi pali sunna hun hman a ni a. MZP Cultural Troupe, Lunglei leh Matu Welfare (Ṭhaizawl Refugee Camp) te'n hnam lam entirin, Pu C. Lalhmingliana (Zohnuai) chuan lemlawi a tum a. Lalrinsanga, Lallawmzuali Ngente, Lalenkawli Pautu leh R. Lalhmingmawia te'n zaiin kal khawmte an awi a. Organising Chairman Pu R. Lalsangvunga'n lawm thu sawiin hun a khar a ni. Khawvel ram hrang hranga tualchhuak hnamte hmakhua ngaihtuahin UNO chuan kum 1994 aṭang khan August ni 9 chu 'International Day of the World's Indigenous Peoples' atan a puang a. Kumin hi a kum 30-na niin, thupuiah ""Indigenous Youth as Agents of Change for Self Determination"" tih hman a ni. Vawiin, August ni 9, 2024-a Saikuti Hall, Lungleia International Day of the World's Indigenous Peoples hmanga kal khawmte hian a hnuaia mi ang hian thupuan (resolution) an siam a ni: ""1) Zofa - India, Myanmar leh Bangladesh sawrkar awp hnuaia chengte hi hnam khat, thlahtu thuhmun, thisena inzawm, ṭawng khat hmang (ṭawng khat, chibil tawng hrang hrang nei), nunphung thuhmun, serh leh sang inkhawih pawlh, beiseina hrui khat vuan a, 'Dam leh tlang khatah, thih leh ruam khatah,' ti ṭhin unau dik tak kan ni. ""2) British-in an ram awp remchan dan anga Zofate luah ram an ṭhen hrang a, mipuite min ṭhen darh a, kan dikna chanvo min tihchhiatsak hi kan tan anchhia a ni a, Zo Re-unification Organisation (ZORO)-in Zofa, ṭhen darha awm tawhte, kan dikna chanvo nei let leh tura insuih khawm leh tura hma an la hi a dik kan tiin kan pawm a, tharum thawh lo va, dikna hmachhuana insuih khawm tura beihna hi ṭha kan ti a, kan thawp tlat a ni. ""3) Zofate insuih khawm lehna tura Zo Re-unification Organisation (ZORO)-in a beihna hi India, Myanmar leh Bangladesh-a sawrkar luah Zofa zawng zawngte'n thlawp tlat a, kan insuih khawmna tura thawk tlang turin kan ngen e."" Attachment Loading attachment...",Dated: 9 th Aug 24 4:35 PM,https://dipr.mizoram.gov.in/post/mizoram-legislative-assembly-speaker-pu-lalbiakzaman-lungleiah-zoro-buatsaih-international-day-of-the-worlds-indigenous-peoples-lawmna-hun-a-hmanpui |
Hnahthial South II Village Council By-Election neih tur chungchanga Hriattirna,"1514/2024-2025 Dated Hnahthial, the 9th August, 2024: HRIATTIRNA State Election Commission, Mizoramin thupek a chhuah angin VC09011- Hnahthial South II Village Council By-Election neih tura atana Electoral Roll chu tahrik Ni.13.08.2024 (Thawhlehni) dar 11:00 AM hian Meeting Hall - 1, DC Office, Hnahthialah tiangzarh a ni dawn a. A hnuaia tarlante hi lo tel ngel tura ngen leh beisei an ni. 1. Superintendent of Police, Hnahthial. 2. ERO, Hnahthial South - 11 3. AERO, Hnahthial South - II 4. Hnahthial South - II VC huam chhunga Political Party alawh mi pakhat theuh. 5. Hnanthial South - II VC huam chhunga YMA, MHIP leh MUP alawh mi pakhat theuh. 6. President, District MJA, Hnahthial. Attachment Loading attachment...",Dated: 9 th Aug 24 4:33 PM,https://dipr.mizoram.gov.in/post/hnahthial-south-ii-village-council-by-election-neih-tur-chungchanga-hriattirna |
End of preview. Expand
in Data Studio
No dataset card yet
- Downloads last month
- 7